ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||     ល្បី ! ឈ្មួញឈ្មោះ ចែស្រី សម្រុកដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ​  ||     ភ្ញាក់ផ្អើល!  ឃុបឃិតគ្នា លួចកាយដីភ្នំលក់ ត្រូវក្រសួងរ៉ែនិងថាមពលចាប់ពិន័យ  ​  ||     មេៗគយនៅក្នុងខេត្តឧត្តរមានជ័យ ប្រព្រឹត្តអំពើពុករលួយយ៉ាងសុខស្រួល?​  ||   

» Breaking News, បរិយាយថ្ងៃនេះ » ​ឧកញ៉ា​ក៏​ជា​ខ្មូតស៊ី​ឈើ​ប្រណីត​ដែរ​

​ឧកញ៉ា​ក៏​ជា​ខ្មូតស៊ី​ឈើ​ប្រណីត​ដែរ​

​គេ​ខ្សឹប​ថា​«​ឧកញ៉ា ហេង តុលា ក៏​ជា​ខ្មូតស៊ី​ឈើ​ប្រណីត​យ៉ាង​សាហាវ​នៅ​ច្រករបៀង​ព្រំដែន​កម្ពុជា​-​ថៃ នៅ​ចំណុច​ស្រុក​សំពៅ​លូន ស្រុក​ភ្នំព្រឹក នៅក្នុង​ឃ្លាំង​ដែល​ជួល​ពី​លោក​ផ្កាយ​១ ពេជ្រ វណ្ណា នៅ​ចំ​កណ្តាល​ក្រុង​បាត់ដំបង និង​ស្តុក​ទុក​ក្នុង​ឃ្លាំង​ចំនួន​២​ទៀត នៅ​ស្រុក​មោងឫស្សី ដែលជា​ឃ្លាំង​របស់​ឈ្មួញ​ឈើ​ឈ្មោះ ម៉ាង​»​។

​គេ​និយាយថា នៅពេល​យប់​គឺ​ក្បួន​ឡាន​ឈើ​របស់​ឧកញ៉ា ហេង តុលា មិន​ក្រោម​ពី​២០​គ្រឿង​ទេ ចេញពី​ព្រំដែន​យក​ឈើ​មក​ស្តុក​ក្នុង​ឃ្លាំង​ក្រុង​បាត់ដំបង និង​នៅ​ស្រុក​មោង​ឫស្សី ដោយ​ប៉ូលិស​សេដ្ឋកិច្ច ប៉េអឹម តាម​ដងផ្លូវ​មិន​ចាប់​ទេ ព្រោះ​មាន​អ្នក​រត់ការ​បង់លុយ​តាម​គោលដៅ​នីមួយៗ​អស់ហើយ ។ គេ​បន្តថា  ឈើ​ប្រណីត​គ្រញូង​ទាំង​នោះបាន​ដឹក​ចេញ​ពី​ស្រុក​មោងឫស្សី ធ្វើដំណើរ​លើផ្លូវ​ជាតិ​លេខ​៥​ដើម្បី​យកទៅលក់​ឲ្យ​ឈ្មួញ​វៀត​ណាម​ ដែល​កំពុង​រង់ចាំ​ទិញ​ជាស្រេច​នៅ​ព្រំដែន ។ ការរកស៊ី​ឈើ​ខុសច្បាប់​របស់​ឧកញ៉ា​តុលា និង​ឈ្មោះ ម៉ាង ល្បី​ខ្ទរខ្ទា​និង​សុសសាយ​យូរណាស់​មកហើយ ប៉ុន្តែ​សមត្ថកិច្ច និង​អភិបាលក្រុង​បាត់ដំបង ហាក់បីដូចជា​ធ្វើ​មិនដឹង​មិនឃើញ​និង​មិនឮ​ទៅវិញ។

​គេ​និយាយថា ឈ្មួញ​ឈើ​តូចតាច​នៅ​ស្រុក​ភ្នំព្រឹក ស្រុក​សំពៅ​លូន និង​ស្រុក​ម៉ាឡៃ ឲ្យ​តែ​ហ៊ាន​រកស៊ី​ប្រាកដជា​ត្រូវ​ចាប់​មិន​ខាន​ទេ ។ ប៉ុន្តែ​បើ​មេ​ខ្មូត​ឈើ​តុលា និង​ម៉ាង វិញ​រកស៊ី​ម៉ា​សប្បាយ​ថែមទាំង​មាន​មន្ត្រី​ប៉េអឹម​ម្នាក់​ចាំ​កាង​ទៀតផង sic ។ ដូ​ចេះ្ន​ឈើ​ទាំងបី​ស្រុក​នោះ គឺ​លោក តុលា និង​លោក ម៉ាង ប្រមូល​ទិញ​ទាំងអស់​អ្នកដទៃ​កុំ​លូក​ឲ្យ​សោះ។

​គេ​ឆ្ងល់​ថា ឃ្លាំង​ស្តុក​ឈើ​ជួ​លពី​លោក​ផ្កាយ​១ ពេជ្រ វណ្ណា និង​ឃ្លាំង​របស់លោក ម៉ាង នៅ​មោងឫស្សី​ហេតុអ្វី​អាជ្ញាធរ និង​សមត្ថកិច្ច​មិន​ហ៊ាន​បង្ក្រាប ? ចម្លើយ​គឺ​ពួកគេ​ត្រូវរ៉ូវ​គ្នា​តាំង​ពី​ថ្នាក់ក្រោម​រហូតដល់​ថ្នាក់​ខេត្ត ទើបបាន​សុខ​យ៉ាងនេះ sic ។ ពិតណាស់​ឈ្មួញ​និង​ឧកញ៉ា​​គេ​មិន​ខ្វល់​ពីបទ​បញ្ជា​លេខ​០១​របស់​រាជរដ្ឋាភិបាល ក្នុងការ​បង្ការ​បង្ក្រាប​ទប់ស្កាត់​ការដឹកជញ្ជូន​ឈើ​នោះទេ ។ ប៉ុន្តែ​បើ​សម្រាប់​អាជ្ញាធរ និង​សមត្ថកិច្ច​មិនត្រូវ​មិន​គោរព និង​អនុវត្ត​នោះទេ៕ ដោយ​៖ តា​បណ្ឌិត


Copyright © 2010-2021 · អរិយធម៌ · All Rights Reserved.
Develop by Sek Sathya