ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » រាជរដ្ឋាភិបាល​នឹង​ដំឡើង​ប្រាក់ខែ​មន្ដ្រីរាជការ ដែលមាន​កម្រិត​ទាប​ឯ​អ្នក​ប្រាក់ខែ​ខ្ពស់​រង់ចាំ​សិន​ ​

រាជរដ្ឋាភិបាល​នឹង​ដំឡើង​ប្រាក់ខែ​មន្ដ្រីរាជការ ដែលមាន​កម្រិត​ទាប​ឯ​អ្នក​ប្រាក់ខែ​ខ្ពស់​រង់ចាំ​សិន​ ​

ភ្នំពេញ ៖ សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ដ្រី​នៃ​ព្រះរាជាណាចក្រ​កម្ពុជា មានប្រសាសន៍ ក្នុង​ពិធី​ប្រគល់​សញ្ញាបត្រ​ជូន​ដល់​និស្សិត ថ្នាក់​បរិញ្ញាបត្ររង បរិញ្ញាបត្រ បរិញ្ញាបត្រ​ជាន់ខ្ពស់​ផ្នែក​ភាសា​អង់គ្លេស​ចំនួន ៧៣៥​នាក់​(​ស្រី​៣១៤​នាក់​) និង​ពិធី​ប្រកាស ដាក់ឱ្យ​ប្រើប្រាស់​ជា​ផ្លូវការ​អគារ​សាកល វិទ្យាល័យ​ប៊ែ​ល​ធី អន្ដរជាតិ នា​ថ្ងៃទី ២១ ខែសីហា ឆ្នាំ​២០១៤ នៅ​វិទ្យាស្ថាន ជាតិ​អប់រំ​ថា អាទិភាព​ដែល​រាជ​រដ្ឋា​ភិ បាល​ផ្ដល់ឱ្យ​សម្រាប់​ការគិតគូរ​របស់ ក្រសួង​សេដ្ឋកិច្ច និង​ក្រសួង​មុខងារ​សា ធា​រណៈ​គឺមាន​ក្រសួង​២ ក្រសួង​អប់រំ និង ក្រសួងសុខាភិបាល ។ ដោយសារតែ​ស្ថាន ភាព​២​នេះ​មិន​ដូចគ្នា​ក្រសួង​អប់រំ​បាន អនុវត្ដ​បាន​មុន​ក្រសួងសុខាភិបាល​ដែល ក្រសួងសុខាភិបាល​ត្រូវធ្វើ​ការចរចា​ជាមួយ​ក្រសួង​មុខងារសាធារណៈ​និង​ក្រសួង  សេដ្ឋកិច្ច​បន្ដទៀត ។​
​សម្ដេច​តេ ជោ នាយករដ្ឋមន្ដ្រី​បាន សូម​ការ​អភ័យទោស អធ្យាស្រ័យ​ទុកជា មុន​ទៅលើ​បញ្ហា​មន្ដ្រី ដែលមាន​បៀវត្ស ខ្ពស់​ហើយ​នៅក្នុង​ក្របខ័ណ្ឌ​គ្រូ ឬ​ពេទ្យ​កុំ អាល​ឡើង​ប្រាក់ខែ​អី សូម​ដំឡើង​អ្នក ប្រាក់ខែ​ទាប​សិន ហើយ​សូម​អធ្យាស្រ័យ ពី​សំណាក់​មន្ដ្រីរាជការ​នៅ​ក្រសួង​នានា និង​កងកម្លាំងប្រដាប់អាវុធ​ផងដែរ ។​
​ហេតុអ្វី ក៏​មិន​ដំឡើង​ទូទៅ​? សម្ដេច​មានប្រសាសន៍​ប​ញ្ជា​ក់ថា កំពុង​កសាង ប្រព័ន្ធ​បៀវត្ស​មួយ ឥឡូវ​មិនទាន់មាន ប្រព័ន្ធ​បៀវត្សពិត​ប្រាកដ​ទេ ។ យើង​ត្រូវ ឆ្លងកាត់​ដំណាក់​កាលពី​ចេះ​ច្រើន​បង្រៀន អ្នកចេះ​តិច ពី​អ្នកចេះ​តិច​បង្រៀន​អ្នក​មិនចេះ ។ ធ្វើដំណើរ​ពី​ជំហាន​មួយៗ ទម្រាំ​បានមក​ដល់​ថ្ងៃនេះ ។ ដូច្នេះ​ប្រព័ន្ធ បៀវត្ស​មួយ​ត្រូវបាន​រៀបចំ​ដោយ​ធ្វើ កំណែទម្រង់​ក្នុង​កំណែទម្រង់ ។ សម្ដេច បញ្ជាក់ថា កាលពី​អាណ​ត្ដិ​ទី​៤​កន្លងទៅ ក្របខ័ណ្ឌ​មាន​៤​ក្របខ័ណ្ឌ ក្របខ័ណ្ឌ ក​, ខ​, គ និង គ ។ ក្នុង​មួយ​ក្របខ័ណ្ឌ​មាន​៣០​ថ្នាក់ ដែល​តម្រូវឱ្យ​ធ្វើការ​៦០​ឆ្នាំ ទើប​ឆ្លង​ផុត​១​ក្របខ័ណ្ឌ ឥឡូវ​នៅក្នុង​កំណែ ទម្រង់​ថ្មី​លុបចោល​ក្របខ័ណ្ឌ ឃ បញ្ចូល ក្របខ័ណ្ឌ ឃ ដែលមាន​មនុស្ស​ជាង​១ ម៉ឺន​នាក់​ឱ្យមក​ក្នុង​ក្របខ័ណ្ឌ គ វិញ ។ ក្របខ័ណ្ឌ គ ទុក​តែ​១០​ថ្នាក់ ឯ​ក្របខ័ណ្ឌ ខ មាន​៣០​ថ្នាក់​ពីមុន ឥឡូវ​ទុក​នៅតែ​១៤ ថ្នាក់ ។ ក្របខ័ណ្ឌ ក កាត់​ពី​៣០​ថ្នាក់ ទុក នៅ​១៤​ថ្នាក់ នេះ​ជា​កំណែទម្រង់​ថ្មី ដើម្បី រៀបចំ​ប្រាក់បៀវត្ស​សម្រាប់​អនុវត្ដ​ន៍​ឆ្នាំ ២០១៥ ។​
​នៅពេល ខាងមុខ​សម្ដេច​តេ​ជោ​មាន ប្រសាសន៍​ប្រាប់​ស្ថាប័ន​នានា​កុំអាល ជ្រើសរើស​បុគ្គលិក ព្រោះ​ត្រូវធ្វើ​សមា ហ​រណកម្ម​សិន បន្ទាប់ពី​ធ្វើ​សមា​ហរ​ណ កម្ម​ហើយ ទើប​ចាប់ផ្ដើម​ជ្រើសរើស​បុគ្គលិក ។ ឥឡូវ​ដោយបាន​ធ្វើ​មួយ​ជំហាន សម្រាប់​វិស័យ​អប់រំ សម្ដេច​តេ​ជោ បញ្ជាក់ថា មន្ដ្រី​ទាំងអស់​មាន​១៨​ម៉ឺន​នាក់ ក្នុង​១៨​ម៉ឺន​នាក់​ក្រសួង​អប់រំ​មាន មន្ដ្រី​រហូត​ទៅដល់​១១​ម៉ឺន​នាក់ ស្មើនឹង ៦០​ភាគរយ​នៃ​មន្ដ្រីរាជការ ឯ​ពេទ្យ​មាន ជាង​២​ម៉ឺន​នាក់ ដូច្នេះ​តែ​២​ក្រសួង​មាន ជាង​១៣​ម៉ឺន​នាក់​ទៅហើយ ។​
​បៀវត្ស មាន​២​ផ្នែក គឺ​មួយផ្នែក​អ្នក​ដែល​បង្រៀន និង​អ្នក​ដែល​មិន​បង្រៀន នៅ​ការិយាល័យ អ្នកធ្វើការ​តាម​ការិយាល័យ ប្រាក់ខែ​ដែល​ទាប​បំផុត​៤២​ម៉ឺន​៤ ពាន់​រៀល ចាប់ពី​ខែកញ្ញា ឆ្នាំ​២០១៤ ទៅបាន​ឡើងដល់​៥០​ម៉ឺន​៥​ពាន់​រៀល ។ នៅ​ខែមករា​រហូតដល់​ខែមីនា ឆ្នាំ​២០១៥ ឡើង​៥០​ម៉ឺន​៧​ពាន់​៨០០​រៀល ចាប់ពី​ខែមេសា​ទៅ ឡើង​៥៥​ម៉ឺន​២​ពាន់​៨០០​រៀល ។ អ្នក​ប្រាក់ខែ ដែល​ខ្ពស់បំផុត​នៅក្នុង​វិស័យ​អប់រំ​១.៧៦៧.០០០​រៀល សូម មេ​ត្ដា​យោគយល់ អត់​បាន​ឡើង​ទេ ទុក​ប៉ុណ្ណឹង​ហើយ ។​
