ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » អ្នក​ទិញ​ជ្រូកបន្លំភ្នែក​ជញ្ជីងបោក​ប្រាស់អ្នក​ស្រុកត្រូវ​ប៉ូលិសស្រុកបន្ទាយមាសបង្ក្រាប

អ្នក​ទិញ​ជ្រូកបន្លំភ្នែក​ជញ្ជីងបោក​ប្រាស់អ្នក​ស្រុកត្រូវ​ប៉ូលិសស្រុកបន្ទាយមាសបង្ក្រាប

កំពត៖ ក្រុមមនុស្សទិញជ្រូកឆបោក៥នាក់ ត្រូវបានសមត្ថកិច្ចស្រុកបន្ទាយមាសឃាត់​ខ្លួនមកសាកសួរ បន្ទាប់ពីម្ចាស់ជ្រូករាយការណ៍ថា បានទិញជ្រូកដោយកេង​បន្លំភ្នែក​ជញ្ជីងស្រស់ៗ ហើយដឹកជ្រូកបំណងគេចខ្លួនតែត្រូវម្ចាស់ជ្រូកដេញតាមទាន់​ក៏ប្តឹងប៉ូលិស​ឲ្យឃាត់​ខ្លួនមកសាកសួរតែម្តង។
ជនឆបោកទាំង៤នាក់ខាងលើត្រូវសមត្ថកិច្ចឃាត់ខ្លួននៅវេលាម៉ោង១២និង២០នាទីថ្ងែទី៣១ខែកក្កដា ឆ្នាំ២០១៣ត្រង់ចំណុចភូមិត្រពាំងមន្ត្រី ឃុំសំរោងលើ ស្រុកបន្ទាយមាស ខេត្តកំពត ក្រោយពីជនឆបោកខាងលើបានទិញជ្រូកបន្លំភ្នែកជញ្ជីងគេនៅភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច។
តាមការអះអាងពីសំណាក់ម្ចាស់ជ្រូកឈ្មោះស្រីលាភ បានរៀបរាប់ថា ខណៈប្តីមិន នៅផ្ទះ ស្រាប់តែមានឈ្មួញចំនួន៥នាក់មករកទិញជ្រូក ដោយឲ្យតម្លៃក្នុង១គីឡូ ៨២០០រៀល ហើយជ្រូកដែលត្រូវលក់មានចំនួន៥ក្បាល លុះពេលថ្លឹងជ្រូកទាំ៥ក្បាល បានត្រឹមតែ១៩៩គីឡូ ទើបគាត់សង្ស័យ ហើយក៏តេទៅប្រាប់ប្តីរបស់គាត់ឲ្យ ជួយ ឃាត់ឡានជ្រូក ដើម្បីសុំថ្លឹងម្តងទៀត លុះពេលប្តីគាត់តាមទាន់សុំប្រគល់ លុយឲ្យហើយ សុំយកជ្រូកវិញ ស្រាប់តែអ្នកទិញជ្រូកបែរជាបើករថយន្តគេចមិនទទួលខុសត្រូវ ទើបគាត់ជិះម៉ូតូដេញតាមយ៉ាងប្រផាប់ចាប់ភើង ទីបំផុតក៏តាមទាន់នៅចំណុចភូមិ ត្រពាំងមន្ត្រី ឃុំសំរោងលើ ស្រុកបន្ទាយមាស ដែលមានចំងាយពីកន្លែងទិញប្រមាណ ជាង២០ គីឡូម៉ែត្ររួចប្តឹងប៉ូលិសឲ្យជួយអន្តរាគមន៍ភ្លាម។
ក្រោយពីឃាត់ខ្លួនសមត្ថកិច្ច ក៏បានឲ្យអ្នកទិញជ្រូកថ្លឹងជ្រូក៥ក្បាលនេះឡើងវិញ ទើបដឹងថាក្រុមនេះពិតជាក្រុមឆបោក ព្រោះជ្រូកទាំង៥ក្បាលបានថ្លឹងត្រឹមត្រូវបានរហូត ដល់ទៅ២៨០គីឡូក្រាម គឺខុសគ្នារហូតដល់ទៅ៨១គីឡូក្រាម បើប្រៀបធៀបកាល ពីថ្លឹងនៅកន្លែងលក់បានត្រឹមតែ១៩៩គីឡូប៉ុណ្ណោះ ខណៈនោះដោយសមត្ថកិច្ច ដឹងថាក្រុមនេះពិតជាក្រុមបោកប្រាស់ ទើបឲ្យពួកគេមកនិយាយគ្នានៅ អធិការដ្ឋាន នគរបាលស្រុកបន្ទាយមាស ប៉ុន្តែពួកគេបែរជាបើកឡានរត់បំណងគេចខ្លួន ប៉ូលិសក៏ទាក់ទងតាម អាយកូម ឲ្យសមត្ថកិច្ចនៅគោលដៅខាងមុខក្របួចបាន រួចនាំខ្លួនជនឆបោកព្រមទាំងរថយន្តដឹកជ្រូកមកសាក សួរនៅអធិការដ្ឋានតែម្តង៕

ដោយ៖ ណារិទ្ធ

Copyright © 2010-2021 · អរិយធម៌ · All Rights Reserved.
Develop by Sek Sathya