ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » អ្នក​​បឹង​កក់​​បង្ហាញ​​ភាព​កក់​ក្តៅ​ ​នៅ​ពេល​​អភិ​បាល​​រាជ​ធានី​​ភ្នំពេញ​ ចុះ​​ពិនិត្យ​​ស្ថាន​ភាព​​ជាក់​ស្តែង​​​

អ្នក​​បឹង​កក់​​បង្ហាញ​​ភាព​កក់​ក្តៅ​ ​នៅ​ពេល​​អភិ​បាល​​រាជ​ធានី​​ភ្នំពេញ​ ចុះ​​ពិនិត្យ​​ស្ថាន​ភាព​​ជាក់​ស្តែង​​​

ភ្នំពេញ​៖ អ្នកភូមិ​បឹងកក់​ប្រមាណ​ជាង​៦០​គ្រួសារ​ទំនងជា​អាច​ទទួលយកបាន​ប្លង់​កម្ម​សិទ្ធិ​​ដីធ្លី​អភិវឌ្ឍ​នៅនឹងកន្លែង​ហើយ​។​សញ្ញា​នៃ​ស្ថានភាព​ធូរស្រាល នេះ គឺ​បន្ទាប់ពី​អភិបាល​រាជធានី​ភ្នំពេញ​លោកប៉ា សុជាតិ​វង្ស​បាន​ចុះ​ជាក់ស្តែង​ដល់​តំបន់​បឹងកក់​ផ្ទាល់​កាល​ព្រឹក​ថ្ងៃទី​២៣ កក្កដា​នេះ​។​មន្ត្រី​អ្នកនាំពាក្យ​សាលាក្រុង​ភ្នំពេញ​អះអាងថា នឹងមាន​ដំណោះស្រាយ​នាពេល​ខាងមុខនេះ​។​អភិបាល​រាជធានី​ភ្នំពេញ លោក ប៉ា​សុជាតិ​វង្ស បាន​ដឹកនាំ​មន្ត្រី​សាលា​រាជធានី​ភ្នំពេញ​ជាច្រើន​នាក់​បាន​ចំណាយពេល​ជិត​មួយ​ព្រឹក​ចុះ​ពិនិត្យ​តំបន់​បឹងកក់​ផ្ទាល់​។​នៅក្នុង​ដំណើរ​​ចុះ​ត្រួតពិនិត្យ​នេះ លោក​អភិបាល​រាជធានី​បាន​ថ្លែងប្រាប់​ប្រជាពលរដ្ឋ​ដោយ​ផ្ទាល់​ថា​សាលា​រាជធានី​ភ្នំពេញ​ត្រូវការ​ពិភាក្សា​ជាមួយ​ក្រុមហ៊ុន​អភិវឌ្ឍន៍​បឹងកក់ និង​អាជ្ញាធរ​សុរិយោដី ដើម្បី​ដោះស្រាយ​បញ្ហា​ដែល​នៅ​សេសសល់​ក្នុង​តំបន់​បឹងកក់​នេះ​។​

លោក ឡុង ឌី​ម៉​ង់​អ្នកនាំពាក្យ​សាលា​រាជធានី​ភ្នំពេញ​បាន​ថ្លែងប្រាប់​អ្នកសារព័ត៌មាន​នៅ​តំបន់​បឹងកក់​ក្រោយ​ការចុះ​ពិនិត្យថា​ការចុះ​ត្រួតពិនិត្យ​របស់​អភិបាលក្រុង​ភ្នំពេញ​នេះ​គឺ​ជា​​ដំណាក់កាល​ឈានទៅ​មុខ​មួយ​ទៀតហើយ​ដើម្បី​ឈានទៅ​បញ្ចប់ទំនាស់​ដីធ្លី​ដ៏​រ៉ាំរ៉ៃ​នៅ​ក្នុង​តំបន់​បឹងកក់​។ លោក​ឡុង ឌី​ម៉​ង់ អះអាងថា​នៅមាន​ប្រជាពលរដ្ឋ​ប្រមាណ​ជាង​៦០​គ្រួសារ​ផ្សេងទៀត​មកពី​ភូមិ​ចំនួន​៤ គឺ​ភូមិ​២២ ភូមិ​៦ ភូមិ ២៤ និង​ភូមិ​១ ដែល​សាលា​ក្រុង​​កំពុងតែ​ពិនិត្យ​ដោះស្រាយ​។

