ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » លោក កឹម សុខា រំពឹងទទួលបាន ១២អាសនៈ នៅខេត្តកំពង់ចាម ខណៈសម្តេច ហេង សំរិន រំពឹងបាន ១១អាសនៈ

លោក កឹម សុខា រំពឹងទទួលបាន ១២អាសនៈ នៅខេត្តកំពង់ចាម ខណៈសម្តេច ហេង សំរិន រំពឹងបាន ១១អាសនៈ

កំពង់ចាម៖  លោក កឹម សុខា អនុប្រធានគណបក្ស ប្រឆាំងសង្រ្គោះជាតិបានថ្លែង នូវការរំពឹងទុករបស់ខ្លួនថា នឹងទទួលបានអាសនៈរហូតដល់១២ ក្នុង ចំណោម អាសនៈចំនួន១៨ ខណៈដែល សម្តេចហេង សំរិន បានថ្លែងរំពឹងផងដែរថា ទទួល បាន១១ អាសនៈ ដែលជា អាសនៈគណបក្សប្រជាជនទទួលបានកាលពី អាណត្តិទី៤។
លោក កឹម សុខា បានថ្លែងនៅចំពោះមុខក្រុមអ្នកកាសែតនៅពេលលោក អញ្ជើញចូលរួមបោះឆ្នោតនាព្រឹកថ្ងៃទី ២៨ ខែកក្កដា ឆ្នាំ០១៣នេះ នៅ សាលា ទក្សិណ ក្នុងទីរួមខេត្តកំពង់ចាម នៅក្នុង អាណត្តិទី៥នេះ លោក សង្ឃឹមទទួល បានអាសនៈចំនួន ១២ យោងទៅ តាមការស្ទាបស្ទង់ការគាំទ្រ ក្នុងពេល យុទ្ធនា ការឃោសនា រកសំឡេងឆ្នោតរយៈពេលមួយខែកន្លងទៅនេះ។
នៅព្រឹកថ្ងៃនេះ សម្តេចពញាចក្រី ហេង សំរិន ក៏បានថ្លែងការជឿជាក់ផងដែរ អាសនៈចំនួន ១៨ ក្នុងខេត្តកំពង់ចាម គណបក្សប្រជាជនកម្ពុជា នឹង ទទួលបាន ការគាំទ្រចំនួន១១អាសនៈ ស្មើនិងអាសនៈអាណត្តិទី៤កន្លងទៅ។
កាលពីអាណត្តិទី៤ ក្នុងខេត្តកំពង់ចាម គណបក្សប្រជាជនកម្ពុជា ទទួល បាន១១អាសនៈ គណបក្សសមរង្ស៊ី ទទួលបាន ៥អាសនៈ គណបក្សសិទ្ធិមនុស្ស ១អាសនៈ និងគណបក្ស ហ៊្វុនស៊ិនប៉ិច ១ និងគណបក្សនរោត្តម រណឬទ្ធិ ១អាសនៈ។
ពាក់ព័ន្ធទឹកខ្មៅជ្រលក់ដៃ ដែលអង្គការខុមហ្វ្រែលរកឃើញថា អាចលាង ជម្រះ បានភ្លាមៗនោះ លោក កឹម សុខា ក៏បានថ្លែងឲ្យដឹងផងដែរថា ក្រោយពេល បោះ ឆ្នោតរួចហើយ លោកនឹងទៅលាងជម្រះទឹកថ្នាំពីចង្អុលដៃរបស់គាត់ហើយ ប្រសិនបើទឹកថ្នាំអាចលាងជម្រះក្នុងរយៈពេលខ្លីមែននោះ ដូច្នេះការបោះឆ្នោតនេះ
នឹងមិនយុត្តិធម៌នោះឡើយ។
ពាក់ព័ន្ធទៅនឹងបញ្ហាទឹកខ្មៅនេះ លោក ខៀវ កាញារីទ្ធ មន្រ្តីជាន់ ខ្ពស់ គណបក្ស ប្រជាជនកម្ពុជា បន្ទាប់ពីបោះឆ្នោត រួចរាល់ហើយនោះ បានសរសេរនៅ ក្នុងហ្វេស ប៊ុករបស់ខ្លួនថា រូបលោកកំពុងរង់ចាំគេមកប្រាប់ពីរបៀបជូតឲ្យជ្រះ ទឹកខ្មៅ ជ្រលក់ដៃ ដែលខុមហ្វ្រែលបង្ហាញ។
ព្រះសង្ឃមួយអង្គគង់នៅវត្តក្រចេះក៏បានសរសេរនៅក្នុងហ្វេសប៊ុករបស់ព្រះតេជគុណផងដែរថា
«អ្នកសង្ស័យចេះតែសង្ស័យគ្មានហេតុផលសោះ ថា ៣០នាទីលុបជ្រះ នេះជាង ២ម៉ោងហើយចង់ដឹងមើល យកក្រូចឆ្មាផង សាប៊ូផង ដុះលាងចង់សឹកម្រាមដៃ នៅតែមិនជ្រះទៀត។
បើតាមលោក អឹម សួស្តី ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងក្នុងសន្និសីទព័ត៌មាន កាលពីថ្ងៃទី២៧ ខែកក្កដាថា នីតិវិធី នៃការផ្ទៀងផ្ទាត់ និងសម្គាល់អ្នកបោះឆ្នោតមិនមែនមានតែទឹកថ្នាំមួយមុខ នោះទេ នៅមានការពិនិត្យឈ្មោះផ្សេងៗជាច្រើនទៀត។
លោក ទេព នីថា អគ្គលេខាធិការ គ.ជ.ប បានបញ្ជាក់ថា ចាប់តាំងពីឆ្នាំ ១៩៩៨ រហូតដល់ឆ្នាំ២០០៨ ដែលការបោះឆ្នោតរៀបចំដោយកម្ពុជាខ្លួនឯង លោកមិន ដែលទទួលបានពាក្យបណ្តឹងថា មនុស្សម្នាក់បោះឆ្នោត បាន២ដងនោះទេ៕

 

Copyright © 2010-2021 · អរិយធម៌ · All Rights Reserved.
Develop by Sek Sathya