ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ជន​៥​នាក់​ត្រូវ​ឃាត់ខ្លួន​បន្តបន្ទាប់​ពីបទ​សង្ស័យ​សម្លាប់​សន្តិសុខ​គ្រឹះស្ថាន​មីក្រូហិរញ្ញវត្ថុ​ស្ថាបនា លីមីត​ធី​ត

ជន​៥​នាក់​ត្រូវ​ឃាត់ខ្លួន​បន្តបន្ទាប់​ពីបទ​សង្ស័យ​សម្លាប់​សន្តិសុខ​គ្រឹះស្ថាន​មីក្រូហិរញ្ញវត្ថុ​ស្ថាបនា លីមីត​ធី​ត

កណ្តាល៖​កម្លាំង​កងរាជអាវុធហត្ថ​ស្រុក​ខ្សាច់កណ្តាល​ធ្វើការ​ឃាត់ខ្លួន​បាន​ជនសង្ស័យ​៥​នាក់​កាលពី​ព្រឹក​ថ្ងៃទី​២៣ កក្កដា ២០១៣ ហើយក៏​បាន​នាំ​ជនសង្ស័យ​ម្នាក់​ទៅ​ចង្អុល​បង្ហាញ​​ពី​កន្លែង​ដែល​ពួកគេ​ធ្វើ​សកម្មភាព​សម្លាប់​ជនរងគ្រោះ​នៅ​ស្នាក់ការ​គ្រឹះស្ថាន​មីក្រូហិរញ្ញវត្ថុ ស្ថាបនា​លីមីត​ធី​ត​ស្ថិតក្នុង​ភូមិ​វិហារ​សួគ៌​ជើង​ឃុំ​វិហារ​សួគ៌​ស្រុក​ខ្សាច់​កណ្ដាល។​​បើតាម​ប្រភពពី​ប្រពន្ធ​ជនសង្ស័យ​ម្នាក់​បាន​សារភាពថា​ការធ្វើសកម្មភាព​ប្លន់​នោះ គឺមាន​គ្នា​ចំនួន​៥​នាក់ បន្ទាប់ពី​ធ្វើការ​ស្រាវជ្រាវ​និង​តាមដាន​របស់​កំលាំង​ក​ង​រាជ​អាវុធហត្ថ ឈាន​​ដល់​ឃាត់ខ្លួន ជនសង្ស័យ​បាន​ទាំង​៥​នាក់ ដោយ​២​នាក់​ឃាត់ខ្លួន​មុន រួច​បង្ក​ឃាត់​ខ្លួន​៣​នាក់​ទៀត​។

​គួរ​បញ្ជាក់ថា​ជនសង្ស័យ​២​នាក់​ដែល​ធ្វើ​សកម្មភាព​ប្លន់​សម្លាប់​សន្តិសុខ​ស្នាក់ការ​គ្រឹះ​ស្ថាន​​មីក្រូហិរញ្ញវត្ថុ ស្ថាបនា​លីមីត​ធី​ត​ត្រូវបាន​កម្លាំង​កងរាជអាវុធហត្ថ​ស្រុក​ខ្សាច់​កណ្តាល​​ធ្វើការ​ឃាត់ខ្លួន​នា​វេលា​ម៉ោង​៨ និង​០៥​នាទី​ព្រឹក​ថ្ងៃទី​២៣ កក្កដា ២០១៣ ស្ថិត​នៅ​តាម​បណ្តោយ​ផ្លូវជាតិ​លេខ​៨ ក្នុងភូមិ​អន្លង់ ឃុំ​ព្រែ​កតា​មាក់​ស្រុក​ខ្សាច់កណ្តាល ។​

​ការចាប់ខ្លួន​នោះ​ខណៈដែល​ជនសង្ស័យ​ទាំង​២​នាក់​នេះ​កំពុងបើក​រថយន្ត​តាក់ស៊ី​ហើយក៏​ត្រូវបាន​កម្លាំង​ក​ង​រាជ​អាវុធហត្ថ​សង្ស័យ​ធ្វើការ​ឃាត់ខ្លួន​ហើយ​បញ្ជូនទៅ​មូលដ្ឋាន​កង​រាជ​អាវុធហត្ថ​ស្រុក​ខ្សាច់កណ្តាល​ដើម្បី​ធ្វើការ​សួរនាំ​តែម្តង។

​គួរ​រំលឹក​ដែរ​ថា​ករណី​ចោរ​មួយក្រុម​បាន​ចូល​ប្លន់​ស្នាក់ការ​គ្រឹះស្ថាន​មីក្រូហិរញ្ញវត្ថុ​ស្ថាបនា​លីមីត​ធី​ត ស្ថិតក្នុង​ភូមិ​វិហារ​សួគ៌​ជើង​ឃុំ​វិហារ​សួគ៌​ស្រុក​ខ្សាច់កណ្ដាល​កាលពី​វេលា​ម៉ោង​១​រំលងអធ្រាត្រ​ឈានចូល​ថ្ងៃទី​២២ កក្កដា​ដោយបាន​សម្លាប់​សន្ដិសុខ​ម្នាក់ និង​យក​ទូដែក​មួយ​ទៅ​បាត់​។​

​សមត្ថកិច្ច​ឱ្យដឹងថា សន្ដិសុខ​ម្នាក់​ដែល​ស្លាប់​ឈ្មោះ​ឃឺ​ន ស៊ឺន​ភេទ​ប្រុស អាយុ​៤២​ឆ្នាំ មាន​ទីលំនៅ​ក្នុងភូមិ​-​ឃុំ​ខាងលើ​ជា​សន្ដិសុខ​ឯកជន​របស់​ក្រុមហ៊ុន ប៊េ​ស ។​

​ក្នុងពេល​កើតហេតុ​គ្មាន​ប្រជាពលរដ្ឋ​ណា​ម្នាក់​ដឹង​ឡើយ​លុះ​ព្រឹក​ឡើង​ម៉ោង​ប្រមាណ​ជា​៧​និង​៣០​នាទី​នៅពេលដែល​បុគ្គលិក​របស់​ធនាគារ​ស្ថាបនា​លីមីត​ធី​ត​ចូលទៅ​ធ្វើការ​ក៏​ស្លន់ស្លោ​ឆោឡោឡើង​ខណៈ​ឃើញ​សន្ដិសុខ​ដែល​យាម​នៅ​ស្នាក់ការ​នោះ​ស្លាប់​នៅក្នុង​ថ្លុកឈាម​ក្បែរ​របង ដោយ​ជនដៃដល់​យក​ផ្លែក្រូច​ឆ្មារ​ញ៉ុ​ក​ចូល​មាត់​និង​យក​ស្កុ​តរុំ​មាត់ ព្រមទាំង​មុខ​ជិត ។ ភ្លាមៗ​នោះ​សមត្ថកិច្ច​បាន​ចុះ​ទៅដល់​កន្លែងកើតហេតុ ហើយ​ធ្វើ​កោសល្យវិច័យ​រួច​សន្និដ្ឋានថា ជនរងគ្រោះ​ត្រូវ​ជនដៃដល់​វាយ​ដោយ​របស់​រឹង​និង​យក​ក្រូចឆ្មារ​ញាត់​ចូលក្នុង​មាត់​ហើយ​ថែមទាំង​យក​ស្កុ​តរុំ​មុខ​មាត់ជិត អស់​រួច​ក៏បាន​ប្រើ​ភ្លើង​ដុត​រំលាយ​សោ​ចូលទៅ​ខាងក្នុង​ធ្វើ​សកម្មភាព​គាស់​ទូដែក​តែ​គាស់​មិនបាន​ក៏​នាំគ្នា​សែង​ចេញ​យកទៅ​បាត់​ដោយ​ជនដៃដល់​មាន​គ្នា​យ៉ាងតិច​ចាប់ពី​ពីរ​នាក់​ឡើងទៅ។

​សមត្ថកិច្ច​បានឱ្យដឹង​ទៀតថា​បើតាម​បុគ្គលិក​របស់​ធនាគារ​ស្ថាបនា​លីមីត​ធី​អះអាងថា  ទូដែក​ដែល​ក្រុមចោរប្លន់​យកទៅ​នោះ​មិនមាន​លុយ​នៅក្នុង​នោះទេ​គឺមាន​តែ​ឯកសារ​ប៉ុណ្ណោះ​ព្រោះថា​នេះ​ជា​ស្នាក់ការ​សម្រាប់​ឃុំ​មិនមាន​លុយ​តម្កល់ទុក​នៅទីនេះ​ឡើយ ។​

​បច្ចុប្បន្ន ជនជាប់សង្ស័យ​ទាំង ៥​នាក់​នោះ សមត្ថកិច្ច​កងរាជអាវុធហត្ថ​ខេត្ត​កំពុងធ្វើការ​សាកសួរ ដើម្បី​កសាង​សំណុំរឿង​បញ្ជូនទៅ​សាលាដំបូង​ខេត្ត​ផ្តន្ទាទោស​តាមច្បាប់​៕ ដោយៈ គឹម​ឃាង​

Copyright © 2010-2021 · អរិយធម៌ · All Rights Reserved.
Develop by Sek Sathya