​គ្រូ​បឋម សិក្សា​ប្រាក់ខែ​កម្រិត​ទាប បំផុត​ចំនួន​នេះ​មាន​រហូតដល់​៥១.៦១៥​នាក់ បូក​ទាំង​ប្រាក់ខែ​មូលដ្ឋាន ប្រាក់ បំណាច់​មុខងារ ប្រាក់​គរុកោសល្យ ទទួល បាន​៤៨២.៨០០​រៀល ។ ចាប់ពី​ខែកញ្ញា ឆ្នាំ​២០១៤ ឡើង​សរុប​ទាំងអស់​កម្រៃ​អប់រំ និង​ប្រាក់​តំបន់​ឡើង​៥៥០.០០០​រៀល រហូតដល់​ខែធ្នូ ។ ចាប់ពី​ខែមករា​-​កុម្ភៈ​- មីនា ឡើងទៅ​៥៦៦.៤៨០​រៀល ។ បន្ទាប់ ពី​ខែមេសា​ទៅ​ឡើង​៦៤៦.៤៨០​រៀល ក្នុងករណី​គ្រូ​នោះ​ទៅ​បង្រៀន​តំបន់​ដាច់ ស្រយាល​ជួប​ការលំបាក រាជរដ្ឋាភិបាល នឹង​បង្កើន​៨​ម៉ឺន​រៀល​លើ​ប្រាក់ខែ​ទៀត ចំពោះតែ​អ្នក​ដែល​ស្ម័គ្រចិត្ដ​ទៅ​បង្រៀន នៅ​តំបន់​ឆ្ងាយ​ចាប់ផ្ដើម​អនុវត្ដ​តាំងពី​ខែកញ្ញា ឆ្នាំ​២០១៤​នេះ​ទៅ ។​
​សម្ដេច​តេ ជោ ហ៊ុន សែន មានប្រសាសន៍​បន្ដទៀត​ថា ចង់​ឱ្យបាន​ប្រាក់ ខែ​ច្រើន​គ្រប់ៗ​គ្នា ក៏ប៉ុន្ដែ​អត់​មាន​គ្រប់ ដើម្បី​នឹង​ផ្ដល់​លទ្ធភាព បើសិនជា​កាត់ បន្ថយ​មក​នៅត្រឹមតែ​៥០​ភាគរយ​(​កាត់ ៥​ម៉ឺន​នាក់ ទុក​៦​ម៉ឺន​នាក់​)​ប្រាក់ខែ​អាច ឡើងដល់​មួយ​លាន​រៀល ។ គ្រូ​មធ្យម សិក្សា​បឋមភូមិ ប្រាក់ខែ​ដែល​ទាប​បំផុត ចំនួន​មនុស្ស​មាន​៣៣.៨០៣​នាក់ សព្វ ថ្ងៃ​ទទួលបាន​គ្រប់​ប្រភេទ​៥១៨.០១០ រៀល​ចាប់ពី​ខែកញ្ញា ឆ្នាំ​២០១៤​ឡើងទៅ ទទួលបាន​៥៩៤.៤០០​រៀល ចាប់ពី​ខែ មករា ដល់​ខែមីនា ឆ្នាំ​២០១៥​ឡើង ៦៣៦.០០០​រៀល ហើយ​ចាប់ពី​ខែមេសា ឡើងដល់​៦៦៦.០០០​រៀល បូក​បន្ថែម ៨​ម៉ឺន​រៀល​សម្រាប់​អ្នក​ដែល​ស្ម័គ្រចិត្ដ ទៅ​បង្រៀន​នៅតាម​តំបន់​ដាច់ស្រយាល ជនបទ ។​
​សម្ដេច​តេ ជោ​មានប្រសាសន៍​ទៀត ថា គ្រូ​មធ្យមសិក្សា​ទុតិយភូមិ​ប្រាក់ខែ ដែល​កម្រិត​ទាប​បំផុត​មនុស្ស​ចំនួន ៨.៥២៥​នាក់ ប្រាក់​ដែល​ទទួលបាន​ប​ច្ចុ ប្បន្ន​៦៦៩.១៨០​រៀល ។ នៅ​ខែកញ្ញា​នឹង ឡើងដល់​៧៧៨.៨០០​រៀល ហើយ​ចាប់ ពី​ខែមករា​ដល់​ខែមីនា ឆ្នាំ​២០១៥ នឹង ឡើងដល់​៧៨៤.៤០០​រៀល ។ ពីមុន​ឡើង ២០​ភាគរយ គឺ​ស្មើគ្នា ប៉ុន្ដែ​ឥឡូវ​ឡើង តាម​ពហុ​អត្រា អ្នកទាប​បាន​ច្រើនជាង អ្នក​ខ្ពស់ ។ អ្នក​ខ្ពស់​ត្រូវ​រង់ចាំ​សិន ចាំ ដល់​អ្នក​ឡើង​កៀក​សឹម​ធ្វើដំណើរ​ទៅ មុខ​ទៀត ។​
​ចំណែក គ្រូ​ឧត្ដមសិក្សា​កម្រិត​ទាប បំផុត​មាន​៧២៩​នាក់ សព្វថ្ងៃ​ទទួល​ប្រាក់ ៧២៦.៩៣០​រៀល ខែក្រោយ​នឹង​ឡើង ដល់​៨៧៥.៨០០​រៀល រហូតដល់​ខែធ្នូ  ហើយ​ចាប់​ខែមករា ឡើង​៨៨១.៤០០​រៀល ៕img_1095

Copyright © 2010-2021 · អរិយធម៌ · All Rights Reserved.
Develop by Sek Sathya