ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពលរដ្ឋកំពុងតែរិះគន់យ៉ាងខ្លាំង ចំពោះរឿងដែលថ្នាក់ដឹកនាំឃ្វាលដីអោយប្រជាពលរដ្ឋ ដែលរស់នៅលើទឹកអោយមករស់នៅលើគោកវិញនោះ ឥឡូវនេះដីទាំងអស់នោះមិនបានមកលើដៃប្រជាពលរដ្ឋទេ​  ||     លេចព័ត៌មាន!  លោក ប៉ាន់ សាម បានឃុបឃិតជាមួយសុរិយោដីស្រុកអន្លង់វែង ចុះបញ្ជីយកដីអនុក្រិដ្ឋ ធ្វើជាកម្មសិទ្ធិជាច្រើនឡូតិ៍ និងលក់អស់ជាច្រើនហិកតា?​  ||     លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||   

» ព័ត៌មានជាតិ » ម៉ូតូ២​គ្រឿង​បុកគ្នា​បណ្តាល​ឲ្យ​មនុស្ស​ម្នាក់រង​របួសធ្ងន់

ម៉ូតូ២​គ្រឿង​បុកគ្នា​បណ្តាល​ឲ្យ​មនុស្ស​ម្នាក់រង​របួសធ្ងន់

ភ្នំពេញ ៖ បុរសម្នាក់ ត្រូវរង​របួស​ធ្ងន់ធ្ងរ ក្នុងខណៈដែលរូបគេបានជិះម៉ូតូ ១ គ្រឿង ម៉ាកស្មាស់វី បុកគ្នាជាមួយ ម៉ូតូ១ គ្រឿងទៀត ម៉ាកសេ ១២៥ កាលពីវេលាម៉ោង ២០ និង ០១ នាទីយប់ថ្ងៃទី ៣០ ខែកក្កដា ឆ្នាំ ២០១៣ នៅតាមបណ្តោយផ្លូវព្រះនរោត្តម មុខ​ក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលមានគ្រោះថ្នាក់ នេះ គឺសាក្សីបាន ឃើញបុរសម្នាក់វ័យជាង ២០​ឆ្នាំ ជិះម៉ូតូ ១ គ្រឿងម៉ាកស្មាស់វី ពណ៌ខៀវ ពាក់ស្លាកលេខ ភ្នំពេញ 1P-6317 ធ្វើដំណើរតាមបណ្តោយផ្លូវព្រះនរោត្តម ក្នុងទិស ដៅពីជើងទៅត្បូង​ដោយបានជិះយ៉ាងលឿន រេចុះរេឡើង ពេញផ្លូវ ខណៈជិះមកដល់ ចំណុចកើតហេតុខាងលើនេះ ស្រាប់តែរេចង្កូតជ្រុលបុកចំគូទម៉ូតូសេ១២៥ ពណ៌ខ្មៅ ១ គ្រឿងដែលកំពុងជិះពីមុខយ៉ាងពេញទំហឹង​បណ្តាលឲ្យម៉ូតូទាំង ២ គ្រឿង ត្រូវដួលគរ ពីលើគ្នា រងការខូចខាត ទាំងសងខាង ចំណែកម្ចាស់ម៉ូតូស្មាស់វី ត្រូវរងរបួសបែកក្បាល បែកមាត់ និងដៃស្ថិតក្នុងសភាពធ្ងន់ធ្ងរ ចំណែកម្ចាស់ម៉ូតូសេ ១២៥ បានលើម៉ូតូសេ ១២៥ ជិះរត់គេចខ្លួនបាត់ ។

បន្ទាប់ពីកើតហេតុអ្នករងរបួសត្រូវបានសមត្ថកិច្ចទំនាក់ទំនង ទៅរថយន្តសាមុយ មក ដឹកយកទៅសង្គ្រោះ នៅមន្ទីរពេទ្យភ្លាមៗ ចំណែកម៉ូតូស្មាស់វី ត្រូវបាននគរបាលប៉ុស្តិ៍ ទន្លេបាសាក់ចុះមកអន្តរាគមន៍ដល់ កន្លែងកើតហេតុអូសយកទៅរក្សាទុករង់ចាំ ក្រុមគ្រួសារមកទទួលយកទៅវិញ ៕

ដោយ៖ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya