ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ឡានហ៊ីយ៉ាន់​ដាយពន្លះ​គ្នាជាមួយ​ឡានតួរីស​១២កៅអី ខ្ទេចទាំងសងខាង

ឡានហ៊ីយ៉ាន់​ដាយពន្លះ​គ្នាជាមួយ​ឡានតួរីស​១២កៅអី ខ្ទេចទាំងសងខាង

ភ្នំពេញ ៖ រថយន្តហ៊ីយ៉ាន់ដាយ ១ គ្រឿង បើកបរដោយបុរសម្នាក់ក្នុងល្បឿនលឿនបាន ជ្រុលទៅបុកចំពាក់ កណ្តាលខ្លួនរថយន្តតួរីស ១២កៅអី យ៉ាងពេញទំហឹង​បណ្តាលឲ្យ រថយន្តទាំង ២គ្រឿងគាបជាប់គ្នា រងនូវការខូចខាតមិនអាចបន្តដំណើរទៅមុខបាន។ហេតុការណ៍នេះសមត្ថកិច្ចមូលដ្ឋានបានឲ្យដឹងថាកើតឡើងកាលពីវេលាម៉ោង ២២ និង ៥០ នាទីយប់ ថ្ងៃទី ០១ ខែសីហា ឆ្នាំ​២០១៣ ស្ថិតនៅតាមបណ្តោយផ្លូវលេខ ១៨២ កែងផ្លូវលេខ១៦០ ក្នុងសង្កាត់ទឹកល្អក់ទី ៣ ខណ្ឌទួលគោក ។

ប្រភពដដែលបានបន្តថា មុនពេលមានគ្រោះថ្នាក់នេះសាក្សីបានឃើញ រថយន្ត ហ៊ីយ៉ាន់ដាយ  ពណ៌ខៀវ ពាក់ស្លាកលេខ កំពង់ឆ្នាំង 3A-0124  បើកបរដោយបុរស ម្នាក់ធ្វើដំណើរតាម បណ្តោយផ្លូវលេខ​១៨២ ក្នុងទិសដៅពីកើតទៅលិច ដោយបាន បើកយ៉ាងលឿន ខណៈបើកមកដល់ចំណុច កែងផ្លូវលេខ ១៦០ បានជ្រុលបុក ចំពាក់កណ្តាលខ្លួនរថយន្តតួរីស ពណ៌ទឹកប្រាក់ ពាក់ស្លាកលេខ ​កំពង់ស្ពឺ 2A-2262 យ៉ាងពេញទំហឹងលាន់ដូចរន្ទះ ខណៈដែលរថយន្តតួរីស កំពុងបើកបរធ្វើដំណើរ តាមបណ្តោយផ្លូវលេខ ១៦០ ក្នុងទិសដៅពីជើងទៅត្បូង បណ្តាលឲ្យរថយន្តទាំង ២ គ្រឿងត្រូវគាបជាប់រងការខូចខាតយ៉ាងដំណំផងដែរ ។ ប៉ុន្តែគ្រោះថ្នាក់ចរាចរណ៍ នេះមិនបណ្តាលឲ្យមនុស្សណាម្នាក់ត្រូវរងរបួសធ្ងន់ធ្ងរនោះទេ ។

បន្ទាប់ពីកើតហេតុរថយន្តទាំង ២គ្រឿង ត្រូវនគរបាលចរាចរខណ្ឌទួលគោកចុះ មកអន្តរាគមន៍ធ្វើការ វាស់វែងអូសយកទៅរក្សាទុកនៅអធិការដ្ឋាននគរបាល ខណ្ឌទួលគោក រង់ចាំដោះស្រាយតាមផ្លូវច្បាប់៕

ដោយ៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya