ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ការដ្ឋាន​មួយកន្លែង សម្រុក​កាយ​ដី ជិត​ដល់​កំពូលភ្នំ​កកេះ ​

ការដ្ឋាន​មួយកន្លែង សម្រុក​កាយ​ដី ជិត​ដល់​កំពូលភ្នំ​កកេះ ​

កំពត​៖ ភ្នំ​កកេះ ដែលមាន​ទីតាំង​ខាងក្រោយ វិទ្យាល័យ​ព្រះរាជ​សម្ភារៈ ស្ថិតក្នុង​ភូមិ​អូរ​តូច សង្កាត់ អណ្តូង​ខ្មែរ ក្រុង​កំពត បាននិងកំពុង​ទទួល​រង នូវ​ការជីក​កាយ យក​អាចម៍ដី ដោយ​គ្រឿងចក្រ ពី​ម្ចាស់ អាជីវកម្ម​មួយ ស្ទើរ​ដល់​កំពូល ខណៈ​កិច្ចសន្យា​ចាស់ បាន បញ្ចប់​ទៅហើយនោះ​។​

​បើ​មើ​លពី​ចម្ងាយ សូម្បី​សម្លឹង​ចេញពី កណ្ដាល​ក្រុង​កំពត ភ្នំ​កកេះ ស្ថិតនៅ​ក្បែរផ្លូវ​ធ្វើដំណើរ ឆ្ពោះទៅកាន់​រមណីយដ្ឋាន ធម្មជាតិ​ទឹកឈូ ដែល​ដើមឡើយ ពោរពេញ​ដោយ ទេសភាព​ពណ៌​បៃតង ពេលនេះ មាន​ភាព​រិច​រិល ឃើញតែ​ស្លាកស្នាម​នៃ ការ ជីក​កកាយ កើតជា​រណ្តៅ​ធំៗ​។ បើ​ចូលទៅ​កៀក ការដ្ឋាន​ផ្ទាល់​នោះ នឹង​ឃើញ​សកម្មភាព គ្រឿងចក្រ​របស់ ក្រុមហ៊ុន​មួយ កំពុង​ធ្វើ​សកម្មភាព ដ៏​មមាញឹក បំផុត ដើម្បី​យក​អាចម៍ដី​លក់ ទៅ​ទីកន្លែង​ផ្សេងៗ​។​
​ភាពហិនហោច ទាំង​រុក្ខជាតិ ទាំង​ដីភ្នំ​នេះ បាន​រំកិល យ៉ាងខ្ពស់ ពោលគឺ​នៅតែ ប៉ុន្មាន​ម៉ែត្រ​ប៉ុណ្ណោះ នឹង​ដល់​កំពូលភ្នំ​ទៅហើយ​។ ទាំងនេះ ត្រូវបាន​គេ​ដាក់​ការ បន្ទោស លើ​ជំនាញ និង​ផ្នែក​ពាក់ព័ន្ធ ដែល​មិន​ចាត់ការ​ទប់ស្កាត់ បណ្តោយឱ្យ​ម្ចាស់​ការដ្ឋាន​នោះ ធ្វើ​ព្យុះ ធ្វើ​ភ្លៀង ស្រេច​អំពើ​ចិត្ត ទៅតាម​អ្វី​ដែលជា មហិច្ឆតា​របស់គេ​។​

លោក សោម វិចិត្រ ប្រធាន​មន្ទីរ​រ៉ែ និង​ថាមពល ខេត្តកំពត បាន​មានប្រសាសន៍ថា ការដ្ឋាន​នោះ ក្រុមហ៊ុន​មាន​អាជ្ញាប័ណ្ណ​ត្រឹមត្រូវ តែ​ការ ជីក​ដល់​ចំណុច​នេះ ជំនាញ​កំពុង​តម្រូវឱ្យ​ប្តូរ​ទីតាំង ត្បិត​កិច្ចសន្យា​ចាស់ បានបញ្ចប់​ហើយ និង​កំពុង​បន្ត ធ្វើ​កិច្ចសន្យា​ថ្មី​។ លើសពីនោះ​ទៀត មន្ទីរ​បាន​ណែនាំ​ឱ្យ​ម្ចាស់ ស្តារ​បរិស្ថាន​ឡើងវិញ ដោយ​ការដាំ​ដើម ឈើ ដែល​មកដល់ពេលនេះ តាម​ការ​ប្រាប់ឱ្យដឹង គេ​បាន​ដាំ​កូន​អាកាស្យា ជាង​មួយរយ​ដើម​ហើយ លើដី ដែល​បាន​ជីក​កាយ​រួច​។​

​ពាក់ព័ន្ធ​នឹង​សកម្មភាព កំពុង​ជីក​កាយ​បន្ត លោក​ប្រធាន​មន្ទីរ បញ្ជាក់ថា ជំនាញ​បាន​តម្រូវឱ្យ​គាត់ ផ្លាស់ប្តូរ​ទីតាំង​ហើយ ដូច្នេះ​បើ​នៅមាន​ការធ្វើ​បន្ត មន្ត្រី​នឹង​ចុះទៅ​ហាម ឃាត់ ឱ្យ​គាត់​ប្តូរ​ទីតាំង ទៅតាម​កិច្ចសន្យា​ថ្មី ពិសេស​ជំរុញ ការស្តារ​បរិស្ថាន លើ​កន្លែង​ដែល​បានធ្វើ​រួច នោះ​គឺ​ការដាំ ដើមឈើ ឱ្យបាន​ច្រើន សម្រាប់​ជា​ទំនុកចិត្ត​នៃ ការបន្ត​កិច្ចសន្យា ក្រោយៗ​ទៀត​៕fded9152-9d80-4a26-8ea5-44114cf6add9

Copyright © 2010-2021 · អរិយធម៌ · All Rights Reserved.
Develop by Sek Sathya