ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» ព័ត៌មានជាតិ » ផ្សារ​ដើម​គ​ចង្អៀត​ព្រោះ​មេ​ផ្សារ​ឲ្យ​គេ​ដាក់លក់​រួច​យកលុយ​ប្រចាំឆ្នាំ​

ផ្សារ​ដើម​គ​ចង្អៀត​ព្រោះ​មេ​ផ្សារ​ឲ្យ​គេ​ដាក់លក់​រួច​យកលុយ​ប្រចាំឆ្នាំ​

​ភ្នំពេញ៖ កន្លែង​លក់​សាច់ជ្រូក សាច់គោ ត្រី នៅក្នុង​ផ្សារ​ដើម​គ ដែល​រក​ផ្លូវ​ដើរ​ចូលទៅ​ទិញ​មិនបាន​នោះ ព្រោះប្រធាន​ផ្សារ​ឲ្យ​គេ​ដាក់លក់​នៅតាម​ផ្លូវ​ជា​ប្លង់​តូចៗ​យកលុយ​ប្រចាំឆ្នាំ​។​ប្រភព​បាន​ឲ្យ​ដឹងថា ចាប់តាំងពី​លោក​កែ​ត ស៊ី​វិ​នី បាន​ធ្វើជា​ប្រធាន​ផ្សារ​ដើម​គ​ភ្លាម គឺ​គាត់​ឲ្យ​អ្នកលក់​សាច់ជ្រូក សាច់គោ​ថ្មី​ចំនួន​១២​នាក់ ទៅ​លក់​ប្រជ្រៀត​គ្នា​ជាមួយ​អ្នកមាន​គ្រែ​​រួចហើយ រក​ផ្លូវ​ចូលទៅ​ទិញ​មិនកើត​ទេ​។ ប្រភព​បន្តថា អ្នកលក់​ដាក់​ក្តា​ក្រាល​លើផ្លូវ​ចេញចូល​ទាំង​១២​នាក់​នោះ គឺ​ត្រូវ​បង់លុយ​ជូន​លោក​ប្រធាន​ផ្សារ​ក្នុង ម្នាក់​៥៥០​ដុល្លារ​ក្នុង​១​ឆ្នាំ គឺ​លុយ​ទាំងនោះ​ប្រមូល​នៅ​ខែធ្នូ​ជា​រៀងរាល់ឆ្នាំ​។ ដូច្នេះ​លុយ​ទាំង​១២​នាក់​នោះ ក្នុង មួយឆ្នាំ លោក​ប្រធាន​យក​ច្រក​ហោប៉ៅ​ឯកជន​បាន​៦៦០០​ដុល្លារ ដោយ​គ្មាន​ចែក​រំលែក​ទៅ​ឲ្យ​នរណា​ទេ​។

ប្រភព​បន្តថា លុយ​ទាំងនេះ​គឺ​សន្តិសុខ​ជំនិត​ម្នាក់​ឈ្មោះ​គឹម សាន្ត ដើរ​ប្រមូល​។ ប៉ុន្តែ​ឆ្នាំ​២០១៣​នេះ​លោក ប្រធាន​ផ្សារ​ឲ្យ​មនុស្ស​ជំនិត​របស់គាត់​ទៅ​ប្រមូល​លុយ​ទាំង​១២​គ្រែ​នោះ តាំងពី​អំឡុង​ខែឧសភា​មកម្ល៉េះ ថា​យក ទៅ​ជួយ​បក្ស​។ប្រភព​បន្ថែមថា នៅ​ខាងកើត​ផ្សារ​ក៏​លោក​ឲ្យ​គេ​ដាក់​គ្រែ​៤​ទៀត គឺ​យក​ក្នុង​១​ឆ្នាំ​១០០០​ដុល្លារ​។ លុយ​ទាំងនេះ សន្តិសុខ​ឈ្មោះ​ឈឹម ណា​ង ជា​អ្នកដើរ​ប្រមូល​។ ដូច្នេះ​លុយ​បន្ថែម​តូប​ទំ​ង​២​កន្លែង​នេះ លោក​ប្រធាន​ផ្សារ ប្រមូលបាន​លុយ​ជាង​១​ម៉ឺន​ដុល្លារ យ៉ាង​ស្ងាត់ស្ងៀម​បំផុត ហើយក៏​ជា​លុយ​គ្មាន​បញ្ជី គ្មាន​វិកយបត្រ​ដែរ​។ ទោះបី ជា​គាត់​ប្រមូល​វេច​ខ្ចប់​បាន​យ៉ាងច្រើន​បែបនេះ​ក្តី​ក៏​មិនទាន់​អស់ចិត្ត ឆ្លៀត​ទៅ​កាត់លុយ​សន្តិសុខ​ក្នុង​១​ថ្ងៃ ៥០០០​រៀល​បន្ថែមទៀត ដើម្បី​យកទៅ​ឲ្យ​ប្រពន្ធ​ទិញ​ម្ហូប​ញុំ​។

ក្រុម​សន្តិសុខ​បាន​រអ៊ូរទាំ​ថា «​ពួកគេ​ខំ​ដើរ​ទាត់​កញ្ច្រែង​ល្អី ខំ​ចាប់ពី​អ្នកលក់​ល្មើស​ផ្សេងៗ បាន​លុយ​ក្នុង​១​ថ្ងៃ ប្រហែល​ជាង​១​ម៉ឺន​រៀល រួច​ត្រូវ​ប្រធាន​កាត់​យក​៥០០០​រៀល​ទៀត ពិតជា​ពិបាក​រស់​ណាស់​។ នេះ​គេ​មិន​គិតពី ការយក​លុយ​តាម​ស្តង់​លក់​អំពៅ​នៅក្រោយ​ចេនឡា​ក្នុង​១​ឆ្នាំ​ជាង​៥០០០​ដុល្លារ​ផង​ទេ​។ នៅមាន​លុយ​ដោះដូរ​ពី បេនឡាន​ដីក្រហម ទៅជា​កន្លែង​លក់​បន្លែ ត្រី សាច់​ផង​ទៀតហើយ​នៅមាន​ចំណូល​គ្រប់​ច្រកល្ហក​ច្រើន​ណាស់ ដូចជា​លុយ​យាម លុយ​ឆ័​ត្រ លុយ​តាម​ស្តង់​ប្រចាំថ្ងៃ លុយ​ភាស៊ី អនាម័យ លុយ​ទឹក លុយ​ភ្លើង​។ ដូច្នេះ​លោក កែ​ត ស៊ី​វិ​នី ស្រួល​កើប​លុយ​ធ្វើជា​អ្នកមាន​ណាស់​។ អ៊ីចឹង​តើ​បានជា​នរណាៗ​ក៏​គេ​ចង់​ធ្វើជា​ប្រធាន​ផ្សារ​ដើម​គ​ដែរ ព្រោះ​បើកភ្នែក​ឡើង​លុយ​ហូរ​ចូល​ភ្លែត​។ ​

ជុំវិញ​ការលើកឡើង​នេះ ការិយាល័យ​កាសែត​អរិយធម៌​មិនអាច​សុំ​ការពន្យល់​ពី​លោក​ប្រធាន​ផ្សារ​បានទេ នៅ ថ្ងៃទី​២៨ ខែកក្កដា ឆ្នាំ​២០១៣៕ ដោយ​៖ តា​បណ្ឌិត​

Copyright © 2010-2021 · អរិយធម៌ · All Rights Reserved.
Develop by Sek Sathya