ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ដំណើរ​ទស្សនកិច្ច​រប​ស់ស​ម្តេច​ប្រធានរដ្ឋសភា​នៅ​វៀតណាម​បានបញ្ចប់​ប្រកបដោយ​ជោគជ័យ និង​ទទួលលទ្ធផល​ល្អ​ ​

ដំណើរ​ទស្សនកិច្ច​រប​ស់ស​ម្តេច​ប្រធានរដ្ឋសភា​នៅ​វៀតណាម​បានបញ្ចប់​ប្រកបដោយ​ជោគជ័យ និង​ទទួលលទ្ធផល​ល្អ​ ​

​ភ្នំពេញ​៖ គណៈប្រតិភូ​ជាន់ខ្ពស់​រដ្ឋសភា ដឹកនាំ​ដោយ​សម្តេច​អគ្គ​មហា​ពញា​ចក្រី​ហេង​សំរិន ប្រធានរដ្ឋសភា​នៃ​ព្រះរាជាណាចក្រ​កម្ពុជា បានធ្វើ​មាតុភូមិនិវត្តន៍​មកដល់​មាតុប្រទេស​វិញ​ហើយ នៅវេលា​ម៉ោង​ជិត ១៧​ល្ងាច​ថ្ងៃទី ២០ ខែសីហា​នេះ បន្ទាប់ពី​បញ្ចប់​ទស្សនកិច្ច​ជា​ផ្លូវការ និង​ជា​មិត្តភាព​នៅ​សាធារណរដ្ឋ​សង្គមនិយម​វៀតណាម​ប្រកបដោយ​ជោគជ័យ និង​ទទួលលទ្ធផល​ល្អ​។​
​លោក ឈាង វុន ប្រធាន​គណៈកម្មការ​កិច្ចការបរទេស សហប្រតិបត្តិការ​អន្តរជាតិ ឃោសនាការ និង​ព័ត៌មាន នៃ​រដ្ឋសភា បានធ្វើ​សន្និសីទ​សារព័ត៌មាន​មួយ​នៅ​ព្រលានយន្តហោះ​អន្តរជាតិ​ភ្នំពេញ​ក្រោយពេល​មកដល់​ថា ក្នុង​ដំណើរ​ទស្សនកិច្ច​របស់​គណៈប្រតិភូ​ជាន់ខ្ពស់​រដ្ឋសភា ដឹកនាំ​ដោយ​សម្តេច​អគ្គ​មហា​ពញា​ចក្រី​ហេង​សំរិន ប្រធានរដ្ឋសភា​ពីថ្ងៃ​ទី ១៨ ដល់​ថ្ងៃទី​២០ ខែសីហា នៅ​ប្រទេស​វៀតណាម​បានបញ្ចប់​ដោយ​ជោគជ័យ និង​ទទួលលទ្ធផល​ល្អ​។​ក្នុងនោះ​សម្តេច​ប្រធានរដ្ឋសភា ព្រមទាំង​គណៈប្រតិភូ​បាន​ចូលជួប​សម្តែង​ការគួរសម និង​សវនាការ​ជាមួយ​ថ្នាក់ដឹកនាំ​វៀតណាម​ជាច្រើន​រួមមាន ជួបពិភាក្សា​ជាមួយ​លោក​ប្រធាន​រដ្ឋ​នៃ​សាធារណរដ្ឋ​សង្គមនិយម​វៀតណាម  ជួបពិភាក្សា​ទ្វេភាគី​ជាមួយ​ប្រធានរដ្ឋសភា​វៀតណាម​ជំនួប​ពិភាក្សា​កំពូល​ជាមួយ​លោកនាយក​រដ្ឋមន្ត្រី​ប្រទេស​វៀតណាម ជួបពិភាក្សា​ជាមួយ​អគ្គលេខាធិការ​បក្ស​កុម្មុយនីស្ត​វៀតណាម និង​បាន​អញ្ជើញ​ទៅ​គោរព​វិញ្ញាណក្ខន្ធ​វិ​រៈ​បុរស​វៀតណាម​គឺ​លោក​ប្រធាន​ហូជីមិញ​ផងដែរ​។ លោក​ឈាង​វុន​បាន​បញ្ជាក់ថា នៅក្នុង​ជំនួប​ពិភាក្សា​ទ្វេភាគី​ជាមួយ​វៀតណាម​បានបង្ហាញ​ឲ្យ​ឃើញ​ពី​ជំហរ​បស់​ប្រទេស​ទាំងពីរ​មានការ​យល់ស្រប​គ្នា​ថា នឹង​បន្ត​ពង្រឹង និង​ជំរុញ​កិច្ចសហប្រតិបត្តិការ​ពា​ណិ​ជ្ជ​កម្ម​រវាង​ប្រទេស​ទាំងពីរ​ឲ្យ​កើន​ដល់​ទំហំ ៥០០០​លាន​ដុល្លារ​អាមេរិក​សម្រាប់​ឆ្នាំ​២០១៥ ដែល​បច្ចុប្បន្ននេះ​ទំហំ​ពាណិជ្ជកម្ម​ទើបតែ​មាន​ត្រឹម ៣,៥​ពាន់​លាន​ដុល្លារ​សហរដ្ឋអាមេរិក​ប៉ុណ្ណោះ​។ ភាគី​ទាំងពី​ក៏បាន​ឯកភាពគ្នា​ថា បន្ត​ជំរុញ​ឲ្យ​មានការ​បោះបង្គោល​ព្រំដែន​រវាង​ប្រទេស​ទាំងពីរ​ឲ្យ​បាន​ឆាប់ ដើម្បី​ប្រែក្លាយ​តំបន់​ព្រំដែន​នេះ ទៅជា​ព្រំដែន​សហប្រតិបត្តិការ សន្តិភាព មិត្តភាព ក្នុង​សហគមន៍​តំបន់​អាស៊ាន ស្របតាម​សសរស្តម្ភ​ទាំងបី​របស់​អាស៊ាន​នៅ​ឆ្នាំ​២០១៥​។ ជាមួយនេះ​ភាគី​ទាំងពីរ​ក៏បាន​ពិភាក្សា​ផ្លាស់ប្តូ​វប្បធម៌ ទេសចរណ៍ ក៏ដូចជា​ការជំរុញ​ថែមទៀត កិច្ចសហប្រតិបត្តិការ​ល្អ​រវាង​ស្ថាប័ន​រដ្ឋសភា​ប្រទេស​ទាំងពីរ​កម្ពុជា​-​វៀតណាម ដើម្បី​ធ្វើយ៉ាងណា​ឲ្យ​កិច្ចព្រមព្រៀង​រវាង​ប្រទេស​ទាំងពីរ​ដែល​បាន​ចុះហត្ថលេខា​កន្លងមក ឲ្យ​មាន​ដំណើរការ​ទៅ​ល្អ ក្នុងនោះ​រួមមាន​ទាំង​កិច្ចសហប្រតិបត្តិការ​តំបន់ត្រីកោណ​ផងដែរ​។ ជាមួយនេះ​ភាគី​វៀតណាម​ក៏បាន​សំណូមពរ​ដល់​កម្ពុជា​ផងដែរ ធ្វើយ៉ាងណា​ជួយ​ជ្រោមជ្រែង​យកចិត្តទុកដាក់​ចំពោះ​វិនិយោគ​គិ​ន​វៀតណាម​នៅ​កម្ពុជា ដូចជា​ខាង​វិនិយោគ​ដំណាំ​កៅស៊ូ​ជាដើម ធ្វើយ៉ាងណា​ឲ្យ​ការវិនិយោគ​នេះ​ដំណើរការ​ទៅមុខ ដែល​ការវិនិយោគ​លើ​វិស័យនេះ​វា​បានផ្តល់​ការងារ​យ៉ាងច្រើន​ដល់​ប្រជាពលរដ្ឋ​កម្ពុជា​។​
​នៅក្នុង​ជំនួប​ជាមួយ​ភាគី​វៀតណាម​សម្តេច​ប្រធានរដ្ឋសភា ហេង សំរិន ក៏បាន​សម្តែង​នូវ​ការសោកស្តាយ​ផងដែរ​ចំពោះ​ការធ្វើ​បាតុកម្ម​ពី​សំណាក់​ខ្មែរ​កម្ពុជា​ក្រោម​មួយចំនួន​នៅមុខ​ស្ថានទូត​វៀតណាម​ប្រចាំ​ទីក្រុង​ភ្នំពេញ​កន្លងមក​នេះ ដែល​បណ្តាល​ឲ្យ​មាន​ការដុត​ទង់ជាតិ​វៀតណាម ដោយ​សម្តេច​បានបញ្ជាក់​ថា នៅ​ប្រទេស​កម្ពុជា ជា​ប្រទេស​ប្រកាន់​នូវ​គោលការណ៍​លទ្ធិប្រជាធិបតេយ្យ​សេរី​ពហុបក្ស ពុំ​អាច​ហាមឃាត់​បានទេ ព្រោះនេះ​ជា​ផ្នែក​មួយ​នៃ​ការសម្តែង​មតិ ប៉ុន្តែ​សម្តេច​ប្រធានរដ្ឋសភា​បានបញ្ជាក់​ជូន​ភាគី​វៀតណាម​ថា ចំពោះ​អំពើ​ហឹ​ង្សា​នោះ​សម្តេច​មិនអាច​ទទួលយក​បានទេ​។​
​យោងតាម​សេចក្តីប្រកាស​ព័ត៌មាន​របស់​អគ្គលេខា​ធិ​ការដ្ឋាន​រដ្ឋសភា​បាន​ឲ្យ​ដឹងថា​ដំណើរ​ទស្សនកិច្ច​នេះ​ធ្វើឡើង​តប​តាម​ការអញ្ជើញ​របស់លោក ង្វៀន ស៊ី​ង​ហ៊ុ​ង​(Nguyen sinh hung)​ប្រធានរដ្ឋសភា​នៃ​សាធារណរដ្ឋ​សង្គមនិយម​វៀត​។​
​អញ្ជើញ​ទៅ​ទទួល​សម្តេច​ប្រធានរដ្ឋសភា​ដល់​ព្រលានយន្តហោះ​អន្តរជាតិ​ភ្នំពេញ​សង្កេតឃើញ​លោក ងួន ញ៉ិល អនុប្រធាន​ទី​១​រដ្ឋសភា សមាជិក សមាជិការ​រដ្ឋសភា ថ្នាក់ដឹកនាំ និង​មន្ត្រីរាជការ​នៅ​អគ្គលេខាធិការដ្ឋាន​រដ្ឋ​សភា​ជាច្រើន​នាក់​ទៀត​។​
​ដោយឡែក​មន្ត្រី​ស្ថានទូត​វៀតណាម​ប្រចាំ​កម្ពុជា​ក៏មាន​វត្តមាន​អញ្ជើញ​ទៅ​ទទួល​សម្តេច​ដល់​ព្រលានយន្តហោះ​អន្តរជាតិ​ភ្នំពេញ​ផងដែរ​៕ សុង​យោ​DSC_0032DSC_0036DSC_0038

Copyright © 2010-2021 · អរិយធម៌ · All Rights Reserved.
Develop by Sek Sathya