​អ្នកនាំពាក្យ​រូបនេះ​បានបញ្ជាក់​ថា​សាលា​រាជធានី​ភ្នំពេញ​កំពុងតែ​ព្យាយាម​ដោះស្រាយ​បញ្ហា​នេះ​យ៉ាង​យកចិត្តទុកដាក់​ហើយ​ប្រជាពលរដ្ឋ​បឹងកក់​អាចនឹងទទួល​បាន​ប្លង់​កម្ម​សិទ្ធិ​​ដីធ្លី​របស់ខ្លួន​នាពេល​ឆាប់ៗ​នេះដែរ ព្រោះ​លោក​អភិបាល​រាជធានី​គឺ​ចង់​ដោះស្រាយ​បញ្ហា​នេះ​ក្នុងពេល​ឆាប់ៗ​។ តែ​ទោះជា​យ៉ាងណា លោក​មិនបាន​បញ្ជាក់​ពី​ពេលវេលា​ថា នឹង​ដោះស្រាយ​មុន​ការបោះឆ្នោត​ថ្ងៃទី​២៨​កក្កដា​ខាងមុខ​ឬ​យ៉ាងណា​នោះទេ​។​

ចំពោះ​ការចុះពិនិត្យ​តំបន់​បឹងកក់​របស់​អភិបាល​រាជធានី​នៅថ្ងៃនេះ​សកម្មជន​តវ៉ា​ដីធ្លី​ស្វិតស្វាញ​នៅ​បឹងកក់​ម្នាក់​លោក​ដួង​គា​បាន​និយាយ​ដោយ​សង្ឃឹមថា​អ្នកភូមិ​បឹងកក់​ទាំងអស់​នឹង​ទទួលបាន​ប្លង់​កម្មសិទ្ធិ​ដីធ្លី​របស់ខ្លួន​ព្រោះនេះ​ជាការ​សន្យា​របស់​អភិបាល​រាជធានី​ភ្នំពេញ​។​

​សូម​រំលឹកថា​ទំនាស់​ដីធ្លី​នៅ​តំបន់​បឹងកក់​បានក្លាយ​ជា​ជំងឺ​ដីធ្លី​យូរ​ជាងគេ​នៅ​កណ្តាល​ក្រុងភ្នំពេញ​បន្ទាប់ពី​ក្រុមហ៊ុន​អភិវឌ្ឍន៍ ស៊ូ​កា​កូ​អ៊ី​ន បានចាប់ផ្តើម​បូម​ខ្សាច់​ចាក់​បំពេញ​តំបន់​បឹងកក់​ដើម្បី​អភិវឌ្ឍ​ទីក្រុង​។​ហើយ​ប្រជាពលរដ្ឋ​រាប់រយ​គ្រួសារ​ក៏បាន​ចាប់​ផ្តើម​ចេញ​​ធ្វើបាតុកម្ម​តវ៉ា​ដែល​បណ្តាលឱ្យមាន​ការប៉ះទង្គិច​រវាង​អាជ្ញាធរ​រាជធានី​ភ្នំពេញ​និង​ប្រជាពលរដ្ឋ​ជា​ញឹកញាប់ ។ យ៉ាងណាក៏ដោយ អភិបាល​រាជធានី​ភ្នំពេញ​ទើប​ឡើង​ថ្មី ក្នុង​ថ្ងៃ​ទទួល​តំណែង​បាន​សន្យាថា​នឹង​ដោះស្រាយ​បញ្ហា​ដែល​នៅ​សេសសល់ នៅ​តំបន់​បឹង​កក់ បុរី​កីឡា​ និង​សហគមន៍​ថ្មគោល​។ ការចុះ​ត្រួតពិនិត្យ​ដល់​កន្លែង​ថ្ងៃនេះ គឺ​ទំនងជា​បញ្ជាក់​ពី​ការសន្យា​របស់លោក​។ ប៉ុន្តែ​គេ​មិនទាន់​ដឹងថា បញ្ហា​នេះ​នឹងត្រូវ​ដោះស្រាយ​នៅពេលណា​ច្បាស់លាស់​នោះទេ​៕ ដោយ​៖ វិជ្ជា

Copyright © 2010-2021 · អរិយធម៌ · All Rights Reserved.
Develop by Sek Sathya