ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ក្រុមកម្មករ​រោងចក្រ «​ជី​ង​យី​» ធ្វើ​កូដកម្ម ជិត​១០​ថ្ងៃ គ្មាន​ដំណោះស្រាយ ​

ក្រុមកម្មករ​រោងចក្រ «​ជី​ង​យី​» ធ្វើ​កូដកម្ម ជិត​១០​ថ្ងៃ គ្មាន​ដំណោះស្រាយ ​

កំពង់ឆ្នាំង ៖ កាលពី​ថ្ងៃទី​២១ ខែសីហា ឆ្នាំ​២០១៤ ការប្រឈមមុខ​ដាក់ គ្នា​រវាង​ក្រុមកម្មករ កម្មការិនី និង​កងកម្លាំង នគរបាល និង​អាវុធហត្ថ ជាង​២០០​នាក់ បានកើត​ឡើង យ៉ាងខ្លាំង រហូត​ធ្វើ​ឲ្យ​កម្លាំង នគរបាល​បាន​ឃាត់ខ្លួន មន្ត្រី​សហជីព ស្មារតី​កម្មករ ម្នាក់​ទៀតផង តែ​ត្រូវ​ក្រុមកម្មករ​ជាច្រើន​នាក់ ជួយសង្គ្រោះ​មកវិញ មិន​ឲ្យ​នគរបាល ចាប់​នោះឡើយ​។​
​ពួកគេ​ជាង​៣០០០​នាក់ បានធ្វើ​កូដកម្ម មិន​ចូលធ្វើការ តាំងពី​ថ្ងៃទី​១៣ ខែសីហា ឆ្នាំ​២០១៤​មកម្ល៉េះ ប៉ុន្តែ​ការធ្វើ​កូដកម្ម រយះពេល​ជិត​១០​ថ្ងៃ​មកនេះ មិនមាន​ដំណោះស្រាយ នោះឡើយ ពោល​ខាង​ថៅកែ​រោងចក្រ ថ្នាក់ដឹកនាំ​ក្រសួង​ការងារ និង​ថ្នាក់ដឹកនាំ ខេត្តកំពង់ឆ្នាំង មិនបាន​ជួយ​រក​ដំណោះស្រាយ​នោះទេ ពោល​បាន​ទុក​បញ្ហា​នេះ​កាន់តែ ធ្ងន់ធ្ងរ​ទៅៗ នាំ​ឲ្យ​ក្រុមកម្មករ ទាំងអស់ កាន់តែ​ពុះកញ្ជ្រោល រហូត​មានការ​បិទផ្លូវ​ជាដើម​។​
​សេចក្តីរាយការណ៍ ពី​ក្រុមកម្មករ បាន​បន្តទៀតថា ការតវ៉ា​របស់​ពួកគេ ជាង​៣០០០​នាក់ គឺ​ដើម្បី​ទាមទារ ឲ្យ​ថៅកែ​រោងចក្រ ដោះស្រាយ នូវ​លក្ខខណ្ឌ​ការងារ​ចំនួន​១៧​ចំណុច ប៉ុន្តែ​សូម្បី​តែមួយ​ចំណុច ក៏​ថៅកែ​រោងចក្រ មិនបាន​ដោះស្រាយ​ជូន​ដែរ​។​
​បើតាម​ក្រុមកម្មករ ថៅកែ​រោងចក្រ និង​អាជ្ញាធរ ខេត្តកំពង់ឆ្នាំង មិនបាន​ជួយ​ដោះស្រាយ បញ្ហា​ទាំងនេះ​ទេ ផ្ទុយទៅវិញ មានតែ​បញ្ជូន​កម្លាំង សមត្ថកិច្ច ជាច្រើន​នាក់មក​ឡោមព័ទ្ធ និង​ចាប់​មន្ត្រី​សហជីព ដែល​ដឹកនាំ​ការ តវ៉ា​ទៅវិញ ហើយ​នៅវេលា​ម៉ោងជាង​១១​ព្រឹក​ថ្ងៃទី​២១ ខែសីហា ឆ្នាំ​២០១៤ មន្ត្រី​សហជីព​ម្នាក់ ត្រូវ​ចាប់ខ្លួន​តែ​ត្រូវ​ក្រុមកម្មករ​ជួយ​មកវិញ​ទាន់​។​
​សូមបញ្ជាក់ថា សម្តេចនាយក​រដ្ឋមន្ត្រី ហ៊ុន សែន បាន​អំពាវនាវ​ដល់​ថ្នាក់ដឹកនាំ ក្រសួង និង​អាជ្ញាធរខេត្ត ត្រូវ​ចូលរួម​ដោះស្រាយ​បញ្ហា ដែល​កើតមានឡើង នៅក្នុង​ទឹកដី​របស់ខ្លួន ចៀសវាង​កុំ​ឲ្យ ក្រុម​តវ៉ា​ទាំងនោះ ធ្វើដំណើរ​ឡើងមក​ភ្នំពេញ និង​ស្វែងរក​អន្តរាគមន៍ ពី​ក្រសួង ស្ថាប័ន​ផ្សេង ។​
​ដូច្នេះ​គេ​សង្ឃឹមថា ចំពោះ​ការតវ៉ា នៅ​រោងចក្រ ជី​ង​យី ខាងលើនេះ ដែលមាន​ចំនួន កម្មករ​រហូតដល់​ជាង​៣០០០​នាក់​នោះ ថ្នាក់ដឹកនាំ ក្រសួង​ការងារ ថ្នាក់ដឹកនាំ ខេត្តកំពង់ឆ្នាំង និង​ភាគី​ថៅកែ រោងចក្រ គួរតែមាន​ដំណោះស្រាយ​ណាមួយ បើសិន​មិន​ដូច្នេះ​ទេ នោះ​បញ្ហា​ច្បាស់​ជា​កើតឡើង កាន់តែ​ធ្ងន់ធ្ងរ​ឡើងៗ​។​
​គ្មាន​បញ្ហា​អ្វីមួយ ដែល​គ្មាន​ដំណោះស្រាយ​ឡើយ ប៉ុន្តែ​ម្នាក់ៗ មិន​ហ៊ាន​ប្រឈមមុខ​នឹង​ការ ដោះស្រាយ​ដើម្បី​បញ្ចប់ បញ្ហា​ទាំងនោះ​។​
​បញ្ហា​រោងចក្រ ជី​ង​យី ខាងលើនេះ ដែល​មិនទាន់មាន​ដំណោះស្រាយ បានធ្វើ​ឲ្យ​មានការ​ប៉ះពាល់​យ៉ាងខ្លាំង​ដល់​វិស័យសេដ្ឋកិច្ច តាមរយះ​ពួកគេ​បង្ខំចិត្ត បិទផ្លូវ ជាច្រើន​ដង ពីព្រោះ​ថៅកែ​រោងចក្រ​មិន​ចេញមុខ​បញ្ចប់​បញ្ហា​នូវ​ការទាមទារ​៕Pheak-0148Pheak-0147

Copyright © 2010-2021 · អរិយធម៌ · All Rights Reserved.
Develop by Sek Sathya