ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » បង្ខំ​ចូល​គណបក្ស​សង្គ្រោះជាតិ​ពុំបាន​ឈានដល់​ប្រើ​ហិង្សាវ៉ៃ​ដំស្រ្តី​ម្នាក់

បង្ខំ​ចូល​គណបក្ស​សង្គ្រោះជាតិ​ពុំបាន​ឈានដល់​ប្រើ​ហិង្សាវ៉ៃ​ដំស្រ្តី​ម្នាក់

បន្ទាយមានជ័យ៖ ​ភរិយា​របស់លោក​ អនុប្រធាន​ប្រតិបត្តិ​​គណបក្ស​ប្រឆាំង​សង្គ្រោះ​ជាតិ​នៅ​ក្រុង ​ប៉ោយប៉ែត បាន​វាយដំច្រំ​ធាក់​លើ​ស្ត្រី​ម្នាក់ បណ្ដាល​ឲ្យ​​ទ្រម​គ្រាំគ្រា​ខ្លួន ដោយ​សារតែ​ស្ត្រី​ម្នាក់​នោះ មិន​ព្រម​ចូលរួម​គាំទ្រ​ គណបក្ស​សង្គ្រោះ​ជាតិ តាម​ការអូសទាញ​​​    រប​ស់គា​ត់​។​
​ ហេតុការណ៍​នេះបាន​កើតឡើង​​នៅវេលា​ម៉ោងជាង​៥​ល្ងាច​ថ្ងៃទី​១៩ ខែកក្កដា ឆ្នាំ​២០១៣ នៅ​ភូមិ​ច័ន្ទ​គី​រី សង្កាត់​/​ក្រុង​ប៉ោយប៉ែត ។​    ​
ស្ត្រី​រងគ្រោះ​នោះ​មានឈ្មោះ យាន ធី អាយុ​២៧​ឆ្នាំ (​មានកូន​៣​នាក់ និង​មាន​ប្ដី​ឈ្មោះ​ផាន់ ង៉ែត អាយុ​២៦​ឆ្នាំ ជា​កម្មករ​អូស​រទេះ​) មាន​ទីលំនៅ​ក្នុងភូមិ​ច័ន្ទ​គិរី សង្កាត់​/​ក្រុង​ប៉ោយ​ប៉ែត ។ រីឯ​ស្ត្រី​បង្ករឿង និង​ជា​ជនដៃដល់ មានឈ្មោះ​ស៊ឹង​-​ស្រី​ពុំ អាយុ​៤១​ឆ្នាំ ជា​ភរិយា​លោក​សំ វណ្ណា​រ៉ា អនុប្រធាន​ប្រតិបត្តិ​នៃ​គណបក្ស​សង្គ្រោះ​ជាតិ​ក្រុង​ប៉ោយប៉ែត មាន​ទីលំនៅ​ក្នុងភូមិ​ច័ន្ទ​គី​រី​នេះដែរ​។​

ស្ត្រី​សាក្សី​​ម្នាក់ ឈ្មោះ​ឡុង បូ​ផា អាយុ​៤២​ឆ្នាំ ជា​អ្នកលក់​កាហ្វេ នៅ​ភូមិ​ច័ន្ទ​គី​រី បាន​និយាយថា​ តាំង​ពីមុន​ដំណើរការ​ឃោសនាបោះឆ្នោត​ជ្រើសតាំង​តំណាងរាស្ត្រ​នេះ មកម្ល៉េះ លោក​សំ វណ្ណា​រ៉ា និង​ភរិយា​(​ស៊ឹង ស្រី​ពុំ​) ខឹង​អូសទាញ​ស្ត្រី​រងគ្រោះ​ឈ្មោះ​យាន ធី និង​ប្ដី​របស់​ស្ត្រី​រងគ្រោះ​នោះ ចូល​គណបក្ស​សង្គ្រោះ​ជាតិ​(​បក្សប្រឆាំង​)​ពុំបាន និង​ដោយសារ​បង្ខំ​ស្ត្រី​រងគ្រោះ អោយ​ផ្ដិតមេដៃ ធ្វើជា​សាក្សី​ករណី​រថយន្ត​របស់​ស​កម្ម​ជន​គណបក្សប្រឆាំង មក​ចត​ឃោសនា​លើដី​មួយកន្លែង​របស់​ពលរ​ដ្ឋ​ម្នាក់ ឈ្មោះ អ៊ុំ ស៊ុយ ជា​អ្នក​ស្រឡាញ់​គណបក្ស​ប្រជាជន​កម្ពុជា​។​

​ស្ត្រី​ឈ្មោះ​ឡុង បូ​ផា បាន​អះអាងថា​ លោក​សំ វណ្ណា​រ៉ា និង​ភរិយា​ឈ្មោះ ស៊ឹង ស្រី​ពុំ បាន​បង្ខំ​អោយ​គាត់ និង​បង្ខំ​ប្ដី​ប្រពន្ធ​ពីរ​នាក់​នេះ (​យាន ធី និង​ផាន់ ង៉ែត​) អោយចូល​គណបក្ស​សង្គ្រោះ​ជាតិ ប៉ុន្តែ​ពួកគាត់ ពុំ​ព្រម​ចូល​ទេ​។​
ស្ត្រី​រូបនេះ បាន​បន្តថា លោក​សំ វណ្ណា​រ៉ា និង​ភរិយា​ឈ្មោះ ស៊ឹង ស្រី​ពុំ  បាន​ជេរប្រមាថ ដៀល​ត្មិះ​ពួកគាត់​ថា ” ល្ងង់​ភ្លើ នៅ​ងប់​នឹង​គណបក្ស​ស្រី​លើកជើង គណបក្ស​យួន​អោយ​អស់​ទឹកដី​ដល់​ណា​ទៀត​។ ពួក​ង៉ែ​ង​បើ​គណ​កប្ស​សង្គ្រោះ​ជាតិ​ឈ្នះ សមតែ​ត្បូងចប​, សម​តែ​ស៊ី​នំ​បញ្ចុក​១​ចាន​រួច​ជីក​អន្លង់​កប់​ទាំង​រស់​។  បើ​ពួក​អញចាញ់​ក៏​អញ​ជួល​គេ​អោយ​វ៉ៃ​ពួក​ង៉ែ​ង​ងាប់​ដែរ “​។​
​    ​
​ លោក​ខាត់ ធា នាយករង​រដ្ឋបាល​ក្រុង​ប៉ោយប៉ែត ដែល​ស្ថិត​នៅនឹងកន្លែង​កើតហេតុ​ការណ៍​នោះ និង​បាន​ជូន​ស្ត្រី​រងគ្រោះ​ទៅ​មន្ទីរពេទ្យ  បាន​និយាយថា​ ករណី​ប្រព្រឹត្ត​អំពើ​ហឹ​ង្សា​នេះ បានកើត​តាំង​ពីមុន​យុទ្ធនា​ឃោសនាបោះឆ្នោត​មកម្ល៉េះ ដោយសារ​លោក​សំ វណ្ណា​រ៉ា និង​ភរិយា ជា​សកម្មជន​គណបក្ស​សង្គ្រោះ​ជាតិ អូសទាញ​អោយ​ស្ត្រី​រងគ្រោះ ប្ដី​របស់​ស្ត្រី​រងគ្រោះ និង​ស្ត្រី​ម្ចាស់ផ្ទះ​លក់​កាហ្វេ ព្រមទាំង​ពលរដ្ឋ​នៅ​សហគមន៍​នោះ ឲ្យ​ចូលរួម​និង​គាំទ្រ​គណបក្ស​សង្គ្រោះ​ជាតិ ដែលជា​គណបក្សប្រឆាំង ហើយ​ពួកគេ​មិន​ព្រម​ចូល​តាម​ការអូសទាញ​នោះ ។​
