ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » យុវតី​ម្នាក់​គ្រាន់​តែឆ្លើយ​តបថា «មិនដូរ» ត្រូវ​សមាជិក​គណបក្ស​សង្គ្រោះជាតិ វាយ​បាក់ឆ្អឹងស្មា

យុវតី​ម្នាក់​គ្រាន់​តែឆ្លើយ​តបថា «មិនដូរ» ត្រូវ​សមាជិក​គណបក្ស​សង្គ្រោះជាតិ វាយ​បាក់ឆ្អឹងស្មា

ភ្នំពេញ៖ យុវតីម្នាក់ បានរងរបួសធ្ងន់ ដោយ បាក់ឆ្អឹ​ង​ស្មា ពីក្រោយ ដោយសារតែ សមាជិក គណបក្ស សង្គ្រោះជាតិ វាយនឹងក្តារបន្ទះ ព្រោះគ្រាន់​តែឆ្លើយពាក្យថា «មិនដូរ» នៅពេលដែល សមាជិក គណ បក្សសង្រ្គោះជាតិបាន​ស្រែកសួរថា «ដូរ ឬមិនដូរ»?ខណៈដែលរូបនាង និងមិត្តភក្តិ កំពុងជិះម៉ូតូ នៅពីក្រោយ​ក្បួន​ដង្ហែ គណបក្ស ប្រឆាំងផ្កាប់មុខមួយនេះ។

ហេតុការណ៍សមាជិក គណបក្សប្រឆាំង វាយយុវតីបណ្តាល ឲ្យរងរបួសធ្ងន់ខាងលើនេះ បានកើតឡើង កាល ពីព្រឹកថ្ងៃទី២៣ ខែកក្កដា ឆ្នាំ២០១៣ នៅក្បែរសួនច្បារផ្សារពោធិ៍ចិនតុង តាមបណ្តោយ ផ្លូវសហ ព័ន្ធរុស្ស៊ី។ ដោយមើលឃើញ នូវការវាយ​ដំស្រ្តី​ទន់​ខ្សោយ ពីសំណាក់ ក្រុមសមាជិក គណបក្សសង្គ្រោះ ជាតិ ខាងលើនេះ លោកស្រី ជុំ សាមីន កែប ជុតិមា ប្រធាន សមាគមនារីកម្ពុជា ដើម្បីសន្តិភាព និង អភិវឌ្ឍន៍ រាជធានី​ភ្នំពេញ និងត្រូវជាភរិយា លោក កែប ជុតិមា ប្រធានគណៈកម្មាធិការ គណបក្សប្រជាជន​កម្ពុជារាជធានីភ្នំពេញ នៅល្ងាចថ្ងៃទី២៥ ខែកក្កដា ឆ្នាំ២០១៣ និងក្រុមការងារ បានចុះ​ទៅសួរសុខទុក្ខដល់ គេហដ្ឋាន ព្រមទាំងធានា ក្នុងការព្យាបាលជំងឺ និងការឧបត្ថម្ភ ផងដែរ។ ទង្វើនេះ គួរត្រូវបាន មហាជន ពិចារណាឲ្យ បានដិត​ដល់ចំពោះ សមាជិក សមាជិកា និងក្រុមយុវជន គណបក្ស សង្គ្រោះជាតិ ជំនាន់ ក្រោយ ។ តើយើងអាចទុកចិត្តយុវជនរបៀបហ្នឹងជាទំពាំងស្នងឫស្សីបានអត់?

នៅចំពោះមុខ លោកស្រី ជុំ សាមីន កែប ជុតិមា និងក្រុមការងារ ខាងលើនេះ យុវតី ឃុត  អមរា កញ្ញា អាយុ១៥ ឆ្នាំរស់នៅភូមិទ្រា សង្កាត់ស្ទឹងមានជ័យ ខណ្ឌមានជ័យ រៀនថ្នាក់ទី៩ វិទ្យាល័យ ឥន្រ្ទទេវី  បាន រៀបរាប់ថា នៅវេលាម៉ោង ប្រមាណ១១ ព្រឹក ថ្ងៃទី២៣ ខែកក្កដា ខ្លួន និងមិត្តភក្តិបាន ធ្វើដំណើរតាម ផ្លូវសហពន្ធ័រុស្សី ពីក្រោយក្បួនរបស់គណ​បក្ស​សង្រ្គោះជាតិ ។

យុវតី ឃុត អមរា កញ្ញា បានបន្តដោយក្តីឈឺចាប់ថា ខណៈការធ្វើដំណើរមក ជិតផ្សារ​ពោធិ៍ចិន​តុង  ដែល មានការ កកស្ទះចរាចរណ៍ផងនោះ  មានបុរសម្នាក់ នៅលើក្បាល មានចងកន្សែង អក្សរសង្រ្គោះជាតិ ហើយនៅដៃមានកាន់ដុំថ្ម បានមកសួរនាងខ្ញុំថា ដូរឬមិនដូរ? ពេលនោះ​នាងខ្ញុំឆ្លើយថា «មិនដូរ» ។ គ្រាន់ តែឮនូវការ ឆ្លើយពាក្យបែបនេះ បុរសនោះបាន ទម្លាក់ដុំថ្ម ចោលរួចក៏ទៅរើស បន្ទះក្តារ នៅជិតនោះ មកវាយខ្ញុំពីក្រោយមួយទំហឹង បណ្តាលឲ្យរងរបួសចំស្មា។ មិត្តភក្តិខ្ញុំ ភ័យក៏បានជិះម៉ូតូ ដឹកខ្ញុំត្រឡប់ ក្រោយ ខ្លាច​គេ​តាមវាយ ថែមទៀត  ។

នាងបន្តថា «ខ្ញុំមិនមានពាក់អាវ ឬមួកគណបក្សប្រជាជនកម្ពុជាទេ តែមានបិទលេខ៤ នៅលើម៉ូតូ។ បុរសដែលបានវាយខ្ញុំ មើលទៅដូចជាមនុស្សមិន ប្រក្រតី »។ បន្ទាប់ពីបាន​ស្តាប់​ការរាប់រៀប នូវអំពើ ដ៏ថោកទាប របស់សមាជិក គណបក្ស ប្រឆាំងរួចមក លោកស្រី ជុំ សាមីន និងក្រុមការងារ បានសម្តែងនូវ ការអាណិតអាសូរ យ៉ាងពន់ពេក ដល់យុវតីរងគ្រោះ ដែលមិនបានដឹងអ្វី ហើយត្រូវគេវាយយ៉ាងដំណំ បែបនេះ ។

លោកស្រី ជុំ សាមីន បានជម្រុញឲ្យ អាណាព្យាបាល យកក្មេងរងគ្រោះ ទៅព្យាបាល នៅមន្ទីរពេទ្យ ឲ្យបានដិតដល់ ហើយលោកស្រី អះអាងថា ជាអ្នកជួយឧបត្ថម្ភ ការ​ព្យាបាល​ទាំងអស់ ។  នៅក្នុងឱកាស សួរ សុខទុក្ខនេះដែរ លោកស្រី ជុំ សាមីន បានផ្តល់ថវិកា ផ្ទាល់​ខ្លួន រួមជាមួយ លោក កែប ជុតិមា មួយ លានរៀល និងថវិកា សមាគម ពីររយដុល្លារផងដែរ ជូនដល់យុវតីរងគ្រោះ៕

ដោយ៖ ឈឹម មករា

 

 

Copyright © 2010-2021 · អរិយធម៌ · All Rights Reserved.
Develop by Sek Sathya