ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » អាមេរិក​​បញ្ជូន​​អ្នក​សង្កេត​ការណ៍​​ ៥៦​ នាក់​ ជប៉ុន​ ៤ នាក់ ឃ្លាំមើល​ដំណើរការ​បោះឆ្នោត​

អាមេរិក​​បញ្ជូន​​អ្នក​សង្កេត​ការណ៍​​ ៥៦​ នាក់​ ជប៉ុន​ ៤ នាក់ ឃ្លាំមើល​ដំណើរការ​បោះឆ្នោត​

ភ្នំពេញ៖ សេចក្តីប្រកាស​ព័ត៌មាន​​ របស់​គណៈកម្មាធិកា​រ​ជាតិ​រៀបចំ​ការបោះឆ្នោត(​គ​.​ជ​.​ប​) កាលពី​ថ្ងៃទី​២៧ ខែកក្កដា ឆ្នាំ​២០១៣ បាន​បង្ហាញថា ស្ថានទូត​សហរដ្ឋ អាមេរិក​ប្រចាំ​នៅ​កម្ពុជា បាន​បញ្ជូន​អ្នកសង្កេត​ការណ៍​​របស់​ខ្លួន​ ចំនួន ៥៦ នាក់ មក​ចូលរួម​មើលដំណើរការបោះ​ឆ្នោត និងរាប់​សន្លឹក​ឆ្នោត នៅក្នុង​ការ​បោះ​ឆ្នោត​ជ្រើសតាំង​តំណាងរាស្ត្រ​នីតិកាល​ទី​៥ ដែល​បាន​ប្រព្រឹត្ត ឡើង​នៅ​ថ្ងៃទី​២៨ ខែកក្កដា ឆ្នាំ​២០១៣​នេះ​។​

ជាមួយគ្នានេះដែរ​ ទីភ្នាក់ងារ​សហប្រតិបត្តិ​ការអន្តរជាតិ​នៃ​ប្រទេស​ជប៉ុន (JICA) ក៏បាន​បញ្ជូន​អ្នកសង្កេត​ការណ៍​ចំនួន ​៤​នាក់ មក​ចូលរួម​ឃ្លាំ មើល​ដំណើរការ​បោះ ឆ្នោត​ជ្រើសតាំង​អ្នកតំណាងរាស្ត្រ​នីតិកាល​ទី​៥ នៅក្នុង​ប្រទេស​កម្ពុជា ផងដែរ​។

​បេសកម្ម​ជំនាញការ​បោះឆ្នោត​របស់​ សហគមន៍​អឺរ៉ុប​ ក៏បាន​បញ្ជូន​អ្នកសង្កេត ការណ៍ ចំនួន ​៣​នាក់ មក​ឃ្លាំមើល​ដំណើរការ បោះឆ្នោត​នេះដែរ​។ អង្គការ NDI របស់​សហរដ្ឋអាមេរិក បញ្ជូន​អ្នកសង្កេតការណ៍​១៥​នាក់ ជាពិសេស​ជាងនេះទៀត CAPDI បញ្ជូន​អ្នកសង្កេតការណ៍ ចំនួន​១៧​នាក់ និង ICAPP បញ្ជូន​អ្នក​សង្កេត​ការណ៍​ចំនួន​២០​នាក់ ហើយ​ប្រទេស​កូរ៉េ បញ្ជូន​អ្នក សង្កេតការណ៍​ចំនួន​១១​នាក់​។

ជាសរុប គជប បានប្រកាសថា មាន​អ្នកសង្កេតការណ៍​ជាតិ អន្តរជាតិ អ្នកសង្កេត ការណ៍​អាស៊ាន និង​ភ្ញៀវ​ពិសេស​អន្តរជាតិ សរុប​ចំនួន ៤០.៤៥៦ នាក់ ដើម្បី​ចូល រួម​សង្កេតមើល​ដំណើរការ​បោះឆ្នោត​។

ក្នុងចំណោម​អ្នក​សង្កេតការណ៍​បោះឆ្នោត​ទាំងនេះ មាន​អ្នក​សងេ្កត​ការណ៍​ជាតិ មកពី​អង្គការ​សមាគម ចំនួន ៣៣ សរុប​ចំនួន ២៥.៤៣១ នាក់​។ អ្នកសង្កេតការណ៍​ជាតិ មកពី​គណបក្ស​សមរង្ស៊ី និង​គណបក្ស​សិទ្​ធិមនុស្សសរុប​ចំនួន ១៤.៧១១ នាក់​។ អ្នកសង្កេតការណ៍​អន្តរជាតិ មក​ពី​អង្គការ និង​ស្ថានទូត ចំនួន ២៩ សរុប​ចំនួន ២៤៣ នាក់​។ អ្នកសង្កេតការណ៍​អាស៊ាន មកពី ៨ ប្រទេស សរុប​ចំនួន ២៣ នាក់ និង​ភ្ញៀវ​ពិសេស​អន្តរជាតិ សរុប​ចំនួន ៤៨ នាក់​។

​សេចក្តីប្រកាស​ក៏បាន​បង្ហាញថា គ​.​ជ​.​ប បានចេញ​ប័ណ្ណសំគាល់ខ្លួន​ដល់ អ្នក​សារព័ត៌មាន​ជាតិ និងអន្តរជាតិ​សរុប​ចំនួន ១.០៩៨ នាក់ មកពី​១២២​ អង្គភាព ក្នុងនោះ​អ្នក សារព័ត៌មាន​ជាតិ​ចំនួន​៨៥០​នាក់ មកពី​៦៩​អង្គភាព និង អ្នកសារព័ត៌មាន​អន្តរជាតិ​ចំនួន ២៤៨​នាក់ មកពី​៥៣​អង្គភាព​ដើម្បី​ចូលរួម​យក​ព័ត៌មាន​ អំពី​ដំណើរការ​បោះឆ្នោត​ ជ្រើសតាំង តំណាងរាស្ត្រ​នីតិកាល​ទី​៥ សម្រាប់​ឆ្នាំ​២០១៣៕

 

Copyright © 2010-2021 · អរិយធម៌ · All Rights Reserved.
Develop by Sek Sathya