ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» Breaking News, បរិយាយថ្ងៃនេះ » កុំ​ចង់​ធ្វើ​បដិវត្តន៍​ផ្កាម្លិះ​ដូច​នៅ​ស៊ី​រី​

កុំ​ចង់​ធ្វើ​បដិវត្តន៍​ផ្កាម្លិះ​ដូច​នៅ​ស៊ី​រី​

ភ្នំពេញ៖ បើ​និយាយ​ពី​ដំណើរការ​បោះឆ្នោត​នៅ​ថ្ងៃទី​២៨ ខែកក្កដា កន្លងទៅ​ថ្មីៗ​នេះ បង្ហាញ​​ឲ្យ​ឃើញថា គ្មាន​ប្រទេស ណា​មាន​ប្រជាធិបតេយ្យ​ជាង​នៅ​ប្រទេស​កម្ពុជា​យើង​ទៀត​ទេ គឺ​គណបក្ស​ប្រជាជន​កម្ពុជា ដែល​កាន់អំណាច បង្ហាញ​ពី​ភាពចាស់ទុំ​ខាង​នយោ​បាយ ព្យាយាម​អត់ធ្មត់​គ្រប់បែបយ៉ាង នៅ​ចំពោះ​មុខការ​ឡើងចាង​ព្រហើន​កោង កាច ឃោរ​ឃៅ របស់​អ្នកគាំទ្រ​គណបក្សប្រឆាំង​មួយចំនួន​។

នៅតាម​ការិយាល័យ​បោះឆ្នោត​មួយចំនួន សកម្មជន​របស់​គណ​បក្សប្រឆាំង មិនមែន​តាំង​ខ្លួន​ជា​តំណាង គណបក្ស​ទេ​តែ​បាន​តាំងខ្លួន​ជា​អ្នករៀបចំ​ចាត់ចែង​បញ្ជា​នូវ​រាល់​សភាព​ការណ៍​គ្រប់បែបយ៉ាង​ជំនួស គ​.​ជ​.​ប និង កម្លាំង​មាន​សមត្ថកិច្ច​នៅ​ទីនោះ​ទៀតផង​។

សេស​មេដឹកនាំ​កំពូលៗ​របស់​គណបក្សប្រឆាំង​ក៏​សម្តែង​អាកប្ប កិរិយា​ក្រអឺតក្រទម មិន​ស​កិ្ត​សមជា​អ្នកនយោបាយ ប្រកបដោយ​គុណធម៌​ដែរ​។ គ្រាន់តែ​ដឹងថា គណបក្ស​ខ្លួន​កំពុងតែ​នាំមុខ​នៅពេល​រាប់​សន្លឹកឆ្នោត ក៏​ស្រែក​ប្រកាសថា ឈ្នះៗ​ភ្លាមៗ​តែម្តង នៅ​ពេលដែល​ការរាប់​សន្លឹកឆ្នោត​មិន ទាន់​ចប់ ហើយក៏​មិនទាន់​សរុប​លទ្ធផល​ទូទាំង​ប្រទេស​​ផង​នោះ​។ មិនតែប៉ុណ្ណោះ សមរង្ស៊ី​បានប្រកាស​ឲ្យ​អ្នក គាំទ្រ​ត្រៀមខ្លួន​ធ្វើ​មហា​បាតុកម្ម​ប្រឆាំងនឹង​លទ្ធផល​នៃ​ការបោះឆ្នោត​នោះ​ទៀតផង ប្រសិនបើ​គណបក្ស​ខ្លួន​មិន ឈ្នះឆ្នោត​ទេ​។​

ពួកគេ​បានប្រកាស​កុំ​ឲ្យ​អ្នកគាំទ្រ​ទទួលស្គាល់​លទ្ធផល​បណ្តោះអាសន្ន ដែល​ប្រកាស​ដោយ​​មន្ត្រី​គណបក្ស​ប្រជាជន​កម្ពុជា​ថា គណបក្ស​ប្រជាជន​កម្ពុជា​ទទួលបាន​៦៨​អាសនៈ ឯ​គណបក្ស​សង្គ្រោះ​ជាតិ បាន​៥៥​អាសនៈ ហើយ​អង្គការ​ខុមហ្វ្រែល ដែល​នរណា​ក៏​ដឹង​ថា ជា​អង្គការ​ឯករាជ្យ​មិន​លំអៀង​ទៅខាង​ណា​នោះ ក៏បាន​ប្រកាស លទ្ធផល​បណ្តោះ​អាសន្ន តាមរយៈ​ការផ្តល់​លទ្ធផល​ពី​អ្នកសង្កេតការណ៍​របស់​ខ្លួន សរុប​ទូទាំងប្រទេស​ថា គណបក្ស​ប្រជាជន​កម្ពុជា ទទួលបាន ៦៧​អាសនៈ ឯ​គណបក្ស​សង្គ្រោះ​ជាតិ ទទួលបាន ៥៦​អាសនៈ គឺ​ខុសគ្នា ជាមួយ​លទ្ធផល​ដែល​ចេញ​ដោយ​គណបក្ស​ប្រជាជន​កម្ពុជា តែ​១​អាសនៈ​ប៉ុណ្ណោះ​។ ឯ​គណៈកម្មាធិការ​ជាតិ រៀបចំ​ការបោះឆ្នោត ក៏បាន​ប្រកាស​លទ្ធផល​បឋម​ថា គណបក្ស​ប្រជាជន​កម្ពុជា​បាន​៦៨​អាសនៈ និង​គណបក្ស សង្គ្រោះ​ជាតិ​៥៥​អាសនៈ​​ដែរ ហើយ​តំណាង​ប្រទេស​និង​អង្គការ​សង្កេតការណ៍​អន្តរជាតិ​នានា ក៏បាន​ប្រកាស​ថា ដំណើរការ​បោះឆ្នោត​បាន​ប្រព្រឹត្ត​ទៅដោយ​សេរី និង​មាន​លក្ខណៈ​ល្អប្រសើរ​ជាង​អាណត្តិ​មុនៗ​ទៅទៀត​។​

