ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » ប្រ​​ជា​ពល​រដ្ឋ​​តូច​ចិត្ត​​ពី​​រឿង​​ស៊ិន​​ទ្រី​​ប្រមូល​​សំរាម​ ​បន្ទាប់​ពី​​ពេល​​បោះ​ឆ្នោត​​នេះ​រួច

ប្រ​​ជា​ពល​រដ្ឋ​​តូច​ចិត្ត​​ពី​​រឿង​​ស៊ិន​​ទ្រី​​ប្រមូល​​សំរាម​ ​បន្ទាប់​ពី​​ពេល​​បោះ​ឆ្នោត​​នេះ​រួច

ភ្នំពេញ​៖ បើ​សង្កេតមើល​នៅតាម​ដង​មហាវិថី​ធំៗ និង​ផ្លូវ​តូច​ទល់មុខ ក្រសួង មន្ទីរ ក្រុម​ហ៊ុន​ សាលារៀន មន្ទីរពេទ្យ ទីផ្សារ​ទំនិញ និង​មុខផ្ទះ​ប្រជាពលរដ្ឋ​ទូទាំង​ក្នុង​រាជធានី​ភ្នំពេញ​គេ​ឃើញ​មាន សំរាម​គរ​ពាសវាល​ពាស​កាល ព្រមទាំង​ជះក្លិន​ស្អុយ​អសោច​ន៍​ធ្វើ​ឲ្យ​បាត់បង់​សោ​ភ័​ណ្ឌ​ភាព​ខូចសុខភាព​រស់នៅ​ប្រចាំថ្ងៃ​។​

​ជាក់ស្តែង​នៅតាម​បណ្តោយ​ផ្លូវ​មហាវិថី​មុន្នី​វង្ស​កែង​និង​ផ្លូវ​១០៩ ដែលនាំឱ្យ​មានការ​វាយ​តម្លៃ​ថា  បរិស្ថាន​ក្នុង​រាជធានី​ភ្នំពេញ​នេះ​មិនល្អ​សោះ​។ ខណ្ឌ​៧​មករា មាន​ដាក់​សំរាម​រាយ​ប៉ាយ​យ៉ាងច្រើន​ពេញ​តែ​មុខផ្ទះ ព្រោះ​បុគ្គលិក​ក្រុមហ៊ុន​ស៊ិន ទ្រី ខកខាន​មិន​បានមក​ប្រមូល​​ទាន់ពេលវេលា បន្ទាប់ពី​ការបោះឆ្នោត​ជ្រើសរើស​តំណាងរាស្ត្រ អាណត្តិ​ទី​៥ កាលពី​ថ្ងៃទី ២៨ ខែកក្កដា ២០១៣​។  បញ្ហា​ក្លិន​ស្អុយរលួយ​អសោច​ន៍ បានធ្វើ​ឲ្យ​ប៉ះពាល់​អ្នកធ្វើដំណើរ​ឆ្លង​កាត់ ពិសេស​ភ្ញៀវ​ជាតិ​និង​អន្តរជាតិ​នាំគ្នា​ឆ្ងល់​ថា ហេតុ​អី​បាន​បុគ្គលិក​របស់​ក្រុមហ៊ុន ស៊ិន​ទ្រី ខ្វះ​ចំណាត់​ការប្រមូល​ទាំងអស់នោះ បែរជា​ទុកឱ្យ​មាន​ស្អុយ​រលួយ​​ប៉ើង​ហើរ​តាម​ខ្យល់​យ៉ាង​ដូច្នោះ​ទៅវិញ​?

