ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » គ្រូភាសា​បារាំង​៨២រូបមកពី​៦ប្រទេស​បាន​ទទួល​ការ​បណ្តុះបណ្តាលពីវិធីសាស្ត្របង្រៀន នៅកម្ពុជា

គ្រូភាសា​បារាំង​៨២រូបមកពី​៦ប្រទេស​បាន​ទទួល​ការ​បណ្តុះបណ្តាលពីវិធីសាស្ត្របង្រៀន នៅកម្ពុជា

ភ្នំពេញ៖ គ្រូបង្រៀនភាសាបារាំងចំនួន៨២នាក់មកពីបណ្តាប្រទេស ចំនួន៦នៅ តំបន់ អាស៊ី បានចាប់ផ្តើមទទួលនូវការបណ្តុះបណ្តាលវិធីសាស្រ្តបង្រៀនដោយប្រើប្រាស់ បច្ចេកវិទ្យាព័ត៌មាន បានចាប់ពីថ្ងៃទី៣០ ខែកក្កដា រហូតដល់ថ្ងៃទី៨ខែសីហា ឆ្នាំ២០១៣ នៅវិទ្យាស្ថានបច្ចេកទេសកម្ពុជា។

កម្មវិធីបណ្តុះបណ្តាលវិធីសាស្រ្តបង្រៀននៅកម្ពុជាជាលើកទី៣នេះ ត្រូវបានរៀបចំឡើង ដោយទីភ្នាក់ងារឧត្តមសិក្សាប្រើប្រាស់ភាសាបារាំង(AUF) ។ ក្រោមប្រធានបទ សាកល វិទ្យាល័យវស្សានរដូវដោយផ្តោតសំខាន់ទៅលើបច្ចេកវិទ្យាព័ត៌មាននិងការធ្វើទំនាក់ទំនង សម្រាប់ការបង្រៀន ដោយប្រើប្រាស់ប្រព័ន្ធព័ត៌មានវិទ្យា (TICE) ។

ប្រធានផ្នែករដ្ឋបាលនៃការិយាល័យតំបន់អាស៊ីប៉ាស៊ីហ្វិក របស់ទីភ្នាក់ងារ ឧត្តមសិក្សា ប្រើប្រាស់ភាសាបារាំង លោក Bernard Vanthomme មានប្រសាសន៍ថា គ្រូបង្រៀន ភាសាបារាំងចំនួន៨២នាក់មកពីប្រទេសកម្ពុជា, ឡាវ, ថៃ, វៀតណាម,ចិន និង ម៉ាឡេស៊ីនឹងទទួលបានការបណ្តុះបណ្តាល ពីសាស្ត្រាចារ្យឯកទេសជំនាញ ដើម្បី ជំរុញឲ្យការបង្រៀនរបស់ពួកគេ នៅសាកលវិទ្យាល័យ និងវិទ្យាល័យកាន់តែ មាន លក្ខណៈ ល្អប្រសើរ និងមាន គុណភាពខ្ពស់។

លោក Bernard Vanthomme បញ្ជាក់ថាក្រៅពីវិធីសាស្ត្រ នៃការបង្រៀនពួកគេ ក៏នឹងទទួលបាននិងផ្លាស់នូវបទពិសោធន៍ចំណោះដឹង សម្រាប់គ្នាទៅវិញទៅមក។ ក្រៅពីការបង្ហាញការទាញ យកមេរៀនចំណេះដឹងតាមរយៈប្រព័ន្ធព័ត៌មានវិទ្យា គ្រួបង្រៀនភាសាបារាំងទាំងអស់ ក៏នឹងពិភាក្សាក្នុងការជំរុញបង្កើតឲ្យមានគេហទំព័រ សម្រាប់អ្នកមានបំណងរៀន និងបង្រៀនភាសាបារាំងផងដែរ។

អ្នកទទួលខុសត្រូវ ខាងផ្នែកភាសាបារាំងប្រចាំការិយាល័យអាស៊ីប៉ាស៊ីហ្វិក នៃ ទីភ្នាក់ងារឧត្តមសិក្សាប្រើប្រាស់ភាសាបារាំង លោកស្រី Nguen Van Dung បាន បញ្ជាក់ថា កម្មវិធីសិក្សាសំខាន់ៗ ចំនួន៨នឹងត្រូវបានយក មកបង្រៀន រួមជាមួយនឹង ការពិភាក្សាតុមូល ស្តីអំពីការយល់ឃើញរបស់គ្រូបង្រៀន អំពីភាសាបារាំង។តាមរយៈការបណ្តុះបណ្តាលនេះអ្នកស្រីរំពឹងថា កម្មវិធីនេះនឹងផ្តល់ដល់គ្រូបង្រៀន ទាំងអស់នូវជំនាញបន្ថែមប្រកបដោយគុណភាពខ្ពស់ និងវិជ្ជាជីវៈគរុកោសល្យកម្រិត ស្តង់ដា៕

ដោយ៖ស្រីផល

 

Copyright © 2010-2021 · អរិយធម៌ · All Rights Reserved.
Develop by Sek Sathya