ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » មន្ត្រីជលផល​ខេត្តកណ្តាល​ចុះ​ប្រមូល​លុយ​ពី​ម្ចាស់​ស្រះ​ចិញ្ចឹម​ត្រី​ឆ្តោ​

មន្ត្រីជលផល​ខេត្តកណ្តាល​ចុះ​ប្រមូល​លុយ​ពី​ម្ចាស់​ស្រះ​ចិញ្ចឹម​ត្រី​ឆ្តោ​

កណ្តាល៖ មាន​សេចក្តីរាយការណ៍​ថា នៅក្នុង​ឃុំ​ត្រើយ​ស្លា ស្រុក​ស្អាង មាន​ស្រះ​ចិញ្ចឹម​ត្រី​ឆ្តោ ប្រមាណ​៣០០ ស្រះ ហើយ​មាន​មន្ត្រីជលផល​ខេត្ត​និង​ស្រុក ចុះ​ប្រមូល​លុយ​ពី​ម្ចាស់​​ស្រះ​នីមួយៗ បាន​មិន​ក្រោម​ពី​២​ម៉ឺន​ដុល្លារ នោះទេ ថ្នូរ​នឹង​ការមិន​បង្ក្រាប Sic​។គេ​និយាយថា ស្រះ​ខ្លះ​ឈ្មួញ​ចិញ្ចឹម​ពី​៣​ពាន់​ក្បាល​ដល់​៤​ពាន់​ក្បាល ស្រះ​ខ្លះ​ពី​២​ម៉ឺន​ក្បាល​​ដល់​៣​ម៉ឺន​ក្បាល ស្រះ​ខ្លះ​ពី​១០​ម៉ឺន​ក្បាល​ដល់​២០​ម៉ឺន​ក្បាល តែ​ស្រះ​ចិញ្ចឹម​ពី​១០​ម៉ឺន​ក្បាល​ដល់​២០​ម៉ឺន​ក្បាល​នេះ មានតែ​ពីរ​ទៅ​បី ស្រះ​ប៉ុណ្ណោះ ក្រៅពីនោះ​មាន​ស្រះ​តូចៗ​ច្រើន​ដូច​ម្រាមដៃ​។ គេ​និយាយថា ឧ​ហ្សា​ហ៍​ឃើញ​មន្ត្រីជលផល​ស្រុក និង​មន្ត្រី​ជលផល​​ខេត្ត ចុះទៅ​ជួប​ម្ចាស់​ស្រះ​ណាស់ តែ​មិនឃើញ​បង្ក្រាប​ទេ​។ ការដែល​មន្ត្រី​ទាំង​នោះ​ចុះទៅ​ជួប ម្ចាស់​ស្រះ មិនមែន​ចុះទៅ​ណែនាំ​មិន​ឲ្យ​ចិញ្ចឹម​ត្រី​ឆ្តោ​នោះទេ គឺ​ចុះទៅ​ប្រមូល​លុយ​តាម​រដូវ រួច​ក៏​នាំគ្នា​ឡើងទៅ ស្រុក​និង​ទៅ​ខេត្ត​វិញ​អស់​។​

ប្រជាពលរដ្ឋ​និង​មន្ត្រីប៉ូលិស​ដែល​គ្មាន​ភារកិច្ច​បង្ក្រាប​ត្រី​ខុសច្បាប់​នោះ បាននាំគ្នា​រិះគន់​មេ​ជលផល​ខេត្ត​និង មេ​ជលផល​ស្រុក​ស្អាង​ថា មកពី​ពួក​អស់លោក​ចេះតែ​ទទួល​ប្រាក់​សំណូក​ពី​ឈ្មួញ​ទាំងនោះ ទើប​វា​កើតមាន ស្រះ​ចិញ្ចឹម​ត្រី​ឆ្តោ ដូច​ម្រាមដៃ​នោះឯង ប៉ុន្តែ​បើ​អស់លោក​មិន​យកប្រាក់​សំណូក​វិញ ឈ្មួញ​ក៏​គ្មាន​ហ៊ាន​ចិញ្ចឹម ត្រី​ឆ្តោ​នោះដែរ​។