​ ដោយសារ​មាន​គំនុំ​អំពី​រឿងនេះ ទើប​នៅ​ល្ងាច​ថ្ងៃទី​១៩ កក្កដា​នេះ ស្ត្រី​ដៃដល់​ឈ្មោះ​ស៊ឹង ស្រី​ពុំ បាន​ស្ទុះ​ទៅ​វាយដំ​លើ​ស្ត្រី​រងគ្រោះ ដែល​កំពុង​ដើរ​តាមផ្លូវ​ដោយ​ពុំ​ដឹងខ្លួន​មុន (​គឺ​វាយដំ តប់​គក់ ខ្លាំងៗ​ត្រង់​កញ្ចឹងក​, ក្បាល​, ភ្នែក និង​ចាប់​បោចសក់​អូស ប្រហែល​៥​ម៉ែត្រ​) បណ្ដាលអោយ​ស្ត្រី​រងគ្រោះ​ដេក​ស្ដូកស្ដឹង ហើយ​ត្រូវបាន​គេ​នាំទៅដល់​មន្ទីរពេទ្យបង្អែក​ក្រុង​ប៉ោយប៉ែត ។​
​ដោយសារ​ស្ថានភាព​អ្នក​ជម្ងឺ មាន​សភាព​វង្វេង និង​ធ្ងន់ធ្ងរ លោក​ទ្រី ណារិន អភិបាល ខេត្ត​បន្ទាយមានជ័យ បាន​បញ្ជា​អោយ​នាំ​ស្ត្រី​រងគ្រោះ ទៅ​មន្ទីរពេទ្យបង្អែក​ខេត្ត​មិត្តភាព កម្ពុជា​-​ជប៉ុន មង្គល​បូរី កាលពី​វេលា​ម៉ោង​៨​យប់ នា​ថ្ងៃ​ដដែល​នោះ ។​
​   ​
​លោក​វេជ្ជបណ្ឌិត សាយ​-​រដ្ឋា គ្រូពេទ្យ​ផ្នែក​សង្គ្រោះបន្ទាន់ នៃ​មន្ទីរពេទ្យបង្អែក​ខេត្ត មិត្តភាព​កម្ពុជា​-​ជប៉ុន មង្គល​បូរី នៅ​យប់​ថ្ងៃទី​១៩ កក្កដា​ថា​ ស្ត្រី​ឈ្មោះ យាន ធី អាយុ​២៧​ឆ្នាំ មាន​សភាព​វង្វេង ក្អួត ឈឺក្បាល និង​ឈឺ​ត្រង់​-​ក យ៉ាងខ្លាំង ដោយ​រង​នូវ​ទម្ងន់​ខ្លាំង​ប៉ះទង្គិច​ត្រង់​ក​ញ្ចឹ​ង ក​, ក្បាល និង​ភ្នែក ក្នុងនោះ​មានពក​ក្បាល​១​កន្លែង និង​ហូរឈាម​ពី​ច្រមុះ​ផងដែរ ។​
​    ​
​ដោយឡែក នៅ​ព្រឹក​ថ្ងៃទី​២០​កក្កដា​នេះ លោក​វេជ្ជបណ្ឌិត សាយ រដ្ឋា បាន​និយាយ​បន្តថា​ “​អ្នក​ជម្ងឺ បានដឹងខ្លួន និយាយបាន​តិចៗ​វិញ មិនអាច​រង​ប៉ះពាល់​ដល់​ជីវិត​ទេ​។ ប៉ុន្តែ​ដោយ​ជម្ងឺ​ស្ថិតក្នុង​សភាព​ធ្ងន់ធ្ងរ​នៅឡើយ ពេទ្យ​ចាំបាច់​តាមដាន និង​សង្គ្រោះបន្ទាន់​ជា​បន្តទៀត​” ។​
​    ​
