ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » ផ្ទុះ​​មីន​តោន​​ស្លាប់​មួយ​​គ្រួសារ​៣​​នាក់​និង​​ក្របី​​មួយ​ក្បាល​

ផ្ទុះ​​មីន​តោន​​ស្លាប់​មួយ​​គ្រួសារ​៣​​នាក់​និង​​ក្របី​​មួយ​ក្បាល​

​ឧ​ត្ត​រ​មានជ័យ​៖ ​យ៉ាងហោចណាស់​មនុស្ស​៣​នាក់​ដែលជា​ឪពុក​និង​កូនប្រុស​ស្រី​បាន​ស្លាប់បាត់​បង់ជីវិត​ភ្លាមៗ​នៅនឹងកន្លែង​រួមទាំង​សត្វ​ក្របី​មួយ​ក្បាល ខណៈដែល​ពួកគាត់​បាន​ចូលទៅ​អារឈើ​កាប់​ឈើ​ក្នុងព្រៃ​ដើម្បី​យកមក​ធ្វើ​ផ្ទះ ដោយ​បររទេះ​ដឹកឈើ​ជាន់​ចំ​មីនតោន​ដែល​នៅ​សេសសល់​ពី​សម័យ​សង្គ្រាម​កប់​ទុក​ក្នុង​ដី​ជា​យូរ​ឆ្នាំ​មកហើយ​នោះ​បណ្តាល​ឲ្យ​ផ្ទុះឡើង​កក្រើក​ដី​តែម្តង​។​
​ហេតុការណ៍​នេះ​បានកើត​ឡើង​វេលា​ម៉ោងជាង ១​រសៀល​ថ្ងៃទី​៣០ ខែកក្កដា​ឆ្នាំ​២០១៣​នៅក្នុង​ព្រៃ​ចំងាយ​មួយ​គីឡូម៉ែត្រ​ពី​ចំណុច​ខាងត្បូង​ទួល​កៅ​បី​នៃ​បន្ទាយ​យោធា​ខ្មែរក្រហម​ចាស់ ក្នុងភូមិ​ទំនប់​អភិវឌ្ឍន៍ ឃុំ​អូរ​ស្វាយ​ស្រុក​ត្រពាំង​ប្រាសាទ ខេត្ត​ឧ​ត្ត​រ​មានជ័យ​។​​តាម​របាយការណ៍​ពី​លោក កែវ តាន់​អធិការនគរបាល​ស្រុក​ត្រពាំង​ប្រាសាទ​គេ​បានអោយដឹងថា​ប្រជាពលរដ្ឋ​ខ្មែរ​ដែល​បាត់បង់​ជីវិត​ទាំង​មួយ​គ្រួសារ​បីនាក់​ឪពុក​និង​កូន មានឈ្មោះ អែល បុល ភេទ​ប្រុស អាយុ​៤៥​ឆ្នាំ ជា​ឪពុក​និង​កូន​ពីរ​នាក់​ឈ្មោះ​ទី​១.​ប៉ែន ប្ល​យ ភេទ​ប្រុស អាយុ​១៣​ឆ្នាំ និង​ទី​២​ឈ្មោះ ប៉ែន ម៉ី ភេទ​ស្រី អាយុ​១២​ឆ្នាំ អ្នក​ទាំង
​បីនាក់​រស់នៅ​ភូមិ​ឃុំ​ខាងលើ​។​សាកសព​ទាំងបី​នាក់​នេះ​ត្រូវ​អំបែង​គ្រាប់​សុសសាច់ និង​ដាច់​ដៃ​ដាច់​ជើង​ជាច្រើន​បំណែក ។​
​លោក​អធិការ​បាន​បន្តថា​យោងតាម​ការអះអាង​ពី​ប្រជាពលរដ្ឋ​បានអោយដឹងថា​ដំបូង​គ្រួសារ​ជនរងគ្រោះ​បីនាក់​ឪពុក​និង​កូន​បាននាំគ្នា​ចេញទៅ​អារឈើ​កាប់​ឈើ​ក្នុងព្រៃ​ដើម្បី​យកមក​ធ្វើ​ផ្ទះ​។ ពេល​អារឈើ​បាន​ហើយ ក៏​លើក​ឈើ​ដាក់​លើ​រទេះក្របី​ដឹក​យកមក​ផ្ទះ​ហើយ​នៅពេល​បររទេះ​ដល់​ផ្លូវ​ចាស់​ដូច​សព្វដង​បាន​ចំងាយ​ប្រហែល​១៥​ម៉ែត្រ​ពី​ទីតាំង
​អារឈើ​ដោយ​កង់រទេះ​នោះបាន​ជាន់​ប៉ះ​ទៅលើ​មីនតោន​ដែល​គេ​កប់​ទុក​ក្នុង​ដី​ជា​យូរ​ឆ្នាំ​តាំងពី​សម័យ​សង្គ្រាម​នៅត្រង់​ផ្លូវ​ចាស់​ហើយ​ដោយសារ​មាន​ភ្លៀង​ខ្លាំង​ធ្វើអោយ​ដី​សើម​ជ្រាយ​ទើប​កងរទេះ​ស្រុត​ចំ​មីនតោន​ផ្ទុះឡើង​តែម្តង​បណ្ដាល​អោយស្លាប់​ទាំងបី​នាក់​ឪពុក​និង​កូន​នៅនឹងកន្លែង​កើតហេតុ​តែ​ម្តង រីឯ​រទេះ​ឈើ​ត្រូវ​ខ្ទេច​ទាំងស្រុង​នៅសល់តែ​កង់​ខ្ទាត​ប៉ើង​ទៅក្នុង​ព្រៃ​និង​ក្របី​មួយ​ក្បាល​បាន​ស្លាប់​រីឯ​ក្របី​មួយ​ក្បាល​ទៀត​ត្រូវរបួស​បាន​រត់​បាត់​។
​ក្រោយពេល​កើតហេតុ អាជ្ញា​ធរមាន​សមត្ថកិច្ច​បាន​ចុះទៅពិនិត្យ នៅ​កន្លែងកើតហេតុ​ភ្លាមៗ​និង​បាន​បញ្ជាក់ថា ជនរងគ្រោះ​៣​នាក់​ឪពុក​និង​កូន​រួមទាំង​ក្របី​មួយ​ក្បាល​ពិតជា​បាន​ស្លាប់​ដោយសារ​ផ្ទុះ​មីនតោន​ដែល​កប់​ក្នុង​ដីស​ល់ពី​សម័យ​សង្គ្រាម ។ ក្រោយពី​ពិនិត្យ​រួច​សមត្ថកិច្ច​បាន​ឲ្យ​គ្រួសារ​សព និង​អ្នកភូមិ​យក​សព​ទៅធ្វើ​បុណ្យ​តាម​ប្រពៃណី​៕

ដោយ​៖ ជ័យ​មាន​រិ​ទ្ធ​

Copyright © 2010-2021 · អរិយធម៌ · All Rights Reserved.
Develop by Sek Sathya