ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||     ល្បី ! ឈ្មួញឈ្មោះ ចែស្រី សម្រុកដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ​  ||     ភ្ញាក់ផ្អើល!  ឃុបឃិតគ្នា លួចកាយដីភ្នំលក់ ត្រូវក្រសួងរ៉ែនិងថាមពលចាប់ពិន័យ  ​  ||     មេៗគយនៅក្នុងខេត្តឧត្តរមានជ័យ ប្រព្រឹត្តអំពើពុករលួយយ៉ាងសុខស្រួល?​  ||   

» ព័ត៌មានជាតិ » រ៉ឺម៉ក​កង់បី​បើកលឿនរេ​ចង្កូតបុក​របាំងដែក​បាក់អស់​៥ផ្ទាំង​នៅ​ផ្លូវព្រះសីហនុ

រ៉ឺម៉ក​កង់បី​បើកលឿនរេ​ចង្កូតបុក​របាំងដែក​បាក់អស់​៥ផ្ទាំង​នៅ​ផ្លូវព្រះសីហនុ

ភ្នំពេញ ៖ របាំងដែកចែកទ្រូងផ្លូវ មួយកន្លែងស្ថិតនៅតាមបណ្តោយផ្លូវព្រះសីហនុ មុនក្រុមហ៊ុនសេលកាត ក្នុងសង្កាត់ចតុមុខ ខណ្ឌដូនពេញ ចំនួន ៥ ផ្ទាំង ត្រូវរងការ ខូចខាតបាក់រៀបស្មើដី ខណៈដែលបុរសម្នាក់ ស្រវឹងស្រាបើករ៉ឺម៉កកង់បី ក្នុងល្បឿន លឿនជ្រុលបុករះយ៉ាងពេញទំហឹង កាលពីវេលាម៉ោង ១ និង ១០ នាទី យប់រំលង អាធ្រាត្រ ឈានចូលថ្ងៃទី ១ ខែកញ្ញា ឆ្នាំ​២០១៣ ។

យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា មុនពេលកើតហេតុគេ បានឃើញបុរស ម្នាក់ជាង ៣០ ឆ្នាំ ស្ថិតក្នុងសភាពស្រវឹងស្រាជោគខ្លួន បានបើករ៉ឺម៉កកង់ បី​១ គ្រឿងក្នុងល្បឿនលឿន រេចុះ​រេឡើង ពេញផ្លូវ ដោយបានជិះធ្វើដំណើរ តាម បណ្តោយផ្លូវព្រះសីហនុ ក្នុងទិសដៅពី កើតទៅលិច ស្រាប់តែមក​ដល់ចំណុចកើត ហេតុខាងលើ ទំនងជាអ្នកបើកបរនោះ បាត់បង់ស្មារតីមើលផ្លូវមិនឃើញ ទើបជ្រុលទៅ បុករបាំងដែក​ចែកទ្រូងផ្លូវបាក់អស់ចំនួន ៥ ផ្ទាំង​រាបស្មើដី រាយប៉ាយពេញផ្លូវ ចំណែក រ៉ឺម៉កកង់បីក្រឡាប់ផ្ងារជើង រងការ​ខូចខាតស្ទើរទាំងស្រុង នឹងអ្នកបើកបររ៉ឺម៉កកង់ ត្រូវរងរបួសធ្ងន់ធ្ងរ បានរថយន្តសាមុយមកដឹកយកទៅសង្គ្រោះ នៅមន្ទីរពេទ្យភ្លាមៗ។

សមត្ថកិច្ចបានបញ្ចាក់ថា ក្រោយពីកើតហេតុ រ៉ឺម៉កកង់បី ខាងលើនេះត្រូវបាន សមត្ថកិច្ចមូលដ្ឋាន សហ​ការជាមួយនគរបាលជំនាញចុះធ្វើការវាស់វែងអូសយកទៅ រក្សាទុកនៅការិយាល័យចរាចរណ៍ជើងគោករាជ​ធានី​ភ្នំពេញដើម្បីរង់ចាំ ដោះស្រាយ តាមផ្លូវច្បាប់ ។ គ្រោះថ្នាក់ខាងលើនេះបង្កឡើងដោយសារអ្នកបើកបររ៉ឺម៉កកង់បី ស្រវឹង ស្រាឡើងពេកទើបបើករ៉ឺម៉កបណ្តាលឲ្យរេចង្កូតបុករះរបាំងដែកយ៉ាងពេញទំហឹងបែបនេះ៕

Copyright © 2010-2021 · អរិយធម៌ · All Rights Reserved.
Develop by Sek Sathya