ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ទេសចរណ៍ » ទឹក​ធ្លាក់ភ្នំ​ខៀវជា​សម្រស់​ធម្មជាតិ ​

ទឹក​ធ្លាក់ភ្នំ​ខៀវជា​សម្រស់​ធម្មជាតិ ​

ទឹកធ្លាក់​ភ្នំ​ខៀវ មាន​ចម្ងាយ​ប្រមាណ​៩គីឡូម៉ែត្រ​​ពី​ក្រុងប៉ៃលិន នៅក្នុង​សង្កាត់​អូរ​តា​វ៉ៅ។ បន្ទាប់ពី​បានទស្សនា ​រមណីយដ្ឋាន​​ទឹកធ្លាក់​​ភ្នំ​ខៀវ​នេះរួច ​ទេសចរ​គ្រប់រូប ពិតជា​នឹងមាន​អារម្មណ៍​ថា បាត់អស់​រាល់​ភាព​នើ​យ​ហត់ ទុក្ខ​កង្វល់​​ទាំងឡាយ ហើយ​ទទួលបាន​នូវ​ថាមពល និង​ភាព​ស្រស់ស្រាយ​ពី​ធម្មជាតិ​ដ៏​ស្រស់ត្រកាល​ ដែល​នៅ​ជុំវិញខ្លួន។

ក្រៅពី​មានឈ្មោះ​ល្បីល្បាញ​ថា ជា​ទឹកដី​សម្បូរ​ត្បូង​ពេជ្រ​ដ៏​មានតម្លៃ​ហើយ​នោះ ខេត្ត​ប៉ៃលិន​ក៏ត្រូវ​បាន​ភ្ញៀវ​ជាតិ និង​អន្តរជាតិ​ជាច្រើន​ទទួលស្គាល់​ផងដែរ​ថា ជា​ខេត្ត​មួយ​ដែល​រើ​ក​ចម្រើន​គួរ​ឲ្យ​កត់សម្គាល់​លើ​វិស័យ​ទេសចរណ៍ ដោយសារ​ខេត្ត​មួយ​នេះ​ សម្បូរ​ទៅដោយ​សម្បត្តិ​ធម្មជាតិ​ជាច្រើន និង​ជាពិសេស​នោះ​ គឺ​សម្បូរ​ទៅដោយ​រមណីយដ្ឋាន​ដែលជា​ប្រភព​ទាក់ទាញ​ទេសចរឲ្យ​ទៅ​កម្សាន្ត ហើយ​រមណីយដ្ឋាន​ដែល​កំពុងតែ​ទទួលបាន​ការចាប់អារម្មណ៍​បំផុត​នោះ ​គឺ​រមណីយដ្ឋាន​ទឹកធ្លាក់​ភ្នំ​ខៀវ។

ក្រោយទទួលទាន​អាហារ​​ថ្ងៃត្រង់​ ​ទេសចរជាច្រើន​ ​តែងតែ​ចុះទៅ​ងូតទឹក​ដ៏​សែន​ត្រជាក់ពីធម្មជាតិ ​ក្នុង​រមណីយដ្ឋាន​ទឹកធ្លាក់​ភ្នំ​ខៀវ​នោះ ដែល​គេ​ឲ្យ​នាមថា «ទឹកធ្លាក់ ៧ដំណាក់»។ ទីតាំងនេះ មាន​កម្ពស់​ប្រមាណ២គឺ​ឡូ​ម៉ែត្រ។ បើ​មើល​ជាក់ស្តែង​ទឹកធ្លាក់៧ដំណាក់ ​ពិតជា​សាក​សម​នឹង​ឈ្មោះ ព្រោះ​ទឹក​ដែល​ហូរ​ធ្លាក់​ពីលើ​ ដែលមាន​កម្ពស់២គឺ​ឡូ​ម៉ែត្រ ត្រូវ​ហូរ​កាត់​ផ្ទាំង​ថ្ម​ចំនួន៧ដំណាក់ ទើប​ធ្លាក់​មកលើ​ដងខ្លួន​ទេសចរ ​ដែល​​ងួ​ត​ទឹក​កម្សាន្ត​នៅ​ខាងក្រោម។ ព្រោះតែ​រមណីយដ្ឋាន​ទឹកធ្លាក់​ភ្នំ​ខៀវ​នេះហើយ ​បាន​ធ្វើ​ឲ្យ​ទេសចរ​ជាតិ និង​អន្តរ​ជាតិ រមែងនឹកដល់ក្រុង​ប៉ៃលិន៕

ដោយ៖ លីហ៊ាង

 

Copyright © 2010-2021 · អរិយធម៌ · All Rights Reserved.
Develop by Sek Sathya