ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » ឃាត់​ខ្លួន​បុរស​ម្នាក់ដើរឆបោកប្រាក់ក្នុងរូបភាព​នាំពលករ​ទៅធ្វើការ​នៅ​ប្រទេសថៃ

ឃាត់​ខ្លួន​បុរស​ម្នាក់ដើរឆបោកប្រាក់ក្នុងរូបភាព​នាំពលករ​ទៅធ្វើការ​នៅ​ប្រទេសថៃ

ខេត្តកំពត៖ ប៉ូលិស​នៃអធិការដ្ឋាននគរបាលស្រុកឈូក បានឃាត់ខ្លួន​បុរសម្នាក់់​តាម​បណ្តឹង​របស់​ប្រជាពលរដ្ឋជាច្រើននាក់ ដោយចោទប្រកាន់ថា បានដើរប្រមូលអ្នកស្រុក​(ពលករ)​ឲ្យទៅ​ធ្វើ​ការនៅប្រទេសថៃមិនស្របច្បាប់ ថែមទាំងប្រមូលលុយពីអ្នក​ភូមិ ដែលរស់នៅក្នុងតំបន់​នោះហើយ​ប៉ុន្តែបែរជាចង់ស៊ីដាច់លុយម្នាក់ៗរាប់សែន ទើប ពួកគេប្តឹងសមត្ថកិច្ចឲ្យឃាត់ខ្លួនតែម្តង។

បុរសសង្ស័យត្រូវបានប៉ូលិសស្រុកឈូកចាប់វាយខ្នោះ កាលពីវេលាម៉ោង១០និង៤៥ នាទីព្រឹក ថ្ងៃទី​២២​ខែកក្កដា ឆ្នាំ២០១៣ត្រង់ចំណុចភូមិក្រាំងរំដេង ឃុំក្រាំងស្បូវ ស្រុក ឈូក ខេត្តកំពត រួចបញ្ជូន​មកសាក​សួរនៅស្នងការដ្ឋាននគរបាលខេត្តកំពត ភ្លាមៗតែ ម្តងដើម្បីសាកសួរចម្លើយ។

សមត្ថកិច្ចស្រុកឈូកបានឲ្យដឹងថា បុរសសង្ស័យមានឈ្មោះ ង៉ែត ប៊ន ភេទប្រុស អាយុ៤១ឆ្នាំ មានទី​លំនៅស្ថិតក្នុងភូមិ ឃុំកើតហេតុខាងលើ ដោយមុននឹងឈានទៅ ចាប់ឃាត់ខ្លួននេះ បន្ទាប់ពីមាន​បណ្តឹង​របស់ប្រជាពលរដ្ឋប្រមាណ២០នាក់ចោទ ប្រកាន់ថា កាលពីពេលថ្មីៗ​នេះជនសង្ស័យ ​ដែលជា​មេខ្យល់បានដើរឆបោកប្រជា ពលរដ្ឋឲ្យទៅធ្វើការនៅប្រទេសថៃដោយផ្តល់ប្រាក់ខែខ្ពស់ ហើយពេល​យកប្រាក់ពីពួក គាត់បានហើយបែរជាមិននាំទៅធ្វើការដូចការសន្យាឡើយ គឺមានចេតនា​បោកយក​លុយ​ស្រស់ៗ ទើបប្រជាពលរដ្ឋមិនសុខចិត្តក៏នាំគ្នារត់មកប្តឹងសមត្ថកិច្ចឲ្យជួយ អន្តរាគមន៍ តែម្តង ហើយក្រោយពីឃាត់ខ្លួនប្រពន្ធជនសង្ស័យកំពុង រត់ការដើម្បីរំដោះបុរសជា ប្តីជាប់ចោទចេញពីសំណាញ់ច្បាប់ផងដែរ តែគេមិនសង្ឃឹមថាបានរួចខ្លួននោះទេ ព្រោះបុរសនេះកំពុងជាប់ចោទពីបទក្បត់​ទំនុក​ចិត្តផងនិងករណីជួញដូរមនុស្ស ដែលច្បាប់កំពុងហាមប្រាមផងនោះ។​ បច្ចុប្បន្នបុរសសង្ស័យត្រូវបានសមត្ថកិច្ច ការិយាល័យកណ្តាលនគរបាលខេត្តកំពត កំពុងសាកសួរនិងចាត់ការតាម នីតិវិធីហើយ៕

ដោយ៖ ណារិទ្ធ

Copyright © 2010-2021 · អរិយធម៌ · All Rights Reserved.
Develop by Sek Sathya