​ប្រជាពលរដ្ឋ​បាន​ត្អូញត្អែរ​ប្រាប់​អ្នកសារព័ត៌មាន​ថា បុគ្គលិក​ប្រមូល​សំរាម​របស់​ស៊ិន ទ្រី មិនបាន​មក​យក​សំរាម​ប្រមាណ​ជា ២ ទៅ ៣​ថ្ងៃ​មកហើយ ក្រោម​ពី​ការបោះឆ្នោត​បាន​បញ្ចប់​ទូទាំងប្រទេស​។

​ប្រជាពលរដ្ឋ​រាជធានី​ភ្នំពេញ ក៏​បន្តទៀតថា ពេល​ភ្ញៀ​ង​ធ្លា​ក់កិ្ល​ន​សំរាម​ដែល​ទុកចោល​ច្រើន​នេះ បាន​ជះក្លិន​អសោច​ន៍​យ៉ាងខ្លាំង​ស្ទើរតែ​មិនអាច​ទ្រាំ​បាន​ម្តងៗ និង​មួយទៀត​វា​បាន​បង្ក​ឱ្យ​កូនចៅ​របស់​ពួកគាត់​មាន​ជំងឺរាក ក្តៅខ្លួន ឬ​ក្អួត​…​ជាដើម​។​ល​។

​បញ្ហា​ទុក​សំរាម​ចោល​គរ​លើ​គ្នា​នៅតាម​ចិញ្ចើមផ្លូវ និង​តាម​ទីសាធារណៈ​ដូច្នេះ វា​ពិតជា​ធ្វើ​ឲ្យ​ប៉ះពាល់​ដល់​សោ​ភ័​ណ្ឌ​ភាព បរិស្ថាន អនាម័យ និង​សុខ​ភាពជា​ចំបង​។​ជាពិសេស​នៅ​ជិត​សួនច្បារ​ដែលជា​កន្លែង​ភ្ញៀវ​ជាតិ​និង​អន្តរជាតិ​នាំគ្នា​ទៅ​ដើរ​កម្សាន្ត​ស្រូបយក​ខ្យល់​អាកាស​បរិសុទ្ធ​ពី​ធម្មជាតិ ក្លិនស្អុយ​រលួយ​ពី​គំនរ​សំរាម នេះ​បាន​បំបាក់​មុខមាត់​ដល់​អ្នក​គ្រប់គ្រង​រាជធានី​គួរសម​ដែរ​ហើយ​។​

​ប្រជា​ពល​ដ្ឋ​មាន​សំណូមពរ និង​អំពាវនាវ​យ៉ាងទទូច​ដល់​អាជ្ញាធរ​ជា​មន្ត្រី​ដែល​ពាក់ព័ន្ធ ជា​ពិសេស​នោះ​គឺ សាលា​រាជធានី​ភ្នំពេញ ព្រមទាំង​ក្រុមហ៊ុន​ប្រមូល​សំរាម ស៊ិន ទ្រី ផ្តាច់​មុខ​នៅក្នុង​រាជធានី​ភ្នំពេញ​តែម្តង សូមជួយ​ចាត់វិធានការ​ប្រមូល​សំរាម​ទាំងអស់​ឲ្យ​បាន​តឹងរឹង លើ​ការ​សំរាម​ដែល​នៅ​ពេញ​ផ្លូវ​សាធារណ តូច​-​ធំ ទីប្រជុំជន ទីផ្សារ​ទំនិញ និង​មុខ​ផ្ទះ​ដើម្បី​ទប់ស្កាត់​ការ​ចោល​សំរាម​កើន​ចំនួន​ជាងនេះទៅទៀត​។

ដើម្បី​លើកស្ទួយ​ក​តិ្ត​យស​មុខមាត់​អ្នកគ្រប់គ្រង​រាជធានី​ផង ជាពិសេស​ប្រទេសជាតិ​ទូ​ទាំង​​មូល​តែម្តង​ដែល​ពិភពលោក​ទទួលស្គាល់ថា​ជា​ព្រះរាជណា​ចក្រ​អច្ឆរិយៈ​៕ ដោយៈ មករាតូច

Copyright © 2010-2021 · អរិយធម៌ · All Rights Reserved.
Develop by Sek Sathya