ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » សកម្មភាព​ដឹកជញ្ជូន​ឈើ​គ្រញូង​កំពុង​តែមាន​សកម្មភាព​យ៉ាង​គគ្រឹកគគ្រេង​

សកម្មភាព​ដឹកជញ្ជូន​ឈើ​គ្រញូង​កំពុង​តែមាន​សកម្មភាព​យ៉ាង​គគ្រឹកគគ្រេង​

ពោធិ៍សាត់​៖​ ​ការដឹកជញ្ជូន​ឈើ​គ្រញូង​តាម​ម៉ូតូ គោយន្ត និង​រថយន្ត​កំពុងតែ​មាន​ភាព​មមា​ញឹក​យ៉ាងខ្លាំង នៅ​មុនពេល​បោះឆ្នោត​និង​ក្រោយ​បោះឆ្នោត​នៅក្នុង​ខេត្តពោធិ៍សាត់   ហើយ​សកម្មភាព​ដឹកឈើ​នេះ​គឺ​មាននៅ ស្រុក​ភ្នំក្រវាញ និង​ស្រុក​បាកាន ប៉ុន្តែ​មិនដែល​ឃើញ​មាន​សមត្ថកិច្ច ឬ​ជំនាញ​ណា​ធ្វើការ​បង្ក្រាប​ឡើយ​។​ប្រភពព័ត៌មាន​ពី​ស្ត្រី​ម្នាក់​រស់នៅ​ភូមិ​ថ្មី ក្នុង​ឃុំ​តា​លោ ស្រុក​បាកាន បាន​ឲ្យ​ដឹងថា​ក្នុង​មួយ​ថ្ងៃៗ តែង​ឃើញ​ម៉ូតូ ដឹកឈើ​គ្រញូង​យ៉ាងតិច​មិន​ក្រោម​ពី​១០​ទៅ​២០​គ្រឿង​ទេ​នៅពេល​ថ្ងៃ ចំណែក​ពេលយប់​មាន​ទាំង​រថយន្ត​តូចៗ និង​ម៉ូតូ​អូស​រ៉ឺម៉ក ព្រមទាំង​គោយន្ត​ច្នៃ​ផងដែរ ដឹកជញ្ជូន​ឈើ​គ្រញូង​ពេលខ្លះ​មាន ឡាន​ហុក​ឡ​ដឹក​ទាំង​ថ្ងៃ​ក៏មានដែរ។

​ប្រភព​ដដែល​បាន​បន្តថា នៅពេល​ឃើញ​ម៉ូតូ​ឬ​ឡាន​ដឹកឈើ​នេះ​សមត្ថកិច្ច​ប៉ូលិស ព្រម​ទាំង​ស្ថាប័ន​ផ្សេង ទៀត ទោះជា​បាន​ជួប​ជាក់ស្ដែង​ក៏ដោយ ក៏​មិនឃើញ​មាន​ចំណាត់ការ​ទាល់តែសោះ  ហាក់បីដូច​ត្រូវ​ថ្នាំ​សណ្ដំ ពី​អ្នកដឹកឈើ​ទាំងអស់នោះ​ទៅហើយ​។

​ប្រភពពី​ប្រជាពលរដ្ឋ​ដែល​នៅតាម​ដងផ្លូវ​ពី​ឃុំ​តា​លោ​រហូតមកដល់​ឃុំ​បឹង​ខ្នារ បាន​និយាយ​ថា ថ្លង់​អើយ​សែន​ថ្លង់​មួយ​យប់ៗ​ដោយសារតែ​ពួក​ដឹកឈើ តែ​មិនដែល​ឃើញ​មាន​អ្នក​បង្ក្រាប​សោះ ទោះជា​តាម ផ្លូវ​មាន​សមត្ថកិច្ច​ក៏ដោយ​ឃើញតែ​បើក​ទៅ​បាត់ៗ​គ្មាន​​សល់​ថ្ងៃ​ណា​ម្ដង​ឡើយ​។ ទីតាំង​ដែល​គេ​លើក​ឈើ​នោះ គឺ​នៅ​មិន​ឆ្ងាយ​ពី​សាលាឃុំ និង​ប៉ុស្ដិ៍​ប៉ូលិស​ប៉ុន្មាន​ទេ យ៉ាងហោចណាស់​ចម្ងាយ​៥០០​ម៉ែត្រ​ប៉ុណ្ណោះ​។

​ប្រភពពី​មន្ត្រី (​កូនចៅ​) ប៉ូលិស​ម្នាក់​ដែល​សុំ​មិន​បញ្ចេញ​ឈ្មោះ​បាន​និយាយថា​ខ្ញុំ​ជា​កូន​ចៅ​តើ​ធ្វើ​ម៉េច ហ៊ាន​ទៅ​សួរនាំ​អ្នកដឹកឈើ​ទាំងនោះ​ទៅ បើ​គេ​បាន​បង់​ឲ្យ​មេ​ប៉ុស្ដិ៍​រួចហើយ​។​

​ប្រភពពី​អ្នករកស៊ី​បទល្មើស​មួយចំនួន​បាន​ជជែក​គ្នា​នៅ ហាង​គុយទាវ​ថា​ពួកយើង រកស៊ី​ពេលនេះ​គឺ​មិន​ខ្លាច សមត្ថកិច្ច​ណា​មក​ចាប់​ឬ​ឃាត់​ឡាន​របស់​ពួកយើង​ទេ ព្រោះ​អ្នក​ដែល​​រកស៊ី​និង​ទិញ​បន្ត​នោះ​គឺ​សុទ្ធតែ​សមត្ថកិច្ច និង​កូន​អ្នកធំ​ទាំងអស់​តើ​យើង​ខ្លាច​អី​ទៀត​ម្យ៉ាងវិញទៀត សមត្ថកិច្ច​ប្រហែល​ជាប់រវល់​ការងារ​បោះឆ្នោត​ហើយ គេ​មិន​ចាប់​អារម្មណ៍ ពី​ការដឹកឈើ​គ្រញូង​នេះឡើយ​។ ចំពោះ​អ្នករកស៊ី​បទល្មើស​ឈើ​គ្រញូង​ដែល​ពួកគេ និយាយ​នោះ​គឺ មាន កូន លោក​យ៉ាំ យ៉េន មេឃុំ​តា​លោ កូនលោក​សៅ ដា​រឿន អភិបាលស្រុក​បាកាន មន្ត្រីប៉ូលិស ឃុំ​តា​លោ ព្រមទាំង​អាវុធហត្ថ​ផងដែរ​។  ការដឹកឈើ​នេះ​គឺ​នៅតាម​ផ្លូវ ឃុំ​ផ្ទះ​រុង ឃុំ​តា​លោ ឃុំ រំលេច និង​ឃុំ បឹង​ខ្នារ គឺ​ទាំងថ្ងៃទាំងយប់​មិន​ខ្លាចញញើត​សមត្ថកិច្ច​បន្តិច​សោះឡើយ​។

​ចំណែក​នៅ​ឃុំ​សំរោង ឃុំ​លាច និង​ឃុំ​ស​ន្ទ្រែ ស្រុក​ភ្នំក្រវាញ​ឯណោះ​វិញ​ក៏មាន​សកម្ម​ភាព យ៉ាង គគ្រឹកគគ្រេង​ណាស់ដែរ​ក្នុងការ​ដឹកជញ្ជូន​ឈើ​ទាំងយប់​ថ្ងៃ​។ ទីតាំង​ដែល​លើក​​យ៉ាងច្រើន​សំបើម​ជាងគេ​គឺ​នៅ​ភូមិ កណ្ដាល​ក្បែរ​វត្ត​កណ្ដាល​ជិត​សាលាឃុំ​និង​ប៉ុស្ដិ៍​ប៉ូលិស​ស​ន្ទ្រែ​តែម្ដង​។ ជាក់ស្ដែង​កាលពី​ថ្ងៃទី​០១​ខែសីហា​ឆ្នាំ​២០១៣ វេលា​ម៉ោងជាង​៤​រសៀល នៅក្បែរ​របង​ថ្ម​ផ្ទះ​អ្នកស្រុក​ម្នាក់​ស្ថិតនៅ ក្នុងភូមិ​ស្ដុក​ខ្ទុ​ម ចុង​ខាងកើត ក្នុង​ទឹកដី​ឃុំ​ផ្ទះ​រុង ស្រុក​ភ្នំក្រវាញ គឺមាន​ប៉េអឹម​ខេត្តពោធិ៍សាត់​ពីរ​នាក់ បាន​ដឹកជញ្ជូន​គ្រញូង​ពេញ​ក្នុង​រថយន្ត​ម៉ាក​កាមរី​ស៊​រី​១៩៩៥​ពណ៌​សំបក​ឪឡឹក ដឹក​ឆ្ពោះ​បន្តទៅ​ទី​រួម ខេត្ត ពោធិ៍សាត់​។ នៅក្នុង​សកម្មភាព​ដឹកឈើ​នេះ​មាន​អ្នកសារព័ត៌មាន​ម្នាក់​បាន​ចូលទៅ​ថត​ផ្ដិត​យក​រូបភាព តែ​ត្រូវបាន ប៉េអឹម​ពីរ​នាក់​ចុះ​ពី​រថយន្ត មក​ចាប់​ម៉ាស៊ីន​ថត​ចេញពី​ដៃ​អ្នកសារព័ត៌មាន​អរិយធម៌​មិន​ឲ្យ​ថតរូប​ភាព ហើយ​គេ​បាន ពោល​ពាក្យ​ថា​យើង​ស្គាល់គ្នា​យូរហើយ​កុំ​ថត​អី​។
​    ​ចំពោះ​តម្លៃ​ឈើ​ដែល​ពួកគេ​ទិញ​សព្វថ្ងៃ​គឺ​គិត​ទៅតាម​ប្រភេទ​ឈើ បើ​ឈើ​នោះ​មាន​ទំហំ​ធំ​ល្មម​ចាប់ ពីមុខ​មួយ​តឹក ប្រវែង​កន្លះ​ម៉ែត្រ ឬមួយ​ម៉ែត្រ​គឺ តម្លៃ ១០.០០០​រៀល​ក្នុង​មួយ​គីឡូក្រាម បើ​ឈើ​គ្រញូង នោះ​តូចៗ​គេ​ទិញ តម្លៃ ៣៧០០​រៀល​ទៅ ៤០០០​រៀល​ក្នុង​មួយ​គីឡូក្រាម​។​

