ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » រថយន្ត​ពីរ​គ្រឿង​បុកគ្នា​ បណ្តាល​ឲ្យរង​ការខូចខាត​ទាំង​សង​ខាង

រថយន្ត​ពីរ​គ្រឿង​បុកគ្នា​ បណ្តាល​ឲ្យរង​ការខូចខាត​ទាំង​សង​ខាង

ភ្នំពេញ ៖ រថយន្តពីរ ២ គ្រឿង ត្រូវរងនៅការខូចខាតយ៉ាងដំណំ ក្នុងខណៈដែល បុរស ម្នាក់ស្រវឹងស្រាជោគខ្លួន បានបើកបររថយន្តមួយគ្រឿងម៉ាកគារ របស់ក្រុមហ៊ុនស្រាបៀរ ANCHER ក្នុងល្បឿនលឿនរេចង្កូតបុកគូទ រថយន្តឡិចស៊ីស RX 300 ដែលចតស្ងៀម នៅផ្លូវផ្ទះបណ្តាលឲ្យរងការខូចខាត។ គ្រោះថ្នាក់នេះត្រូវបាននគរបាលមូលដ្ឋាន បញ្ជាក់ថា កើតឡើងកាលពីវេលាម៉ោង ១និង ០០​នាទីយប់រំលងអាធ្រាត្រឈានចូលថ្ងៃទី ០១ ខែកញ្ញា ឆ្នាំ​២០១៣ ស្ថិតនៅចំណុចមុខផ្ទះលេខ ១៥៣ ក្នុងភូមិតាង៉ូវ សង្កាត់និរោធ ខណ្ឌមានជ័យ។

សមត្ថកិច្ចមូលដ្ឋានបានឲ្យដឹងថា រថយន្តបង្កហេតុម៉ាកគារ ពណ៌ក្រហម បិទស្លាកឡូហ្គោ ស្រាបៀរ ANCHER ពាក់ស្លាកលេខ បណ្តោះអាសន្ន ៨៣៤៦ បើកបរដោយបុរសម្នាក់ ធ្វើដំណើរតាមបណ្តោយតាង៉ូវ ចុះពីផ្លូវជាតិលេខ១ បានប្រហែលជាង ៣០០ ម៉ែត្រ ដោយបានបើកយ៉ាងលឿនផងនោះ ស្រាប់តែរេចង្កូត រថយន្តឡើងខឿនជ្រុលទៅ បុកចំគូទរថយន្តឡិចស៊ីស RX 300 ពណ៌ស្ករ ពាក់ស្លាកលេខ ភ្នំពេញ 2L-4802 ដែលកំពុងចតស្ងៀមនៅលើចិញ្ចើមផ្លូវ បណ្តាលឲ្យគូទរថយន្តឡិចស៊ីស ត្រូវរងការ ខូចខាតទាំងស្រុង​ ចំណែក រថយន្តបង្កហេតុវិញនោះត្រូវខូចខាតផ្នែកហើយខាងមុខ ហើយព្យាយាមបើករត់គេចខ្លួនពីចំណុចកើតហេតុ បានជាង ២០០ ម៉ែត្រទើបរថយន្ត បន្តដំណើរទៅមុខលែងរួចក៏ត្រូវសមត្ថកិច្ចឃាត់បានតែម្តង។

គួរបញ្ជាក់ថា ក្នុងហេតុការណ៍នេះបណ្តាលឲ្យបុរសជាអ្នកបើកបររថយន្តបង្កហេតុត្រូវរង របួសបែកក្បាល​ហូរឈាមស្រោចខ្លួន ដោយបោកក្បាលនឹងកញ្ជក់រថយន្តរបស់ ខ្លួនឯងនៅផ្នែកខាងមុខ ។ បន្ទាប់ពីកើតហេតុ រថ​យន្តទាំង ២ គ្រឿងត្រូវបាននគរបាល មូលដ្ឋានសហការជាមួយនគរបាលចរាចរខណ្ឌមានជ័យ ចុះមក​អន្តរាគម​ន៍​ធ្វើការ វាស់វែងអូសយកទៅរក្សាទុកនៅអធិការដ្ឋាននគរបាលខណ្ឌមានជ័យ រង់ចាំដោះស្រាយ តាមផ្លូវច្បាប់ ។ គ្រោះថ្នាក់ខាងលើនេះសមត្ថកិច្ចបានឲ្យដឹងទៀតថាបង្កឡើង ដោយសារអ្នកបើកបររថយន្តបង្កហេតុស្ថិតក្នុង សភាពស្រវឹងស្រាខ្លាំងពេក ហើយបើករថយន្តលឿនទៀតទើបបណ្តាលឲ្យរេចង្កូតបុករថយន្តឡិចស៊ីសទាំង កំរោលតែម្តងទៅ៕

ទុយ​ ម៉ែន

Copyright © 2010-2021 · អរិយធម៌ · All Rights Reserved.
Develop by Sek Sathya