ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន!  លោក ប៉ាន់ សាម បានឃុបឃិតជាមួយសុរិយោដីស្រុកអន្លង់វែង ចុះបញ្ជីយកដីអនុក្រិដ្ឋ ធ្វើជាកម្មសិទ្ធិជាច្រើនឡូតិ៍ និងលក់អស់ជាច្រើនហិកតា?​  ||     លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||   

» Breaking News, បរិយាយថ្ងៃនេះ » ​ភ្នំ​មួយ​ខ្លា​ពីរ សមរង្ស៊ី កឹម សុខា​

​ភ្នំ​មួយ​ខ្លា​ពីរ សមរង្ស៊ី កឹម សុខា​

ភ្នំពេញ៖ ​សុភាសិត​មួយ​បានលើកឡើង​ថា​ភ្នំ​មួយ​មិន​អាចមាន​ខ្លា​ពីរ​បានទេ​។ ប៉ុន្តែ​ភ្នំ​មួយ​អាចមាន​ខ្លា​ពីរ វា​ទាល់តែ​ខ្លា​នោះ​ញី​មួយ​ឈ្មោល​មួយ​។ ចំពោះ​ភ្នំ​សង្គ្រោះ​ជាតិ​វិញ គឺ​ឈ្មោល​​ទាំងពីរ​គឺ​សមរង្ស៊ី​និង កឹម សុខា​។ ពីមុន សមរង្ស៊ី​គឺជា ខ្លា​ដែល​គ្រប់គ្រង​ភ្នំ​មួយ​ធំ​ល្មម​ដែរ​។ ឯ​ខ្លា កឹម សុខា គ្រប់គ្រង​កូនភ្នំ​តូច​មួយ​ដែល​ទើបនឹង​កើតឡើង​ក្រោយ​គេ​។ ប៉ុន្តែ កឹម សុខា អួតអាង​ថា ខ្លួន​ជា​ខ្លា​ដែលមាន​ចង្កូម​មុត​ស្រួច​គ្មាន​គូ​ប្រៀបប្រដូច​ទៅវិញ ហើយ​កាលពី​២-៣​ឆ្នាំ មុន ខ្លា កឹម សុខា តែង​គ្រហឹម​ចង់ស៊ី​សាច់​ខ្លា សមរង្ស៊ី រាល់ថ្ងៃ​។ តែ​ក្រោយមក​ដោយ​ដឹងថា ចង្កូម​របស់ខ្លួន​មិន មាន​អ្វី​គួរ​ឲ្យ​អស្ចារ្យ​ទេនោះ ក៏​សុខចិត្ត​ទម្លាក់​កន្ទុយ​សុំ​រួមរស់​ភ្នំ​តែមួយ បណ្តោះអាសន្ន​សិន រង់​ចាំមើល​ឱកាសល្អ ណាមួយ​នឹង​ខាំ​ក្រ​ញី សមរង្ស៊ី ស៊ី​ទាំង​រស់​មិន​ខាន​។​

​ចំណែក​ខ្លា សមរង្ស៊ី​វិញ ក៏​មិន​ល្ងង់​ដេក​សម្ងំ​ឲ្យ​ខ្លា កឹម សុខា សម្ងំ​យក​ពិស​នៅលើ​ខ្នង​របស់​ខ្លួន​តាមតែ​អំពើ​ចិត្ត នោះដែរ​។ ប៉ុន្តែ​ពេលនេះ​ដោយសារ​ខ្លា​ទាំងពីរ ចង់បាន​សាច់​មួយ​ដុំ ដែល​កំពុង​នៅ​ឆ្ងាយ​ពី​ខ្លួន​នៅឡើយ​នោះ ក៏​ចេះតែ​ធ្វើជា​រួបរួម​ល្អូក​ល្អឺ​ន​ផ្អែមល្ហែម​នឹង​គ្នា ជា​រូបភាព​ខាងក្រៅ​អ៊ីចឹងទៅ​។

ការពិត​ទាំង​ខ្លា សមរង្ស៊ី និង​ខ្លា កឹម​សុខា សុទ្ធ​តែមាន​ល្បិច​និង​ពិសពុល​ទៅរក​គ្នា​ទៅ​វិញ​ទៅមក​។ កាលពី​២០ ឆ្នាំមុន ខ្លា សមរង្ស៊ី គឺជា​ខ្លា​មួយ ដែល​ស្ថិតនៅលើ​ភ្នំ​ហ្វ៊ុនស៊ិនប៉ិច ជា​មួយ​ខ្លា​ក្រុមព្រះ​។ ប៉ុន្តែ​ដោយសារ​ខ្លា​នេះ​ចេះ តែ​ថ្លើមធំ ហ៊ាន​បញ្ចេញ​ចង្កូម​ដាក់​មេហ្វូង​ខ្លួន​​ជា​ញឹកញាប់​នោះ ក៏ត្រូវ​ខ្ទាត​ទៅ​រស់​នៅលើ​ភ្នំ​មួយ​ថ្មី​តែ​ឯកឯង​។​