​លោក ពិន សង្គម​ឧ​ត្ត​ម នាយ​សង្កាត់រដ្ឋបាល​ព្រៃឈើ​បាកាន​បាន​បំភ្លឺ​ប្រាប់​អ្នកយកព័ត៌​មាន​តាម​ទូរស័ព្ទ នៅ​ថ្ងៃទី​២​ខែសីហា ឆ្នាំ​២០១៣​ថា មួយរយៈ​កន្លងមក​លោក​បាន​បន្ធូរដៃ​នៅពេល​បោះឆ្នោត​ហេតុនេះហើយ ពួក ឆ្លៀតឱកាស​ចេះតែ​ហ៊ាន​រក​ជា​បន្តបន្ទាប់ តែ​លោក​​កំពុងតែ​ស្រាវជ្រាវ​។ លោកនាយ​សង្កាត់​បា​នប​ន្ត​ថា យើង​ពិបាក​ក្នុងការ​បង្ក្រាប​បទ​ល្មើស​ទាំងនោះ ព្រោះ​ពួកវា​មាន​បណ្ដាញ​ច្រើនណាស់​និង​មាន​ល្បិចកល់​ច្រើន ពេល​ដែល​​យើង​ចេញ​ល្បាត​គឺ​ពួកវា​បាន​ទូរស័ព្ទ​ប្រាប់​គ្នា​វា​ជាមុន ធ្វើ​ឲ្យ​ការបង្ក្រាប​របស់​យើង​មិន ទទួលបាន លទ្ធផល​ឡើយ​។ លោក​បាន​បន្ថែមទៀតថា​លោក​មិន ព្រងើយកន្តើយ​ទេ​ក្នុង​ការងារ​ហ្នឹង​ទេ​។​

​មតិ​ពី​មហាជន​មួយចំនួន​បាន​និយាយថា គ្មាន​អ្នកណា​ហ៊ាន​បង្ក្រាប​បទល្មើស​ទាំងនោះ​បានទេ​ព្រោះ អ្នករកស៊ី​លើ្ម​ស​ទាំងនោះ សុទ្ធតែជា​អ្នកមានអំណាច និង​កូន​អ្នកធំ​ទាំងអស់ ដូច្នេះហើយ មានតែ​លោក​អភិបាលខេត្ត​ពោធិ៍សាត់​និង​លោក​មេបញ្ជាការ​កងរាជអាវុធ​ហត្ថ​ខេត្ត និង​លោក​ស្នងការដ្ឋាន​នគរ​បាល​ខេត្ត​ទេ​ទើប​មាន​សមត្ថភាព​។

ឮជាមួយគ្នា​នោះដែរ​មហាជន​នឹង​រង់ចាំ​មើល​លោក អភិបាលខេត្ត​ពោធិ៍សាត់​អាច​ចាត់​វិធានការ​ជាមួយ អ្នករក ស៊ី​បទល្មើស​ដោយ​របៀប​ណា ឬមួយ​ទុក​ឲ្យ​ពួកគេ​ប្រកបមុខរបរ​នេះ​បន្ត​៕ ​ដោយ​៖ ភ្នំក្រវាញ​

Copyright © 2010-2021 · អរិយធម៌ · All Rights Reserved.
Develop by Sek Sathya