ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ជន​ជាតិ​ចិន​ម្នាក់​ស្រវឹង​ស្រាបើក​ឡានបុករបាំង​ថ្មចែក​ទ្រូង​ផ្លូវ​​ក្រឡាប់ផ្ងារជើងច្រងាងបណ្តាលឲ្យរងរបួសធ្ងន់ធ្ងរ

ជន​ជាតិ​ចិន​ម្នាក់​ស្រវឹង​ស្រាបើក​ឡានបុករបាំង​ថ្មចែក​ទ្រូង​ផ្លូវ​​ក្រឡាប់ផ្ងារជើងច្រងាងបណ្តាលឲ្យរងរបួសធ្ងន់ធ្ងរ

ភ្នំពេញ ៖ក្បាលនាគដែលជារបាំងថ្មពុះទ្រូងផ្លូវ មួយកន្លែងស្ថិតនៅតាមបណ្តោយផ្លូវ ម៉ៅសេទុង កែងផ្លូវលេខ ១៦៣ ក្នុងសង្កាត់ទួលទំពូងទី ១ ខណ្ឌចំការមន ត្រូវរងនៅ ការខូចខាត ខណៈដែលបុរសជនជាតិចិន​ម្នាក់​ស្រវឹង​​ស្រាបើក រថយន្តវីហ្គោលមួយ គ្រឿង ក្នុងល្បឿនលឿនរេចង្កូតបុក កាលពីវេលាម៉ោង​២៤ និង ៣០ នាទីយប់​រំលង​អាធ្រាត្រ ឈានចូលថ្ងៃទី ២៣ ខែកក្កដា ឆ្នាំ​២០១៣ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបាន ឃើញបុរសជន ជាតិ​ចិនមិនស្គាល់អត្តសញ្ញាម្នាក់ វ័យជាង ៣០ ឆ្នាំ ស្ថិតក្នុងស្ថានភាព ស្រវឹងស្រាជោគខ្លួនបានបើកបររ​ថយន្ត​មួយ​គ្រឿង ម៉ាកវីហ្គោល ពណ៌ទឹក​ប្រាក់ ពាក់ស្លាកលេខ ភ្នំពេញ 2D-3063 បើកបរធ្វើដំណើរតាម​បណ្តោយផ្លូវ​ម៉ៅ​​សេទុង ក្នុងទិសដៅពីលិចទៅ កើត ដោយបានបើកបរក្នុងល្បឿនយ៉ាងលឿន រេចង្កូតរេ​ចុះរេឡើងពេញ​ផ្លូវតែ​ម្តង ខណៈបើកបរមកដល់ចំណុច កើត​ហេតុខាងលើ ទំនង ជាស្រវឹងស្រាជោគខ្លួនខ្លាំងពេក បើកលឿនគេច ម៉ូតូ​បណ្តាលឲ្យរេចង្កូតបុកចំក្បាល នាគរបាំងថ្មចែកទ្រូងផ្លូវបាក់អស់ចំនួន ១ កង់ ហើយរថយន្តបង្កបានក្រឡាប់ ផ្ងារ​ជើង ច្រងាង​ ប៉ុន្តែក្រោយពេលក្រឡាប់ភ្លាមៗនោះ ត្រូវបានប្រជាពលរដ្ឋ និងអ្នកដំណើរ​ឆ្លង កាត់កន្លែងខាងលើ​បាន នាំគ្នាជួយអន្តរាគមន៍​រុញរថយន្តខាងលើនេះ​ឲ្យផ្ងារឡើងវិញ​ដើម្បីជួយសង្គ្រោះបុរស​ដែលជាអ្នកបើកបរ​គាបជាប់ ក្នុងរថយន្តនោះទាន់ពេលវេលា ហើយក្នុងហេតុការណ៍គ្រោះថ្នាក់នេះ​បណ្តាលឲ្យអ្នកបើកបររថយន្តបង្ក​ហេតុ​ត្រូវ រងរបួសធ្ងន់ធ្ងរ​ បានរថយន្តសាមុយមកដឹកយកទៅសង្គ្រោះនៅមន្ទីរពេទ្យភ្លាមៗ និងរថយន្ត​ត្រូវរង​ការខូចខាត ផ្នែកខាងមុខ រីឯរបាំងថ្ម១កង់បាក់ខ្ទេចតែម្តង ។

គួរបញ្ជាក់ថាបន្ទាប់ពីកើតហេតុសមត្ថកិច្ចមូលដ្ឋាននិង នគរបាលចរាចរខណ្ឌចំការមន បានសហការ ជាមួយនគរបាលជំនាញចុះមកវាស់វែងអូសយករថយន្តបង្កហេតុ និងអ្នកបើកបរយកទៅកាន់ការិយាល័យ ចរាចរណ៍ជើងគោករាជធានីភ្នំពេញ រង់ចាំ ដោះស្រាយតាមផ្លូវច្បាប់ ។ សមត្ថកិច្ចបញ្ជាក់ថាគ្រោះថ្នាក់ខាងលើនេះ កើតចេញពី ការស្រវឹងរបស់អ្នកបើកបរ ជាពិសេសគេស្រវឹងស្រាខ្លាំង នឹងបានបើករថយន្តលឿន ទៀតផង ទើប បណ្តាលឲ្យមានហេតុការណ៍នេះបំផ្លាញទ្រព្យសម្បត្តិផ្ទាល់ខ្លួន និងទ្រព្យសម្បត្តិសាធារណៈតែម្តងទៅ៕ ​

ដោយ៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya