ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» សិល្បៈ-កម្សាន្ត » ប្រិយមិត្ត​ហ្វេ​ស​ប៊ុ​ក ភ្ញាក់​ផ្ញើ​ល​នឹង​យ៉ុង ច័ន្ទ​កណ្ណិកា ហៅ​ប្រុស​ស្នេហ៍​ថ្មី​ថា​ប្ដី​

ប្រិយមិត្ត​ហ្វេ​ស​ប៊ុ​ក ភ្ញាក់​ផ្ញើ​ល​នឹង​យ៉ុង ច័ន្ទ​កណ្ណិកា ហៅ​ប្រុស​ស្នេហ៍​ថ្មី​ថា​ប្ដី​

ភ្នំពេញៈ បន្ទាប់ពី​មាន​ភាព​សោកសៅ​ត្រឹម​តែមួយ​រយៈពេល​ខ្លី​ខណៈ​ជួបប្រទះ ស្នេហា​ប្រេះស្រាំ មិន​សមប្រកប​ជាមួយ​បុរស​អាណិកជន​ម្នាក់​រស់នៅ​ក្រៅប្រទេស​ម្ដង​នាពេល​កន្លង​នោះ កញ្ញា យ៉ុង ច័ន្ទ​កណ្ណិកា ពេល​ថ្មីៗ​នេះ​គេ​សង្កេតឃើញ​នាង បង្អួត​ភាពស្និទ្ធស្នាល​ផ្អែមល្ហែម ប្រៀប​ដូច​ទឹកឃ្មុំ ជាមួយ​បុរស​វ័យ​ជាង ៣០ ឆ្នាំ​ម្នាក់ នៅលើ​បណ្តាញ​សង្គម Facebook ដែល​ឲ្យ​មិត្តភក្តិ​ក្នុង​បណ្ដាញ​មួយ​នេះ សម្ដែង​អារម្មណ៍​ភ្ញាក់ផ្អើល​យ៉ាង​ខ្លាង​។

យ៉ុង ច័ន្ទកណ្ណិកា និងបុរសម្នាក់

អ្វីដែល​ជាការ​អះអាង​ចេញពី​មាត់​របស់​តារាចម្រៀង យ៉ុង ច័ន្ទ​កណ្ណិកា បានធ្វើ​ឲ្យ​ទស្សនិកជន​ជាច្រើន មិនបាន​ជឿជាក់​លើ​នាង​ឡើយ ដោយសារតែ​ទង្វើ និង​ភាពស្និទ្ធស្នាល​បាន ស្តែង​ឲ្យ​ឃើញថា ទំនាក់ទំនង​រវាង​ពួកគេ មិន​ត្រឹមតែ​ជា​មិត្តភក្តិ​ប៉ុណ្ណោះ​ទេ ផ្ទុយទៅវិញ​ពួកគេ គឺជា​គូស្នេហ៍​យ៉ាងពិត​ប្រាកដ ។ លើសពីនេះ​អ្វីដែល​ធ្វើ​ឲ្យ​ប្រិយមិត្ត​តែ​ជឿជាក់​ខ្លាំង​នោះ គឺ​ក្នុង​មួយរយៈ​ពេល​ចុង​ក្រោយនេះ គេ​ឃើញ​នាង​បង្ហោះ​រូបថត និង​សរសេរ​ពាក្យ​ផ្អែមល្ហែម ផ្តោះផ្តង​គ្នា​ទៅវិញទៅមក​លើ​បណ្តាញ​ទំនាក់ទំនង​សង្គម Facebook ថែម​ទៀតផង ។​
មិនតែប៉ុណ្ណោះ​គេ​ឧស្សាហ៍​ឃើញ​តារាចម្រៀង​ស្រី​ល្បីឈ្មោះ​នៅក្រៅ​ប្រទេស រូបនេះ​តែងតែ​ដើរ​បណ្តើរ​កៀកកើយ​ជាមួយ​បុរស​រូប​សង្ហា​ប្លែក​មុខ​ម្នាក់នេះ​ចូលរួម​ស្ទើរ​គ្រប់​កម្មវិធី និង​បានបង្ហាញ​នូវ​ភាព​សិ្ន​ទ្ធ​ស្នាល​ប្រៀបដូចជា​គូស្នេហ៍​ថ្មោងថ្មី​អ៊ីចឹង​។ នៅក្នុង​នោះ​ម្ចាស់​បទ “​ទឹកភ្នែក​ស្រីឡង់សេ​” រូបនេះ​បាន​សរសេរ​ពាក្យពេចន៍​សាសង​ស្នេហា​ជា​ភាសា​អង់គ្លេស​ថា “To day ort sabay chet te coz my HB tov tver ka chhgay pi nhom miss kot nas worry hery ah nit teat coz kot hot nas . good luck na take care . wait b at home” ដែល​ប្រែ​សម្រួល ជា​ភាសា​ខ្មែរ​ថា “​ថ្ងៃនេះ​ខ្ញុំ​មិន​សប្បាយចិត្ត​ទេ ព្រោះថា HB ទៅធ្វើ​ការ​ឆ្ងាយ​ពី​ខ្ញុំ នឹក​គាត់​ណាស់ បារម្ភ ហើយ​អាណិត​គាត់ ព្រោះ​គាត់​ហត់​ណាស់​..​សំណាងល្អ ថែខ្លួន​..” ហើយ​ពាក្យសំដី ចុងក្រោយ ដែលមាន​អត្ថន័យ​នោះ​គឺ “​រង់ចាំ​បង​នៅផ្ទះ​”​។​

ដោយ​យោងតាម​ពាក្យសំដី​ទាំងអស់​ខាងលើនេះ​បានធ្វើ​ឲ្យ​មហាជន​ដែលជា​អ្នក​និយម​ចូលចិត្ត​លេង​បណ្តាញ​ទំនាក់ទំនង​សង្គម​ដ៏​ធំ​មួយ​នេះ​មានការ​ភ្ញាក់ផ្អើល​ថែមទៀត​ផង​ថា នាង​និង​សង្សារ​ប្រហែលជា​រស់នៅ​លើផ្ទះ​តែមួយ​ទៀរ​ផង ទើបបានជា​នាង​ហ៊ាន​ព្រលយ​ពាក្យ​ថា រង់ចាំ​ប្រុស​កំពូល​ស្នេហ៍​នៅផ្ទះ​ដូច្នេះ ។ ម្យ៉ាងទៀត​នៅក្នុង​ខ្លឹមសារ​នៃ​ប្រយោគ​នេះ បានន័យថា យ៉ុង ច័ន្ទ​កណ្ណិកា បាន​ហៅ​បុរស​កំពូល​ស្នេហ៍​ថា ជា​ប្ដី​ពេញៗ​មាត់​ប្រកបដោយ​ការយល់​ចិត្ត​ខ្ពស់ វា​គឺជា​តឹកតាង​មួយ​បង្ហាញ​យ៉ាងច្បាស់ ព្រោះ​ពាក្យ HB បានន័យថា Husband គឺជា​ប្ដី ឬ​ជា​ស្វាមី ដូច្នេះ​បញ្ជាក់ថា យ៉ុង ច័ន្ទ​កណ្ណិកា មាន​ប្ដី​រួចទៅហើយ ។​
​ពាក់ព័ន្ធ​នឹង​ព័ត៌មាន​ដែល​ធ្វើ​ឲ្យ​ប្រិយមិត្ត​ក្នុង​បណ្តាញ​ហ្វេ​ស​ប៊ុ​កមាន​ការភ្ញាក់ផ្អើល​គ្រប់​នេះ ការិយាល័យ​និពន្ធ​កាសែត​អរិយធម៌​បាន​ព្យាយាម​ទាក់ទង​ទៅ កញ្ញា យ៉ុង ច័ន្ទ​កណ្ណិកា ដើម្បី​សុំ​ការបកស្រាយ​ជុំវិញ​ព័ត៌មាន​នេះ តែ​ទូរស័ព្ទ​របស់​នាង​មិនអាច​ទាក់ទង​បាន​៕


Copyright © 2010-2021 · អរិយធម៌ · All Rights Reserved.
Develop by Sek Sathya