ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » បុរស​ម្នាក់​ស្រវឹងស្រា​បើករថយន្ត​កាមរី​ឆ្លាម​​ជ្រុល​បុក​របាំង​ដែក​ចែក​ទ្រូងផ្លូវ​បាក់​អស់​ចំនួន ៧ ផ្ទាំង​

បុរស​ម្នាក់​ស្រវឹងស្រា​បើករថយន្ត​កាមរី​ឆ្លាម​​ជ្រុល​បុក​របាំង​ដែក​ចែក​ទ្រូងផ្លូវ​បាក់​អស់​ចំនួន ៧ ផ្ទាំង​

ភ្នំពេញ៖ ​របាំង​ដែក​ពុះ​ទ្រូងផ្លូវ មួយកន្លែង​ស្ថិតនៅតាម​បណ្តោយ​ផ្លូវ​សហព័ន្ធរុស្ស៊ី​ទល់​មុខ​​ក្រសួងការពារជាតិ ក្នុង សង្កាត់​ស្រះចក  ខណ្ឌដូនពេញ  ត្រូវ​រង​នៅ​ការខូចខាត​បាក់​រៀបស្មើ​ដី ខណៈដែល​បុរស​ម្នាក់​ស្រវឹងស្រា​បើក រថយន្ត​កាមរី​ឆ្លាម​មួយគ្រឿង​ដឹក​ក្រុម​គ្រួសារ​ចេញ​កម្ម​ពិធីជប់លៀង ដោយបាន​បើក​ក្នុង​ល្បឿន​លឿន​រេ​ចង្កូត​បុក កាលពី​វេលា​ម៉ោង​២១ និង ១០ នាទី​យប់​ថ្ងៃទី ២៣ ខែកក្កដា ឆ្នាំ​២០១៣។​យោងតាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​បាន​ឃើញ​បុរស​មិន​ស្គាល់​អត្ត​សញ្ញា​ម្នាក់ វ័យ​ជាង ៣០ ឆ្នាំ ស្ថិតក្នុង​ស្ថានភាព​ស្រវឹង​ស្រា​ជោគ​ខ្លួន​បាន​បើកបរ​រថយន្ត​មួយគ្រឿង ម៉ាក​កាមរី​ឆ្លាម ពណ៌​ស្ករ ពាក់​ស្លាក​លេខ ភ្នំពេញ 2O-9915 បើកបរ​ធ្វើដំណើរ​តាម​បណ្តោយ​ផ្លូវ​សហព័ន្ធរុស្ស៊ី​ក្នុងទិសដៅ​ពី​កើ​តទៅ​លិច ដោយបាន​បើកបរ​ក្នុង​ល្បឿន​យ៉ាង​លឿន រេ​ចង្កូត​រេ​ចុះ​រេ​ឡើង​ពេញ​ផ្លូវ​តែម្តង ខណៈ​បើក​បរ​​មកដល់​ចំណុច កើតហេតុ​ខាងលើ​ទំនងជា​ស្រវឹងស្រា​ជោគ​ខ្លួន​ខ្លាំងពេក បាន​បើក​លឿន​​គេច ម៉ូតូ​បណ្តាល​ឲ្យ​រេ​ចង្កូត​បុក​ចំ​របាំង​ដែក​ចែក​ទ្រូងផ្លូវ​បាក់​អស់​ចំនួន​៧​ផ្ទាំង  ហើយ​រថយន្ត​បង្ក​បាន​ត្រូវ​រង​ការខូចខាត ផ្នែក​ខាងមុខ​ស្ទើរ​ទាំងស្រុង ហើយ​ក្នុង​ហេតុ​ការណ៍​​គ្រោះថ្នាក់​នេះ​មិន​បណ្តាល​ឲ្យ​មនុ​ស្សណា​ម្នាក់​ត្រូវ​រងរបួស​ធ្ងន់ធ្ងរ​នោះទេ។

​គួរ​បញ្ជាក់ថា​បន្ទាប់ពី​កើតហេតុ​សមត្ថកិច្ច​មូល​ដ្ឋា​ន​និង នគរបាល​ចរាចរខ​ណ្ឌ​ដូនពេញ​បាន​សហការ ជាមួយ​នគរបាល​ជំនាញ​ចុះមក​វាស់វែង​អូស​យក​រថយន្ត​បង្កហេតុ​និង​អ្នក​បើកបរ​យកទៅ​កាន់​ការិយាល័យ ចរាចរណ៍​ជើងគោក​រាជធានី​ភ្នំពេញ រង់ចាំ​ដោះ​ស្រាយ​តាមផ្លូវ​ច្បាប់។ សមត្ថកិច្ច​បញ្ជាក់ថា​គ្រោះថ្នាក់​ខាងលើនេះ កើតចេញពី​ការ​ស្រវឹង​របស់​អ្នកបើកបរ ជាពិសេស​គេ​ស្រវឹងស្រា​ខ្លាំង នឹង​បាន​បើករថយន្ត​លឿន​ទៀតផង​ទើប បណ្តាល​​ឲ្យ​មាន​ហេតុការណ៍​នេះ​បំផ្លាញ​ទ្រព្យសម្បត្តិ​ផ្ទាល់ខ្លួន​និង​ទ្រព្យសម្បត្តិ​សាធារ​ណៈ​​បែបនេះ​៕  ដោយៈ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya