ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ស្រវឹង​ជោកខ្ចី​រថយន្តកូន​ម្ចាស់​ផ្ទះសំណាក់​ម្កុដមាសជិះ​ទៅបុកផ្ទះពលរដ្ឋរបួសម្នាក់

ស្រវឹង​ជោកខ្ចី​រថយន្តកូន​ម្ចាស់​ផ្ទះសំណាក់​ម្កុដមាសជិះ​ទៅបុកផ្ទះពលរដ្ឋរបួសម្នាក់

បន្ទាយមានជ័យ៖ រថយន្តមួយគ្រឿង​​ត្រូវបានគេស្គាល់ថា​ជារថយន្តរបស់កូនម្ចាស់ផ្ទះ សំណាក់​ម្កុដមាស ត្រូវបានមិត្តភក្តិខ្ចីយក​ទៅជិះទាំងភាពស្រវឹង​ទៅបុកផ្ទះពលរដ្ឋមួយ​ខ្នងទាំងអធ្រាត្រ បណ្តាយអោយដួល​រលំរបួសម្ចាស់​ផ្ទះម្នាក់ ក្នុងភូមិ​សែសិន ក្រុង​សិរីសោភ័ណ ខេត្តបន្ទាយមានជ័យ កាលពីវេលាម៉ោង១០ និង​៣០នាទីថ្ងៃទី ០១ សីហា ២០១៣ ។

ម្ចាស់ផ្ទះដែលរងគ្រោះ ឈ្មោះ អុក កុងស៊ុន ភេទប្រុស អាយុ៦៣ឆ្នាំបានអោយដឹងថា ពេលដែល រូបលោករួមជាមួយ នឹងក្រុមគ្រួសារមានប្រពន្ធកូនកំពុងដេកលក់​ក្នុង​ផ្ទះស្រាប់​តែមានរថយន្តមួយគ្រឿង បានបុកចូលផ្ទះរបស់គាត់ធ្វើ​អោយគាត់​ភ្ញាក់ពី​ដេកភ័យស្លន់ស្លោយ៉ាងខ្លំាង ហើយក៏ឃើញប្រពន្ធរបស់គាត់ ឈ្មោះ ឈួយ ឡាំ អាយុ ៦២ឆ្នាំរងរបួសបែកក្បាលដែលបណ្តាលមកពីសសរផ្ទះដួលចំ ។ ភ្លាមនោះ សមត្ថកិច្ចក៏​មកដល់នាំយកប្រពន្ធរបស់គាត់ទៅសង្គ្រោះនៅមន្ទីរពេទ្យ ។ លោក មុំ រតនា ប្រធាន ក្រុមក្នុងការចុះទៅត្រួតពិនិត្យកន្លែងកើតហេតុ របស់ការិយាល័យនគបាលចរាចរ​ជើងគោកនៃ ស្នងការនគបាលខេត្តបន្ទាយមានជ័យបានអោយដឹងថា ក្រោយពីទទួល​បានព័ត៌មានថា មានរថយន្ត បើកបុកផ្ទះប្រជាពលរដ្ឋលោកក៏ដឹកនាំកំលាំង​ចុះទៅ​ត្រួតពិនិត្យវាស់វែងភ្លាមៗ ហើយក៏បានឃើញរថយន្ត ដែលបើកបុកផ្ទះ​ប្រជាពលរដ្ឋ​នោះ មានម៉ាកហាយព្រីត ពណ៌ទឹកប្រាក់ ជារថយន្តរបស់កូនម្ចាស់​ផ្ទះសំណាក់ម្កុដ​មាសដែលត្រូវមិត្តភក្តិខ្ចីជិះ មានគ្នា២នាក់បើកបរដោយឈ្មោះ ហុង​ ដាវុទ្ធ អាយុ២០ឆ្នាំ មានទីលំនៅក្នុងភូមិ ៤ សង្កាត់ព្រះពន្លា ក្រុង សិរីសោភ័ណ រួមជាមួយនឹងអ្នកជិះ​ម្នាក់ទៀតផង។ ឡាននោះបើកក្នុងល្បឿនលឿន ក្នុងភាពស្រវឹងពីជើង​ទៅត្បូង​លុះដល់ចំណុចផ្លូវកោងខាងលើរថយន្តក៏ទៅបុក ចូលដល់ក្នុងផ្ទះប្រជាពលរដ្ឋ​ដែលនៅខាងស្តាំនៃផ្លូវបណ្តាលអោយផ្ទះមួយ ខ្នងធ្វើអំពីឈើជាប់ដីដួលរលំមួយ​កំណាត់មុខចំណែករថយន្តបង្កហេតុខូចខាតផ្នែកខាងមុខ តែមិន បណ្តាលអោយ​អ្នកជិះក្នុងរថយន្តរងរបួសឡើយ ។ ភ្លាមៗនោះតៃកុងរថយន្តដែលមានសភាពស្រវឹង និងអ្នករួមដំណើរជាមួយត្រូវបានបងស្រីមកធានាយកទៅបាត់បន្សល់ទុក តែ​រថយន្តដែលត្រូវបានប៉ូលិស នាំយករថយន្តស្ទួចមកស្ទូចទៅរក្សាទុកនៅស្នងការ​នគរបាលខេត្តដើម្បីរង់ចាំការដោះស្រាយតាមច្បាប់ ៕

ដោយ៖ សម្បត្តិ សីហា

Copyright © 2010-2021 · អរិយធម៌ · All Rights Reserved.
Develop by Sek Sathya