ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » បុរស​ម្នាក់បើក​ឡាន​បុក​របាំងថ្ម​ចែក​ទ្រូង​ផ្លូវ​បាក់អស់១កង់​រួចបើករត់គេចដល់សង្កាត់​ភ្នំពេញថ្មី​

បុរស​ម្នាក់បើក​ឡាន​បុក​របាំងថ្ម​ចែក​ទ្រូង​ផ្លូវ​បាក់អស់១កង់​រួចបើករត់គេចដល់សង្កាត់​ភ្នំពេញថ្មី​

ភ្នំពេញ ៖ក្បាលនាគដែលជារបាំងថ្មពុះទ្រូងផ្លូវ មួយកន្លែងស្ថិតនៅតាមបណ្តោយ ផ្លូវ ម៉ៅសេទុង កែងផ្លូវលេខ ១៨២ ក្នុងសង្កាត់ទឹកល្អក់ទី ៣  ខណ្ឌទួលគោក ត្រូវរងនៅ ការខូចខាត ខណៈដែលបុរស​ម្នាក់​ស្រវឹង​​ស្រាបើក រថយន្តស៊ី​អរ វី មួយគ្រឿង ក្នុងល្បឿន លឿនរេចង្កូតបុក កាលពីវេលាម៉ោង​២២ និង ៣០ នាទីយប់​ថ្ងៃទី ២៣ ខែកក្កដា ឆ្នាំ​២០១៣ ហើយរថយន្តព្យាយាមបើករត់គេចខ្លួនតែត្រូវសមត្ថកិច្ចដេញឃាត់បានភ្លាមៗ។

យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា មុនពេលកើតហេតុគេ បានឃើញ​បុរស​មិន​ស្គាល់អត្តសញ្ញាម្នាក់ វ័យជាង ៣០ ឆ្នាំ បានបើកបររ​ថយន្ត​មួយ​គ្រឿងម៉ាក​ ស៊ី អរ វី  ពណ៌ខ្មៅ ពាក់ស្លាកលេខ ភ្នំពេញ 2D-7591បើកបរធ្វើដំណើរតាម​បណ្តោយផ្លូវ​ម៉ៅ​​សេទុង ក្នុងទិសដៅពីត្បូងទៅជើង  ដោយបាន​បើកបរ​ក្នុងល្បឿន យ៉ាងលឿន ខណៈមកដល់ចំណុច កើត​ហេតុខាងលើ​ ក៏ជ្រុលចង្កូត​បុករបាំងថ្មចែកទ្រូង ផ្លូវ​បាក់អស់១​កង់ ហើយរថយន្តបង្កហេតុ​បានព្យាយាមបើករត់គេចខ្លួន​តាម បណ្តោយផ្លូវលេខ ១៨២ រហូតទៅ​ដល់សង្កាត់​ភ្នំពេញថ្មី ទើបត្រូវសមត្ថកិច្ចមូលដ្ឋាន សហការជាមួយនគរបាលខណ្ឌសែនសុខ ឃាត់បាន​ភ្លាមៗ​ទាំងរថយន្តបង្កហេតុ និងអ្នកបើកបរ​ ហើយក្នុងហេតុការណ៍គ្រោះថ្នាក់នេះមិនបណ្តាលឲ្យ​មនុស្សណាម្នាក់​ត្រូវរងរបួសធ្ងន់ធ្ងរនោះទេ គ្រាន់តែបណ្តាលឲ្យរថយន្តត្រូវរងការខូចខាត ផ្នែកខាងមុខ​ ចំណែករបាំងថ្ម១​កង់បាក់ខ្ទេចតែម្តង ។

គួរបញ្ជាក់ថា​ បន្ទាប់ពីកើតហេតុសមត្ថកិច្ចមូលដ្ឋានបានសហការ ជាមួយនគរបាល ជំនាញចុះមក​វាស់​វែងអូសយករថយន្តបង្កហេតុនិងអ្នកបើកបរយកទៅកាន់ការិយាល័យ ចរាចរណ៍ជើងគោករាជ​ធានី​ភ្នំពេញ រង់ចាំដោះស្រាយតាមផ្លូវច្បាប់ ។ សមត្ថកិច្ចបញ្ជាក់ថាគ្រោះថ្នាក់ខាងលើនេះ កើតចេញពីការស្រវឹង​របស់អ្នកបើកបរ ជាពិសេសគេស្រវឹងស្រាខ្លាំង បើករថយន្តលឿន ទើបបណ្តាលឲ្យមានហេតុ​ការណ៍​បែបនេះកើតឡើងតែម្តងទៅ៕

ដោយ៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya