ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » ឆ​មា​ស​​ទី​ ​១​ ​ឆ្នាំ​​២០​១៣​នេះ ​​ជម្ងឺ​គ្រុន​ចាញ់​ថយ​ចុះ​​ជាង​ ​៥០% ​

ឆ​មា​ស​​ទី​ ​១​ ​ឆ្នាំ​​២០​១៣​នេះ ​​ជម្ងឺ​គ្រុន​ចាញ់​ថយ​ចុះ​​ជាង​ ​៥០% ​

ភ្នំពេញ​៖ រយៈពេល ៦​ខែ ដើមឆ្នាំ ២០១៣ នេះ មនុស្ស​ស្លាប់​ដោយសារ​ជំងឺគ្រុនចាញ់​មាន​ចំនួន ៤​នាក់ គឺ​ថយចុះ ចំនួន ៨៦% បើ​ប្រៀបធៀប​នឹង​ឆ្នាំ​២០១២ ដែលមាន​រហូតដល់​ទៅ ២៨​នាក់។

​បើ​យោងតាម​មជ្ឈមណ្ឌល​ជាតិ​ប្រយុទ្ធ​នឹង​ជម្ងឺគ្រុនចាញ់ ប៉ារ៉ាស៊ីត​សាស្ត្រ និង​បាណក​សាស្ត្រ​នៃ​ក្រសួងសុខាភិបាល បានប្រកាសថា ក្នុង​៦​ខែ ដើមឆ្នាំ​២០១៣ នេះ​ករណី​គ្រុន​ចាញ់ ដែល​ព្យាបាល​នៅ​មន្ទីរពេទ្យ​រដ្ឋ ឬ​មណ្ឌល​សុខភាព​រដ្ឋ ឬ​ភ្នាក់ងារ​ស្ម័គ្រចិត្ត ភូមិ​មាន ចំនួន ១៨.៧០១ ករណី គឺ​ថយចុះ​ចំនួន ៥២% បើ​ប្រៀបធៀប​នឹង​រយៈពេល​ដូចគ្នា​នៃ ឆ្នាំ​២០១២ ដែលមាន​រហូតដល់​ទៅ ៣៩.១៥៨ ករណី។

​មជ្ឈមណ្ឌល​ជាតិ​មួយ​នេះ ក៏បាន​អះអាងថា ជម្ងឺគ្រុនចាញ់​លែង​ជា​មូលហេតុ ចម្បង​នៃ​ការស្លាប់​ទូទៅ​របស់​ប្រជាជន​កម្ពុជា​ទៀតហើយ ប៉ុន្តែ​ការថយចុះ​នេះ​មិនមែនជា​សារ​មួយ​ទាក់ទាញ​ឲ្យ​យើង​បន្ធូរបន្ថយ​អន្តរាគមន៍​ដែល​យើង​កំពុង​ធ្វើ​ទេ​។

​ចំណែកឯ អត្រា​គ្រុនចាញ់ ៦​ខែ​ដើម ឆ្នាំ​២០១៣ ដោយ​គិត​តាម​ចំនួន​ករណី​គ្រុនចាញ់​ព្យាបាល ដោយ​សេវា​រដ្ឋ ឬ​ដោយ​ភ្នាក់ងារ​សុខភាព​ស្ម័គ្រចិត្ត​ភូមិ ក្នុង​ប្រជាជន ១.០០០ នាក់ មាន​ជា​មធ្យម ១,៣១ ករណី ក្នុងនោះ ខេត្ត​ដែលមាន​អត្រា​ខ្ពស់​ជាងគេ មាន ខេត្ត​មណ្ឌល​គី​រី រតនគីរី ស្ទឹងត្រែង ព្រះវិហារ ខេត្ត​ឧ​ត្ត​រ​មានជ័យ ខេត្តក្រចេះ ប៉ៃលិន ពោធិ៍សាត់ និង កំពង់ធំ។

​មជ្ឈមណ្ឌល​ជាតិ​ប្រយុទ្ធ​នឹង​ជម្ងឺគ្រុនចាញ់​បន្តថា ៖ បើ​ពុំ​នោះទេ អត្រា​ឈឺ និង​ស្លាប់ នឹង​អាច​កើន​ឡើងវិញ​ភ្លាម​ព្រោះ​បើ​មេរោគ​គ្រុនចាញ់ នៅតែ​បន្ត​បណ្តែត​ខ្លួន​ក្នុង​ឈាម​មនុស្ស​ គឺ​មូស​ដែកគោល ញី​នៅតែ​មានឱកាស​ខាំ​ចម្លង​មេរោគ​នេះ ពី​មនុស្ស​ម្នាក់​ទៅ​មនុស្ស​ម្នាក់ទៀត​បាន ដដែល (​ដូច​មាននៅ​ក្នុង​សារ​របស់ សម្តេច តេ​ជោ សែន ក្នុង​ឱកាស​​ទិវា​ជាតិប្រយុទ្ធ​ប្រឆាំងនឹង​ជម្ងឺគ្រុនចាញ់​នៅ ថ្ងៃទី ២៥ ខែមេសា ឆ្នាំ​២០១៣)​។

ពេល​ថ្មីៗ​កន្លងទៅនេះ​លោក វេជ្ជបណ្ឌិត ចរ ម៉េង​ចួ នាយក​មជ្ឈមណ្ឌល ជាតិ​ប្រយុទ្ធ​នឹង​ជម្ងឺគ្រុនចាញ់ ប៉ារ៉ាស៊ីត​សាស្ត្រ និង បាណក​សាស្ត្រ​មានប្រសាសន៍ថា កត្តា​ចម្បង​ដែល​នាំ​ឲ្យ​ការ ស្លាប់​ដោយសារ​ជម្ងឺគ្រុនចាញ់​មានការ​ថយចុះ ដោយសារតែ​ប្រជាពលរដ្ឋ​មាន​ការ​យល់ដឹង​ច្រើន បន្ទាប់ពី​មាន​អន្តរាគមន៍​ផ្សព្វផ្សាយ និង ចលនា​នៅតាម​សហគមន៍​។

​សូម​រំលឹក​ផងដែរ​ថា ប្រទេស​កម្ពុជា ចាប់ផ្តើម​បើក​យុទ្ធនា​ការចែក​មុង​ជ្រលក់​ថ្នាំ​ចំនួន ២​លាន ៧​សែន​មុង ជូន​ដល់​ប្រជាពលរដ្ឋ​ដែល​ប្រឈម​នឹង​ជម្ងឺគ្រុនចាញ់​នៅក្នុង ខេត្ត​ចំនួន ២០ នៅ​ទូទាំងប្រទេស​កាលពី ខែវិច្ឆិកា ឆ្នាំ​២០១១ ៕ ដោយៈ មករាតូច

Copyright © 2010-2021 · អរិយធម៌ · All Rights Reserved.
Develop by Sek Sathya