ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » សែន​​ក្រុង​ពាលី​​និង​​ជ័យ​​ជូន​​គណបក្ស​​ប្រ​ជា​ជន​​កម្ពុជា​ឲ្យ​​ឈ្នះភ្លូក​ទឹក​ភ្លូក​ដី​

សែន​​ក្រុង​ពាលី​​និង​​ជ័យ​​ជូន​​គណបក្ស​​ប្រ​ជា​ជន​​កម្ពុជា​ឲ្យ​​ឈ្នះភ្លូក​ទឹក​ភ្លូក​ដី​

បន្ទាយ​មាន​ជ័យ៖ ថ្នាក់ដឹកនាំ​និងមន្រ្តីក្រុម​ការ​ងារ​ថ្នាក់កណ្ដាល​,​ ថ្នាក់​ខេត្ត ថ្នាក់​ក្រុង​និង​មូល​ដ្ឋាន​ ព្រម​​ទាំង​បេក្ខជន​អ្នក​តំណាង​រាស្រ្ត​មណ្ឌល​បន្ទាយ​មាន​ជ័យ បាន​ជួប​ជុំ​គ្នា​នៅ​ស្នាក់​ការ​គណបក្ស​​សង្កាត់​អូរ​អំបិល​​ក្រុង​សិរីសោភ័ណ រៀប​ចំសែន​ក្រុង​ពាលី និង​សូត្រ​ជ័យ​ន្តោ​ដើម្បីជូន​អោយ​គណបក្ស​ប្រ​ជា​ជន​កម្ពុជា​ ឈ្នះ​ភ្លូក​ទឹក​ភ្លូក​ដី​ការ​បោះឆ្នោត​ជ្រើស​រើស​អ្នក​តំណាង​រាស្រ្ត​ថ្ងៃទី​២៨ កក្កដា ២០១៣ ខាង​មុខ ។

ពិធី​ខាង​កិច្ច​សាសនា​និង​ជំនឿ​នោះ ​ដឹកនាំ​ធ្វើ​ដោយ​អាចារ្យ​ព្រាហ្មណ៍​និង​មាន​លោក​ប៉ាល់ សំអឿន បេក្ខជន​អ្នក​តំណាង​រាស្រ្ត​មណ្ឌល​បន្ទាយ​មាន​ជ័យ​, លោក​ យឺន សុផល, លោក យ៉ាន វ៉ាន់យ៉ុង ប្រធាន​និង​សមាជិក​ក្រុម​ការ​ងារ​ថ្នាក់កណ្ដាល​ចុះ​ជួយ​, លោក លី សារី ប្រធាន​ក្រុម​ការ​ងារ​ថ្នាក់ខេត្ត​គណបក្ស​ប្រ​ជា​ជន​កម្ពុជា​ និង​មន្រ្តី​ក្រុម​ការ​គ្រប់​ថ្នាក់​ចុះ​ជួយ​សង្កាត់​អូរ​អំបិល​និង​មន្រ្តី​បក្ស​មូល​ដ្ឋាន​។ ដាក់គ្រឿង​រណ្ដាប់​ដង្វាយ​ មួកនិ​ង​អាវ​មាន​រូប​សញ្ញា​គណបក្ស​ប្រ​ជាជន​ ។

ពិធី​សែន​ក្រុង​ពាលី​​បាន​អញ្ជើញ​អស់​ពួក​ទេវតា​ ទេព​និករ ឥស៊ី វត្ថុ​ស័ក្តិ​សិទ្ធ អ្នកតា រក្សាទឹកដី​ ភូមិ​ករ៍​ព្រះធរណី ព្រៃភ្នំ​ អូរ​ បឹង​ស្ទឹង​ទន្លេ​សមុទ្រ… ពិសេស​នៅ​សង្កាត់អូរ​អំបិល​, នៅ​ខេត្ត​បន្ទាយ​មាន​ជ័យ​និង​នៅ​ប្រទេសកម្ពុជា​សូត្រ​ធម៌​ជ័យន្តោ​មក​ជួយ​ប្រោះព្រំ​ បង្កក់​ប្រសិទ្ធី​និង​នាំអោយ​សមាជិក​បក្សនិង​ពលរដ្ឋ​បោះ​ឆ្នោត​ជូន​គណបក្ស​ប្រ​ជាជនកម្ពុជា​ឈ្នះ​ភ្លូកទឹក​ភ្លូក​ដី​នាថ្ងៃ​បោះ​ឆ្នោត​ថ្ងៃទី​២៨ កក្កដា ២០១៣ ខាង​មុខ ។

បន្ទាប់​ពីពិធី​បន់​ស្រន់​បួងគម្រប់​៣​ដង​និង​សូត្រ​ជ័យ​ន្តោរួច​ លោក ឈុំ-ពេជ្រ ប្រធាន​គណបក្ស​ប្រ​ជាជន​កម្ពុជា​សង្កាត់អូរ​អំបិល​លើកឡើង​ថា ដោយ​ធ្វើ​ការ​និង​វាយ​តម្លៃ​បឋម​គឺ​សង្ឃឹមថា​សម្លេង​គាំទ្រ​គណបក្សប្រជាជន​កម្ពុជា​ក្នុង​សង្កាត់​និង​កើន​ឡើង​ជាង​២០០ ទៀត​លើ​ការ​ឈ្នះ​ស្ទើរ​ដាច់​កាល​ពីលទ្ធផល​បោះ​ឆ្នោត​ជ្រើស​រើស​ឃុំ​-សង្កាត់​ឆ្នាំ​២០១២​កន្លងមក។​

លោក យឺន សុផល ប្រធាន​ក្រុម​ការ​ងារ​ថ្នាក់កណ្ដាល​ចុះ​ជួយ​សង្កាត់​អូរ​អំបិល​មាន​ប្រសាសន៍​ថា យើង​បាន​ធ្វើ​សកម្មភាព​គ្រប់​យ៉ាង​ហើយ​សម្រាប់​គណបក្ស​តែ​បាន​ធ្វើ​ពិធី​សុំម្ចាស់​ទឹក​ម្ចាស់ដី​ដោយ​សែន​ក្រុង​ពាលី​ សូត្រ​ជ័យន្តោ​នេះ ដើម្បី​អោយ​គណបក្ស​ប្រ​ជា​ជន​កម្ពុជា​ឈ្នះ​បន្ថែម​ភ្លូក​ទឹក​ភ្លូក​ដី​ ។

លោក ប៉ាល់ សំអឿន បេក្ខជន​អ្នក​តំណាង​រាស្រ្ត​មណ្ឌល​បន្ទាយ​មាន​ជ័យ​មក​ពី​គណបក្ស​ប្រ​ជាជន​កម្ពុជា​មាន​ប្រសាសន៍​ថា: ដោយ​សារ​គោល​នយោបាយ​ដោយ​ការ​ដឹកនាំ​របស់ សម្ដេច​ទាំង​បី​គឺ​សម្ដេច​ធម្មពោធិ​សាល​ ជា ស៊ីម, សម្ដេច​ចក្រី ហេង សំរិន, សម្ដេច​តេជោ​ហ៊ុន​សែន ដោយ​មន្រ្តី​និង​សមាជិក​បក្ស​ត្រឹមត្រូវ​និង​ធ្វើ​សកម្មភាព​ដើម្បីជាតិ​ប្រទេស​និង​ប្រ​ជាជន​បានល្អរហូតមក​ធ្វើ​អោយ​ការ​គាំ​ទ្រ​បក្ស​កើន​ឡើង​ជា​លំដាប់ ។

លោក ប៉ាល់ សំអឿន បន្តថា មហា​សន្និបាត​គណៈ​កម្មាធិការ​កណ្ដាល​និង​គណបក្ស​ប្រ​ជាជន​កម្ពុជា​នឹង​ឈ្នះ​បាន​៥​លើ​៦​អាសនៈ​ក្នុង​ការ​បោះ​ឆ្នោត​អណត្តិទី​៥​រើស​អ្នក​តំណាង​រាស្រ្ត​នេះ ៕

ដោយ នី នឿន

Copyright © 2010-2021 · អរិយធម៌ · All Rights Reserved.
Develop by Sek Sathya