ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» ព័ត៌មានជាតិ » កម្ពុជា​នឹង​នាំ​ចេញ​ផលិតផល​​ប្រើប្រាស់​​ក្នុងផ្ទះ​ទៅ​កាន់​ទីផ្សារ​ជប៉ុន​ ​

កម្ពុជា​នឹង​នាំ​ចេញ​ផលិតផល​​ប្រើប្រាស់​​ក្នុងផ្ទះ​ទៅ​កាន់​ទីផ្សារ​ជប៉ុន​ ​

ភ្នំពេញ​៖ ប្រទេស​កម្ពុជា ជា​ប្រទេស​​កំពុង​អនុវត្ត​នូវ​គោលនយោបាយ​អភិវឌ្ឍន៍​ផលិតផល សេដ្ឋកិច្ច​ទីផ្សារសេរី​នៃ​ការប្រកួតប្រជែង ដោយ​សមធម៌ និង​យុត្តិធម៌​។ ជាពិសេស​នោះ ក្រសួង ពាណិជ្ជកម្ម​ជា​ស្ថាប័ន​មួយ​ដែល​គាំពារ​ពាណិជ្ជកម្ម សហគ្រិន ឬ​ផលិតករ គឺ​ក្រសួង​តែងតែ​យកចិត្ត ទុកដាក់​គាំទ្រ និង​សម្របសម្រួល​រាល់​សកម្មភាព​ពាណិជ្ជក​ម្ម​របស់​បណ្តា​ក្រុមហ៊ុន​ជាតិ​-​អន្តរជាតិ ដែល​កំពុង​ធ្វើ​ធុរកិច្ច​នៅ​កម្ពុជា​ដោយ​ពុំមាន​ការបែងចែក ឬ​រើសអើង​ដៃគូ​វិនិយោគ​បណ្តាក់ទុន ណាមួយ ឡើយ​។​
​ដោយឡែក​ថ្ងៃទី ២ សីហា ២០១៣ នេះ នាយកដ្ឋាន​ជំរុញ​ពាណិជ្ជកម្ម  និង​មជ្ឈមណ្ឌល​អាស៊ាន​-​ជប៉ុន​បាន​សហការ​រៀបចំ​បទ​បង្ហាញ​មួយ​ស្តីពី «​ការអភិវឌ្ឍ​ផលិតផល​ក​កម្ពុជា​សំរាប់ នាំ​ចេញទៅ កាន់​ទីផ្សារ​ជប៉ុន​» ក្នុង​គោលបំណង​ពង្រឹង និង​អភិវឌ្ឍ​ផលិតផល ដើម្បី​ជំរុញ​ឱ្យ​ចលនា វិស័យ​នាំចេញ​ទៅកាន់​ទីផ្សារ​ប្រទេស​ជប៉ុន ក៏ដូចជា​ទៅកាន់​ទីផ្សារ​សកលលោក​បាន​យល់ដឹង​ពី​ផលិតផល​នៃ សិប្បករ​របស់​កម្ពុជា​ឱ្យ​បន្ត​ខិតខំ​ពង្រីក​អាជីវកម្ម​ផលិតផល​កែច្នៃ​របស់ខ្លួន​បាន​សមស្រប​ទៅតាម​ស្តង់ដារ​ទីផ្សារ​របស់​ប្រទេស​ជប៉ុន​។​
​តំណាង​មជ្ឈមណ្ឌល​អាស៊ាន​-​ជប៉ុន លោកស្រី Kazukor Haruyama​បាន​ពន្យល់​ពី​មជ្ឈមណ្ឌល អាស៊ាន​-​ជប៉ុន​ថា មជ្ឈមណ្ឌល​នេះ​គឺជា​អង្គការ​អន្ដរជាតិ​ដែល​បាន​បង្កើតឡើង​ក្នុង​ឆ្នាំ ១៩៨១ នៅក្នុង​ទីក្រុង​តូ​ក្យូ​។​ចាប់តាំងពី​ពេលនោះ មក​ពិព័រណ៍​ពាណិជ្ជកម្ម​ប្រកបទៅដោយ​ទីផ្សារសេរី​យុត្តិធម៌​ជា​ស្នូល​នៃ​គម្រោង​ការធ្វើ​ពាណិជ្ជកម្ម​នៅលើ​មូលដ្ឋាន​ក្នុង​តំបន់​។​
​លោកស្រី​បន្តថា ចាប់តាំងពី​ចុងឆ្នាំ ១៩៩០​មក​អាស៊ាន​បាន​ពង្រីក​ជា​សមាជិក​ហើយ បន្ទាប់មក សមាហរណកម្ម​អាស៊ាន​ត្រូវបាន​ធ្វើឱ្យ​ខុសៗ​គ្នាៗ​។​ជា​លទ្ធផល​មជ្ឈមណ្ឌល​បាន​រកឃើញថា​វា​មានការ​លំបាក​ក្នុងការ​ជ្រើស​ផលិតផល​បង្រួបបង្រួម​ពួកគេ​ក្នុងចំណោម​១០​រដ្ឋ​ជា​សមាជិក​។ ពីមួយ​ឆ្នាំ​នៃ​ឆ្នាំ ២០១៣​យើង​នឹងមាន​វិធីសាស្ត្រ