ប៉ុន្តែ​មេដឹកនាំ​គណបក្សប្រឆាំង បែរជា​ប្រកាសថា ខ្លួន​ឈ្នះឆ្នោត​បាន​អាសនៈ​យ៉ាងតិច​៦២​ឬ​៦៣​អាសនៈ និង ត្រៀម​ធ្វើ​មហា​បាតុកម្ម​បង្ក​ការ​ចលាចល​ដល់​សង្គមជាតិ​ទៅវិញ ដោយ​មិនមាន​ការគិតគូរ​ពី​បញ្ហា​ផ្លូវច្បាប់​អ្វី​បន្តិច ទាល់តែសោះ​។

គេ​នៅ​ចាំបាន​ថា កាលពី​ឆ្នាំមុន ពេល សមរង្ស៊ី នៅក្រៅ​ប្រទេស​នៅឡើយ គាត់​បាន​ស្រែក​​​ប្រកាស​ពី​ចម្ងាយ​ឲ្យ ប្រជាពលរដ្ឋ​ខ្មែរ ដែលជា​អ្នកគាំទ្រ​គាត់ ងើបឡើង​ធ្វើការ​បះបោរ​ធ្វើ​បដិវត្តន៍​ផ្កាម្លិះ​ដើម្បី​ផ្តួលរំលំ​សម្តេចនាយក រដ្ឋមន្ត្រី​ហ៊ុន សែន ដូច​នៅ​ប្រទេស​ស៊ី​រី និង​ដូច​នៅតាម​បណ្តា​ប្រទេស​អារ៉ាប់​មួយចំនួនទៀត​។ លុះដល់​យុទ្ធនាការ ឃោស​នា​បោះឆ្នោត​ពេល​ហែ​ក្បួន​ម្តងៗ គេ​ឃើញ​អ្នកគាំទ្រ​គណបក្ស​សង្គ្រោះ​ជាតិ ដែល​ភាគ​ច្រើន​ជា​យុវជន ឈាមរាវ បញ្ចេញ​អាកប្បកិរិយា​ឡើងចាង​ច្រងេងច្រងាង ហើយ​ពេល​បោះឆ្នោត​ហ៊ាន​វាយកំទេច​និង​ដុត​រថយន្ត សមត្ថកិច្ច​ប៉េអឹម​ទៀត​នោះ លុះដល់​ពេល​រាប់​សន្លឹកឆ្នោត ស្រាប់តែ​សមរង្ស៊ី​ប្រកាសថា ឈ្នះៗ​និង​ត្រៀម​ធ្វើ មហា​បាតុកម្ម​ទៀតផង​នោះ តើ​នេះ​ជាការ​ស្រែក​ពន្យុះ​ឲ្យ​អ្នកគាំទ្រ​គាត់​ធ្វើ​បដិវត្តន៍​ផ្កាម្លិះ ដូចដែល​គាត់​ធ្លាប់ ស្រែក​​ពន្យុះ​ពីមុនមក​ឬ​យ៉ាងណា​?

ប្រសិនបើ សមរង្ស៊ី​ឬ​កឹម សុខា មាន​មហិច្ឆតា​ចង់​ធ្វើ​បដិវត្តន៍​ផ្កាម្លិះ​មែន​នោះ អ្នក​ដែល​ត្រូវ​ជួប​ហេតុការណ៍ អាក្រក់​គឺ សមរង្ស៊ី និង​កឹម សុខា ខ្លួនឯង ហើយ​អ្នក​ដែល​ត្រូវ​ទទួលផល​អាក្រក់​គឺ​អ្នក​ដែល​ជឿ​តាម​ការស្រែកពន្យុះ​នោះឯង​៕ ដោយ​៖ ម៉ា​រី​ណា​

Copyright © 2010-2021 · អរិយធម៌ · All Rights Reserved.
Develop by Sek Sathya