ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||   

» ព័ត៌មានជាតិ » បុរស​ម្នាក់​ដើរ​ឆ្លង​ថ្នល់​ទិញ​បារីត្រូវ​រថយន្ត​បើក​បុក​បណ្តាល​ឲ្យរងរបួសធ្ងន់

បុរស​ម្នាក់​ដើរ​ឆ្លង​ថ្នល់​ទិញ​បារីត្រូវ​រថយន្ត​បើក​បុក​បណ្តាល​ឲ្យរងរបួសធ្ងន់

ភ្នំពេញ ៖ បុរសម្នាក់ត្រូវរងរបួសធ្ងន់ធ្ងរ ក្នុងខណៈដែលរូបគេដើរឆ្លងផ្លូវចេញពីទិញបារី ហើយត្រូវរថយន្តហ៊ីយ៉ានដាយ ១ គ្រឿងបើកបុកយ៉ាងពេញទំហឹង កាលពីវេលាម៉ោង ១៨ និង៤០ នាទីយប់ថ្ងៃទី ៣១ ខែកក្កដា ឆ្នាំ​២០១៣ នៅចំណុចមុខហាងផ្កាយព្រឹក្ស តាមបណ្តោយផ្លូវលេខ ២៧១​ សង្កាត់ផ្សារដើមថ្កូវ ខណ្ឌចំការមន ។

យោងតាមប្រភពព័ត៌មានពីកន្លែងកើតហេតុ បានឲ្យដឹងថាមុនពេលកើតហេតុគេបាន ឃើញសង្កេត បុរស ម្នាក់បានដើរឆ្លងផ្លូវលេខ ២៧១ ទៅទិញបារីខណៈទិញបាន ហើយក៏ត្រឡប់ក្រោយក្នុងបំណងដើរចូលផ្ទះវិញ ស្រាប់តែមានរថយន្តហ៊ីយ៉ាន់ដាយ ប្រភេទកូរ៉េ ១តោនកន្លះ ១ គ្រឿង ពណ៌ខៀវ ពាក់ស្លាកលេខ ឆ៤៤០៤ ភព២ រួម ដំណើរដោយបុរសចំនួន ៣ នាក់ ដែលកំពុងបើកបរក្នុងល្បឿនយ៉ាងលឿន បានជ្រុល ទៅបុកបុរសម្នាក់ ដែលកំពុងដើរឆ្លងកាត់ផ្លូវនោះ យ៉ាងពេញទំហឹងតែម្តង បណ្តាលឲ្យ បុរសម្នាក់នោះ ដួលបោកក្បាលទៅថ្នល់ត្រូវ រងរបួសធ្ងន់ធ្ងរ ចំណែករថយន្តបង្កហេតុ ត្រូវបានប្រជាពលរដ្ឋនិងអ្នកដំណើរជួយឃាត់បានភ្លាមៗ​ ប៉ុន្តែ​អ្នក​បើកបរ រថយន្ត បង្កហេតុ​បានរត់គេចខ្លួនបាត់​ក្រោយដឹកថាខ្លួនបានបើកបររថយន្ត​បុកមនុស្ស​ឲ្យរងរបួស​ធ្ងន់ធ្ងរ។

សមត្ថកិច្ចបានបញ្ជាក់ថា ក្រោយពីកើតហេតុអ្នករងរបួសធ្ងន់ធ្ងរត្រូវបានរថយន្តសាមុយ មកដឹកយកទៅ សង្គ្រោះនៅមន្ទីរពេទ្យភ្លាមៗ។ ចំណែករថយន្តហ៊ីយ៉ាន់ដាយ ត្រូវសមត្ថកិច្ចអូសយកទៅរក្សាទុកនៅអធិការ ដ្ឋាននគរបាលខណ្ឌចំការមនរង់ចាំ ដោះស្រាយតាមផ្លូវច្បាប់ ៕

ទុយ ម៉ែន

Copyright © 2010-2021 · អរិយធម៌ · All Rights Reserved.
Develop by Sek Sathya