​ក្នុងស្រុក ដើម្បី​ឆ្លើយតប​ទៅនឹង​តម្រូវការ​ផលិតផល​ជាក់លាក់​ឬ​ចំណាប់ អារម្មណ៍​នៃ​ការវិនិយោគ​ច្រើន​។ នៅក្នុង​ករណី​នៃ​ប្រទេស​កម្ពុជា​មជ្ឈមណ្ឌល​នឹង​រៀបចំ​តាំង បង្ហាញ​នៅ​កម្ពុជា​ពីថ្ងៃ​ទី ២៨​ខែតុលា​ដល់​ខែវិច្ឆិកា ក្នុង​កិច្ចសហប្រតិបត្តិការ​ជាមួយ​ក្រសួង ពាណិជ្ជកម្ម​។ ​ជាមួយគ្នានេះ អនុប្រធាននាយកដ្ឋាន​ជំរុញ​ពាណិជ្ជកម្ម​របស់​កម្ពុជា គឺ​លោក ឈាវ ផា បាន​មាន មតិយោបល់​ថា ពាណិជ្ជករ សហគ្រិន ឬ​ផលិតករ គួរតែ​ចាប់អារម្មណ៍​ឱ្យបាន​ខ្លាំងក្លា​នូវ​ការ​រចនា​ម៉ូដ ផលិតផល ការកែច្នៃ​ប្រឌិត​ថ្មីៗ
និង​បង្កើន​ផលិតភាព​ឱ្យបាន​ធំដុំ សំរាប់​ផ្គត់ផ្គង់​លើ​ទីផ្សារ​ពិភពលោក ហើយ​ជាពិសេស​ទីផ្សារ​ប្រទេស​ជប៉ុន ដើម្បី​ជួយ​រាជរដ្ឋាភិបាល និង​សេដ្ឋកិច្ចជាតិ​ក្នុងការ​កាត់បន្ថយ​លំហូរ រូបិយប័ណ្ណ​ជាតិ​ទៅ​បរទេស​លើសលុប និង​ជួយ​ដល់​ការអនុវត្ត​គោលនយោបាយ​របស់​រដ្ឋា​ភិ​បាល​ក្នុង ការកាត់បន្ថយ​ភាពក្រីក្រ និង​បង្កើន​ការងារ​ប្រាក់ចំណូល​ជូន​ប្រជាពលរដ្ឋ​
​លោក​បន្តថា ចំពោះ​យុទ្ធសាស្ត្រ​អភិវឌ្ឍន៍​ទីផ្សារ និង​ជំរុញ​ពាណិជ្ជកម្ម​ក្រសួង​បាន​អនុវត្ត​នូវ​ទិស ស្លោក​បី​ជា​ចំបង​គឺ ទី​១ យក​វិស័យ​ឯកជន​ជា​ក្បាលម៉ាស៊ីន​អូស​កំណើនសេដ្ឋកិច្ច ទី​២ កាត់បន្ថយ​បែបបទ រដ្ឋបាល​ជា​អតិបរិមា និង​ទី​៣ ធ្វើ​វិម​ជ្ឍ​កា​ការងារ​តាមរយៈ​កំណែទម្រង់​ស៊ីជម្រៅ​របស់​រដ្ឋាភិបាល នៃ​សេដ្ឋកិច្ចជាតិ បាន​ងើប​ឡើងវិញ​ពី​វិបត្តិ
​សេដ្ឋកិច្ច​សកល​យ៉ាង​ឆាប់រ​ហ័យ ហើយនឹង​កំពុង​បង្ហាញ​នូវ​ភាព មាំមួន​ឆ្ពោះទៅរក​គោលដៅ​កំណើន​ប្រចាំឆ្នាំ​។​​ជាក់ស្តែង លទ្ធផល​នៃ​កំណើនសេដ្ឋកិច្ច​ជា​មធ្យម​ប្រចាំឆ្នាំ​មានការ​រ​ងើប​យ៉ាង​រហ័ស​របស់​កម្ពុជា ដោយ​ផ្តោតលើ​វិស័យ​កសិកម្ម​មាន​ចំនួន ៣,២% វិស័យ​ឧស្សាហ៍កម្ម​មាន ១៣.៣% និង​វិស័យ​សេវាកម្ម​មាន​ចំនួន ៥%​។ កំណើន
​វិស័យ​កសិកម្ម​ភាគច្រើន​បានមកពី​ការកើនឡើង​ដំណាំ​ស្រូវ កៅស៊ូ និង​បណ្តា​ដំណាំ​ផ្សេងៗ​ទៀត​ដែល​កំពុង​តែមាន​សក្តានុពល​នៅលើ​ទីផ្សារ​ដូចជា ពោត សណ្តែក ល្ង ដំឡូង​មី ជាដើម​។ វិស័យ​ឧស្សាហកម្ម​ភាគច្រើន​បានមកពី​ផ្នែក​វាយ​ន​ភណ្ឌ សិប្បកម្ម​ផលិត​កែច្នៃ សំណង់ និង​អគ្គិសនី​។ រីឯ​កំណើន​ផ្នែក​សេវាកម្ម​ទេសចរណ៍​រួមមាន​៖ ហរិញ្ញវត្ថុ និង​ធនាគារ អចលនវត្ថុ ពាណិជ្ជកម្ម ព្រមទាំង​វិស័យ​ដឹកជញ្ជូន និង​ទូរគមនាគមន៍​៕

ដោយៈ សេរី​មករា

Copyright © 2010-2021 · អរិយធម៌ · All Rights Reserved.
Develop by Sek Sathya