ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||   

» ព័ត៌មានជាតិ » លទ្ធផល​ផ្លូវការ​នៃ​ការ​បោះឆ្នោត​នឹង​​ប្រកាស​​នៅ​ថ្ងៃទី​៨ ខែកញ្ញា

លទ្ធផល​ផ្លូវការ​នៃ​ការ​បោះឆ្នោត​នឹង​​ប្រកាស​​នៅ​ថ្ងៃទី​៨ ខែកញ្ញា

​ភ្នំពេញ​៖​គណៈកម្មាធិការ​ជាតិ​រៀប​ចំ​ការបោះ​ឆ្នោត នឹងធ្វើ​ការប្រកាស​លទ្ធ​ផល​ផ្លូវការ​នៃ​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥ ជា​ផ្លូវការ​នៅ​ថ្ងៃទី​៨​ខែកញ្ញា​ឆ្នាំ​២០១៣  បន្ទាប់ពី​ធ្វើការ​ដោះស្រាយ​នូវ​វិវាទ​ចប់សព្វគ្រប់​នៅ​ក្រុមប្រឹក្សាធម្មនុញ្ញ​និង​ធ្វើការ​ត្រួតពិនិត្យ​លទ្ធផល​រាប់​សន្លឹកឆ្នោត តាម​បណ្តឹង​ចប់សព្វគ្រប់​ហើយ​ពុំមាន
​បណ្តឹងតវ៉ា​ទៀត​នោះ គ​.​ជ​.​ប​.​នឹងធ្វើ​ការប្រកាស​លទ្ធ​ផល​បោះឆ្នោត​បណ្តោះអាសន្ន ពោលគឺ​ពាក់កណ្តាល​ផ្តាច់ព្រ័ត្រ នៅ​ថ្ងៃទី​១០​ខែសីហា​ឆ្នាំ​២០១៣​ខាងមុខនេះ​។​
​លោក​ទេព នីថា អគ្គលេខាធិការ​នៃ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​.)​បានបញ្ជាក់​សាជាថ្មី​នៅ​ល្ងាច​ថ្ងៃទី​១ ខែសីហា​ឆ្នាំ​២០១៣​នេះ​ថា ចំពោះ​ការទាមទារ​របស់​គណ​បក្ស​សង្គ្រោះ​ជាតិ​សុំ​ឲ្យ​គ​.​ជ​.​ប​.​បង្កើត​គណៈកម្មការ​ចម្រុះ​សម្រាប់​ត្រួត​ពិនិត្យ ឡើងវិញ​នូវ​លទ្ធផល​បោះឆ្នោត​នោះ​គឺ​គ​.​ជ​.​ប​.​ពុំមាន​សិទ្ធិអំណាច​អ្វី​ក្នុង​ការបង្កើត​គណៈកម្មកា​រ​ចម្រុះ​នោះទេ​គឺ​ហួស​ពី​សិទ្ធិអំណាច​របស់​គ​.​ជ​.​ប​.​ហើយ​។​​អគ្គលេខាធិការ​រូបនេះ​បាន​បន្តថា គ​.​ជ​.​ប​.​បានស្នើ​ឲ្យ​គណបក្សនយោបាយ​និង​ភាគី​ពាក់ព័ន្ធ​ទាំងអស់​ដាក់​របាយការណ៍ ឬ​បណ្តឹង​របស់ខ្លួន​មក​គ​.​ជ​.​ប​. ចាប់ពី​ថ្ងៃទី​២ ដល់​ថ្ងៃទី​៦ ខែសីហា​ឆ្នាំ​២០១៣​ដើម្បី​ឲ្យ​ក្រុម​អ្នកជំនាញ​របស់​គ​.​ជ​.​ប​.​ធ្វើការ​ត្រួតពិនិត្យ​លើ​របាយការណ៍ និង​បណ្តឹង​ទាំងនោះ​។​

​លោក​ទេព នីថា បាន​បន្តទៀតថា នៅ​ថ្ងៃទី​៣ ខែសីហា គ​.​ជ​.​ប​.​នឹង​យក​របាយការណ៍ និង​ពាក្យបណ្តឹង​ទាំងនោះ មក​ធ្វើការ​ពិនិត្យ​និង​ដោះស្រាយ​ជា​បន្តបន្ទាប់ ដោយ​ប្រើប្រាស់​យន្តការ​ដែលមាន​ស្រាប់​នៅ​គ​.​ជ​.​ប​. និង​អញ្ជើញ​តំណាង​គណបក្សនយោបាយ និង​អង្គការក្រៅរដ្ឋាភិបាល​ជាតិ​អន្តរជាតិ ចូលរួម​ធ្វើការ​ត្រួតពិនិត្យ​លើ​លទ្ធផល​នៃ​ការរាប់
​សន្លឹកឆ្នោត​ម្តង​មួយ​សំណុំរឿងៗ តាម​បណ្តឹង​ឬ​របាយការណ៍​ដែល គ​.​ជ​.​ប​. ទទួលបាន​ពី​គ្រប់​គណបក្សនយោបាយ​។​

​លោក​អគ្គលេខាធិការ​គ​.​ជ​.​ប​.​បានបញ្ជាក់​ទៀតថា ក្នុងករណី​ដែល​គ​.​ជ​.​ប​.​បាន​ប្រើប្រាស់​យន្តការ​ដែលមាន​ស្រាប់​ដោយមាន​ការចូលរួម​ពី​តំណាង​គ្រប់​គណបក្សនយោបាយ និង​អង្គការ​ជាតិ​អន្តរជាតិ​ធ្វើការ​ត្រួតពិនិត្យ​លទ្ធផល​រាប់​សន្លឹកឆ្នោត តាម​បណ្តឹង​ចប់សព្វគ្រប់​ហើយ​ពុំមាន​បណ្តឹងតវ៉ា​ទៀត​គឺ គ​.​ជ​.​ប​.​នឹងធ្វើ​ការប្រកាស​លទ្ធ​ផល​បោះឆ្នោត
​បណ្តោះអាសន្ន​(​ពាក់កណ្តាល​ផ្តាច់ព្រ័ត្រ​) នៅ​ថ្ងៃទី​១០ ខែសីហា ឆ្នាំ​២០១៣ ខាងមុខ​។​
​សូមបញ្ជាក់ថា តាមច្បាប់​ស្តីពី​ការបោះឆ្នោត​ជ្រើសតាំង​តំណាងរាស្ត្រ​បានចែង​ថា រយៈពេល​៦០​ថ្ងៃ​បន្ទាប់ពី គ​.​ជ​.​ប​. ប្រកាស​លទ្ធផល​ជា​ផ្លូវការ​គឺ​អ្នកតំណាងរាស្ត្រ​ទាំង​១២៣​រូប​ត្រូវធ្វើ​ពិធី​ប្រកាស​សុពលភាព​ចូលកាន់​តំណែង​នៅ​ចំពោះ​ព្រះភ័ក្ត្រ ព្រះមហាក្សត្រ នា​ព្រះបរមរាជវាំង​ដែល​ដឹកនាំ​ដោយ​អ្នកតំណាងរាស្ត្រ​ម្នាក់ ដែលមាន​អាយុ​ចាស់​ជាងគេ​៕

​ដោយ​៖ ស្រី​ផល

Copyright © 2010-2021 · អរិយធម៌ · All Rights Reserved.
Develop by Sek Sathya