ប្រជាពលរដ្ឋ​និង​មន្ត្រីប៉ូលិស​ដឹង​រឿង​នាំគ្នា​និយាយថា មេ​ជលផល​ស្រុក​ស្អាង និង​មេ​ជល​ផល​ខេត្ត យកលុយ​ពី ម្ចាស់​ស្រះ​ក្នុង​មួយរយៈ​ត្រី​ធំ​បាន​មិន​ក្រោម​ពី​២​ម៉ឺន​ដុល្លារ​នោះទេ ក្នុង​មួយ​ឃុំ​ត្រើយ​ស្លា ចុះ​ទំរាំ​ម៉ា​ខេត្ត​វិញ តើ បាន​ប៉ុន្មាន​? ប្រជាពលរដ្ឋ​ក្នុង​ឃុំ​ត្រើយ​ស្លា បាន​​ចាប់យក​អាជីព​ចិញ្ចឹម​ត្រី​ឆ្តោ​ស្ទើរ​គ្រប់​ផ្ទះ ព្រោះ​គ្មាន​នរណា​ចាប់ ទេ ឲ្យ​តែ​បង់លុយ​ជូន​មន្ត្រីជលផល​ស្រុក​និង​ខេត្ត​ទៅ​វា​ចប់​បាត់់ទៅហើយ​។

ត្រី​ឆ្តោ គឺជា​ប្រភេទ​ត្រី​ស៊ី​ត្រី​គ្នាឯង​ជា​ចំណី ដូច្នេះហើយ​ទើប​ក្រសួងកសិកម្ម​ក៏ដូចជា​រាជ​រដ្ឋា​ភិបាល មិន​ឲ្យ ប្រជាពលរដ្ឋ​ចិញ្ចឹម​ត្រី​ឆ្តោ​នោះឯង​។ មិនតែប៉ុណ្ណោះ​ក៏បាន​ឲ្យ​មន្ត្រីជល​ផល​ទូទាំងប្រទេស ធ្វើការ​បង្ក្រាប​ដោយ គ្មាន​ការលើកលែង​នោះទេ​។ ប៉ុន្តែ​មន្ត្រីជលផល​ថ្នាក់ក្រោម​មិន​យក​ត្រចៀក​ស្តាប់​ឡើយ ហើយ​ថែមទាំង​បើកដៃ ឲ្យ​គេ​ចិញ្ចឹម​ស្រួល ចុះ​ទៅ​​ប្រមូល​លុយ​ដាក់​ហោប៉ៅ​ទៅវិញ​។​

ប្រជាពលរដ្ឋ​និង​មន្ត្រីប៉ូលិស ដែល​ដឹង​រឿង​បាន​និយាយថា សព្វថ្ងៃនេះ​ឈ្មួញ​ចិញ្ចឹម​ត្រី​ឆ្តោ​នៅ​ឃុំ​ត្រើយ​ស្លា បាន​ដង​កូន​ត្រី​ពី​ទន្លេ​ក្នុង​មួយថ្ងៃ​មិនតិច​តោន​នោះឡើយ ដើម្បី​យក​ទៅ​ធ្វើជា​ចំណី​ត្រី​ឆ្តោ ដោយ​ពួកគេ​មិនបាន ឲ្យ​ស៊ី​ចំណី​សិប្បនិម្មិត​ឬ​ចំណី​កែច្នៃ​ទេ ព្រោះ​ត្រី​វា​កម្រ​ធំ​។ ដូច្នេះ​គ្រាន់តែ​ឃុំ​ត្រើយ​ស្លា​មួយ​ត្រូវ​ការកូន​ត្រី​រាប់ តោន​ក្នុង​មួយថ្ងៃៗ ចុះបើ​ម៉ា​ខេត្តកណ្តាល​វិញ វា​ត្រូវ​ការកូន​ត្រី​ប៉ុណ្ណា​ដែរ​? បើ​គ្មាន​ការបង្ក្រាប​ឲ្យ​បាន​ទាន់​វេលា ទេ​នោះ កូន​ត្រី​ច្បាស់​ជា​ហីន​ហោច​គ្មាន​សល់​នោះទេ​។​

ករណីនេះ ប្រជាពលរដ្ឋ​សំណូមពរ​ដល់​លោក​រដ្ឋមន្ត្រី​ក្រសួងកសិកម្ម​រុក្ខាប្រមាញ់​និង​នេសាទ ចុះទៅ​បង្ក្រាប​ផង បើ​ពឹង​មន្ត្រី​នៅ​ខេត្តកណ្តាល​នោះ មិនកើត​ឡើយ​។ កាសែត​អរិយធម៌​មិនអាច​ទំនាក់ទំនង​មន្ត្រី​ទាំងអស់ ដើម្បី សុំ​ការពន្យល់​បកស្រាយ​បានទេ​នៅ​ថ្ងៃទី​២​ខែសីហា​ឆ្នាំ​២០១៣៕ ​ដោយ​៖ តា​បណ្ឌិត

Copyright © 2010-2021 · អរិយធម៌ · All Rights Reserved.
Develop by Sek Sathya