ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » ខេត្តកោះកុងឋានសួគ៌​ធម្មជាតិ

ខេត្តកោះកុងឋានសួគ៌​ធម្មជាតិ

ទឹកធ្លាក់​តា​តៃ ជារមណីយដ្ឋាន​ទេសចរណ៍ធម្មជាតិ ​ស្ថិតនៅ​ចម្ងាយ២០គីឡូម៉ែត្រ ​ពី​ទី​រួម​ខេត្តកោះកុង ធ្វើ​ដំណើរតាម​ផ្លូវជាតិ​លេខ៤៨ ក្នុងភូមិ​តា​តៃ ឃុំ​តា​តៃ ស្រុក​ស្មាច់មាន ជ័យ។ រមណីយដ្ឋាន​មួយ​នេះ​ ទើបតែ​រៀបចំបាន​ប៉ុន្មាន​ឆ្នាំ​ប៉ុណ្ណោះ ​អាច​ទាក់ទាញ​ភ្ញៀវទេសចរ​ទៅ​កម្សាន្ត​​បាន​យ៉ាងច្រើន​កុះករ។

ហេតុដែល​នាំ​ឲ្យ​រមណីយដ្ឋាន​ទឹកធ្លាក់​តា​តៃ ​អាច​ទាក់ទាញ​ភ្ញៀវទេសចរ​បាន​យ៉ាងច្រើន​កុះករនោះ ក៏ព្រោះតែ​រមណីយដ្ឋាន​នេះ​មាន​ទឹកថ្លា​ក់២ជាន់ ​ថ្លា​ដូច​កញ្ចក់ ដោយ​ជាន់​ទី១មាន​កម្ពស់​ពី៥ទៅ៦ម៉ែត្រ និង​ជាន់​ទី២មាន​កម្ពស់១២ទៅ១៥ម៉ែត្រ ហើយហូរ​ធ្លាក់​តាម​ជម្រាល​ថ្ម ទើប​ធ្លា​ក់លើ​រាងកាយ​ទេសចរ ​ដែល​​ងូត​កម្សាន្ត។ សព្វថ្ងៃ ​ទឹកធ្លាក់​តា​តៃ​ត្រូវបាន​អាជ្ញាធរ​ប្រចាំ​តំបន់​ខិតខំ​រៀបចំ ​ឲ្យ​ក្លាយជា​រមណីយដ្ឋាន​គំរូ​របស់​ខេត្តកោះកុង ដើម្បី​​ទទួល​ស្វាគមន៍​ទេសចរ​ជាតិ និង​អន្តរជាតិ។ លើសពីនេះទៅទៀត ​រមណី​យ​ដ្ឋា​ន​ទឹកធ្លាក់​តា​តៃ ​មាន​បឹង​មួយ​ឈ្មោះថា បឹង​កា​ឡូ ​នៅទីនោះមានទូកសម្រាប់​​ភ្ញៀវទេសចរ​ជួល​ស្នាក់នៅ ​ប្រកបដោយ​ភាព​អណ្តែតអណ្តូង​លើ​ផ្ទៃ​ទឹក និង​មាន​បម្រើ​សេវាកម្ម​ម្ហូបអាហារ​យ៉ាង​សម្បូរបែប ​រួមទាំង​ការ​ជិះទូក​ទស្សនា​ទិដ្ឋភាព​ជីវចម្រុះផ្សេងៗទៀត ​យ៉ាង​ត្រេកត្រអាល។

​ទេសចរ​គ្រប់រូប ​ពេល​បាន​ទៅដល់​​ទឹកធ្លាក់​តា​តៃ​ហើយ ហាក់​មិន​ចង់​វិលវិញ​ឡើយ ពោលគឺចង់​នៅ​ស្រូបយក​ខ្យល់​បរិសុទ្ធ​ពី​ធម្មជាតិ​ដ៏​កម្រ​នៅលើ​បឹង​កា​ឡូ និង​គយគន់​ព្រៃព្រឹក្សា​ដ៏​ខៀវស្រងាត់ ​ដុះ​ជា​ជូរអម​សងខាង​បណ្តោយ​បឹង។

អំណោយពី​ធម្មជាតិ​ទាំងនេះ ​ធ្វើ​ឲ្យ​រមណីយដ្ឋាន​ទឹកធ្លាក់​តា​តៃ​ មាន​សម្រស់​ដ៏​ត្រកាល និង​ជាទី​ទាក់ទាញ​៕

 

Copyright © 2010-2021 · អរិយធម៌ · All Rights Reserved.
Develop by Sek Sathya