ឯ​ខ្លា កឹម​សុខា វិញ កាលពី​២០​ឆ្នាំមុន ក៏​ធ្លាប់​រស់នៅ​ភ្នំ​ខ្លា សឺ​ន សាន ប៉ុន្តែ​ដោយសារ​ក្រុម​ខ្លួន​ចេះតែ​ឈ្លោះ ប្រខាំ​គ្នា​មិនចេះ​ឈប់ឈរ ក៏​រលាយ​ភ្នំ​នោះ​ខាន​រស់នៅ​តទៅទៀត ហើយ​​​បាន​មកសុំ​ជ្រកកោន​នៅ​ភ្នំ​របស់​ខ្លា ក្រុមព្រះ គ្រាន់​នឹង​បាន​កាកសំណល់​ឆ្អឹងឆ្អែង​ខ្លះ​បន្តជីវិត​ទៅមុខទៀត​។ តែ​ខ្លា កឹម សុខា នេះ​ជា​ខ្លា​រមិលគុណ ខ្លាំងណាស់ ព្រោះ​គ្រាន់​តែ​​ចាក​ចេញពី​ខ្លា​ក្រុមព្រះ​ភ្លាម ក៏​តាំង​ធ្វើការ​បកអាក្រាត​វា​យ​ប្រហារ​ទៅ​ខ្លា​ក្រុមព្រះ ដែល​ ធ្លាប់​ផ្តល់​កាកសំណល់​ដល់​ខ្លួន​ពេល​ដាច់បាយ​នោះ​ទៅវិញ​។

កាល​ដំបូង ខ្លា​សមរង្ស៊ី ក៏​ចង់ឱ្យ​ខ្លា​កឹម សុខា មក​រស់​នៅលើ​ខ្នងភ្នំ​ជាមួយ​ខ្លួន​ដែរ ប៉ុន្តែ​ខ្លា​កឹម សុខា ដែល​តែងតែ មាន​អំណួត​អួ​ង​អាង​ខ្លួនឯង​ខ្ពស់កប់ពពក​នោះ សុខចិត្ត​ទៅរក​ភ្នំ​ថ្មី​មួយ ដើម្បី​គ្រប់គ្រង​តែម្នាក់ឯង ព្រោះ​គិតថា ភ្នំ​មួយ​មិនអាច​មាន​ខ្លា​ពីរ​បានឡើយ​។​

​ឯ​ខ្លា​សមរង្ស៊ី វិញ ក៏​មិន​សប្បាយ​ចិត្តនឹង​ខ្លា​កឹម សុខា​ប៉ុន្មាន​ដែរ ព្រោះ​ការ​ទៅគ្រប់​គ្រង​ភ្នំ​ថ្មី​របស់​ខ្លា​កឹម សុខា​នោះ គឺ​ប៉ះពាល់​ដល់​ផលប្រយោជន៍​របស់ខ្លួន​ខ្លាំងណាស់ ដោយសារ​ខ្លា​កឹម សុខា​ទាញយក​ថាមពល​របស់ ខ្លួន​មួយចំនួនធំ​។ ប៉ុន្តែ​នៅ​ទីបំផុត​ខ្លា​ទាំងពីរ​សុខ​ចិត្ត​​លាក់​ចង្កូម​រៀងៗ​ខ្លួន​មួយរយៈ​សិន ក្រែង​មានភ័ព្វ​វាសនា បាន​សាច់​មួយ​ដុំ​គ្រាន់​ធ្វើជា​អាហារ​ចំអែត​ក្រពះ​។

​ទោះបីយ៉ាងណា​ក៏ដោយ ក៏​ទៅ​ថ្ងៃក្រោយ​ខ្លា​ទាំងពីរ​នេះ គង់តែ​បញ្ចេញ​ចង្កូម​ដាក់គ្នា​ជាថ្មី​ម្តងទៀត​មិន​ខាន ព្រោះ​មិន​ខុសពី​សុភាសិត​ដែល​បាន​លើកឡើងថា ភ្នំ​មួយ​មិនអាច​មាន​ខ្លា​ពីរ​បានទេ បើ​ខ្លា​ពីរ​នោះ ញី​មួយ ឈ្មោល​មួយ គឺ​ស្រួល​តែម្តង​។ តែ​សមរង្ស៊ី ក៏​ជា​ខ្លា​ឈ្មោល ហើយ​កឹម សុខា​ក៏​ជា​ខ្លា​ឈ្មោល​ដែរ តើ​ធ្វើ​ដូច​ម្តេចក៏ ផ្អែមល្ហែម​ល្អូក​ល្អឺ​ន​នឹង​គ្នា​បានយូរ​អង្វែង​រហូតដល់​ចាស់ព្រឹទ្ធចាស់ព្រេង​?៕ ដោយៈ ម៉ារីណា

Copyright © 2010-2021 · អរិយធម៌ · All Rights Reserved.
Develop by Sek Sathya