ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ប្រធាន​CAPDI ៖ ការ​បោះ​ឆ្នោត​នៅកម្ពុជា​ប្រកប​ដោយ​ឆន្ទៈ សេរីយុត្តិធម៌ ត្រឹមត្រូវ តម្លាភាព គ្មានអំពើហិង្សា

ប្រធាន​CAPDI ៖ ការ​បោះ​ឆ្នោត​នៅកម្ពុជា​ប្រកប​ដោយ​ឆន្ទៈ សេរីយុត្តិធម៌ ត្រឹមត្រូវ តម្លាភាព គ្មានអំពើហិង្សា

ភ្នំពេញ:លោក Jose Deveneciaប្រធាន CAPDI បាន​និយាយប្រាប់​អ្នកសារព័ត៌មាន​ថា ការបោះឆ្នោត​នៅ​ប្រទេស​កម្ពុជាកាលពី​ថ្ងៃទី​២៨ ខែកក្កដា ឆ្នាំ​២០១៣ ធ្វើឡើង​ប្រកប ដោយ​ឆន្ទៈ សេរីយុត្តិធម៌ ត្រឹមត្រូវ តម្លាភាព គ្មាន​អំពើហិង្សា កើតឡើង​នោះទេពិតជា​បញ្ជាក់ថា លទ្ធិប្រជាធិបតេយ្យនៅ​ប្រទេស​កម្ពុជា ត្រូវបាន​ពង្រឹង​។​

ការអះអាង​បែបនេះ​របស់លោក Jose Deveneciaបាន​ត្រូវធ្វើឡើងនៅ​ព្រឹក​ថ្ងៃទី​២៩​ខែ កក្កដា ឆ្នាំ​២០១៣ នៅ​សណ្ឋាគារ​ភ្នំពេញក្នុង​សន្និសីទ​សារព័ត៌មាន​មួយ ដែល​រៀបចំឡើង​រួមគ្នារវាង​គណៈប្រតិភូ​អ្នកសង្កេតការណ៍​អន្តរជាតិ (ICAPP) សន្និសីទ​អន្តរជាតិ​នៃ​គណ បក្សនយោបាយ​នៅ​អាស៊ីមកពី​ចលនា​អ្នកប្រជាធិបតេយ្យ​និយម​កណ្ដាល​អាស៊ី​-​ប៉ាស៊ីហ្វិក (CAPDI) និង​មកពី​កូរ៉េខាងត្បូង អា​ហ្សែ​របៃ​ហ្ស​ង់ និង​ហុង​គ្រី (​ដែល​បាន​ចូលរួម​សង្កេតការណ៍​បោះឆ្នោត​នៅ​កម្ពុជាក្នុង​ថ្ងៃទី​២៨​ខែកក្កដា​ឆ្នាំ​២០១៣) ។​

​ នៅក្នុង​សន្និសីទកាសែត​នេះ មានការ​ចូលរួម​ពី​លោកស្រី ស៊ីន ជុំ​បូរអនុប្រធាន​គណៈកម្មាធិកា​រ​ជាតិ​រៀបចំ​ការបោះឆ្នោត (​គ​.​ជ​.​ប​.)​ផងដែរ​។ ​លោក  Jose Deveneciaបាន​ឲ្យ​ដឹងថា “​ការបោះឆ្នោត​នៅ​កម្ពុជា ទទួលបាន​ដោយ​ជោគជ័យស្រប តាម​គោលការណ៍​លទ្ធិប្រជាធិបតេយ្យ ដែល​ពលរដ្ឋ​ខ្មែរ​បញ្ចេញ​ឆន្ទៈសិទ្ធិសេរីភាព​របស់ខ្លួន​”​។

លោក Jose Deveneciaបាន​បញ្ជាក់ថា “​អនាគត​ប្រទេស​កម្ពុជានឹងមាន​ភាពរុងរឿង​ប្រកបដោយ​ភាព​សុខដុម​រម្យ៍នា ដែល CAPDI និង ICAPP គាំទ្រ​ដំណើរការ​បោះឆ្នោត នៅ​ប្រទេស​កម្ពុជា ទទួលបាន​ជោគជ័យ​”​។​

ក្នុងនោះដែរ អ្នកអង្កេតការណ៍មកពីអាស៊ាន ដូចជាប្រទេសភូមា បានថ្លែងថា ចំពោះ ដំណើរការបោះឆ្នោតដ៏ល្អ នៅកម្ពុជានេះ នឹងអាចយកទៅអនុវត្តសំរាប់ការ រៀបចំការបោះឆ្នោតនៅក្នុងប្រទេសរបស់ខ្លួន៕

ដោយ៖ នាយដន

Copyright © 2010-2021 · អរិយធម៌ · All Rights Reserved.
Develop by Sek Sathya