​លោក​ចៅ វាសនា ចៅ​រង​សង្កាត់​ប៉ោយប៉ែត មកពី​គណបក្ស​សង្គ្រោះ​ជាតិ នៅ​ថ្ងៃទី​២០ កក្កដា​ថា​ករណី​ស្ត្រី​ឈ្មោះ ស៊ឹង ស្រី​ពុំ ប្រពន្ធ​លោក សំ វណ្ណា​រ៉ា ជា​អនុប្រធាន​ប្រតិបត្តិ​គណបក្ស​សង្គ្រោះ​ជាតិ​ក្រុង​ប៉ោយប៉ែត និង​ស្ត្រី​រងគ្រោះ​ឈ្មោះ យាន ធី នោះ ជា​រឿង​បុគ្គល​ឈ្លោះ និង​វាយតប់​គ្នា ពុំ​ពាក់ព័ន្ធ​រឿង​នយោបាយ​ទេ​។ លោក​ក៏​ពុំ​ដឹង​ច្បាស់ ព្រោះ​លោក​ជាប់រវល់​ទៅ​ភ្នំពេញ ចូលរួម​ទទួល​លោក​សម រង្ស៊ី​។​
​    ​
​ ឯ​លោក​សំ វណ្ណា​រ៉ា អនុប្រធាន​ប្រតិបត្តិ​គណបក្ស​សង្គ្រោះ​ជាតិ​ក្រុង​ប៉ោយប៉ែត ដែលជា​ប្ដី​របស់​ស្ត្រី​ដៃដល់​ឈ្មោះ ស៊ឹង ស្រី​ពុំ កាលពី​ថ្ងៃទី​១៩ កក្កដា​ថា​ នៅ​ព្រលប់​ថ្ងៃទី​១៩ កក្កដា មាន​រថយន្ត​របស់​ក​ម្លាំ​ង​ប៉េអឹម​, ប៉ូលីស និង​មន្ត្រី​អាជ្ញាធរ​ដែនដី ប្រហែល​៣០​គ្រឿង ដឹក​កម្លាំង​ទៅ​ព័ទ្ធ​ផ្ទះ​គាត់ ហើយ​ចាប់ខ្លួន​ប្រពន្ធ​គាត់ ដោយ​ចោទ​ពីបទ​បង្ក​អំពើ​ហឹ​ង្សា​។

​លោក សំ វណ្ណា​រ៉ា បានចាត់ទុក​ទង្វើ​នោះ​ថា ជា​អំពើ​សំឡុត​បំបាក់ស្មារតី ព្រោះ​រឿង​ហឹ​ង្សា​តូចតាច រវាង​ស្រីៗ វាយ​គ្នា​ធម្មតា​សោះ​។ លោក​ទទួលស្គាល់ថា រឿងហេតុ​មកពី​គណបក្ស​សង្គ្រោះ​ជាតិ  ចាក់​មីក្រូ​ឃោសនា​បង្វែរ​ចំ​ផ្ទះ​លក់​កាហ្វេ​របស់​ស្ត្រី​ឈ្មោះ ឡុង​-​បូ​ផា​។ ពាក់ព័ន្ធ​មីក្រូ​ឃោសនា និង​ការ​ជេរ​បញ្ចោរ​ប្រមាថ​គ្នា​រឿង​គាំទ្រ​នយោបាយ​គណបក្ស ស្ត្រី​រងគ្រោះ បាន​ជេរ​លោក​, ប្រពន្ធ​លោក និង​គណបក្ស​លោក ទើប​ប្រពន្ធ​ខ្លួន ទ្រាំ​ពុំបាន ក៏​វាយដំ​អោយ​ស្គាល់​ដៃ​តែម្ដងទៅ ។​

​លោក​សំ វណ្ណា​រ៉ា បាន​បដិសេធថា​: លោក​និង​ភរិយា ពុំបាន​បង្ខំ​អោយ​ស្ត្រី​រងគ្រោះ​, ប្ដី​នាង និង​ស្ត្រី​លក់​កាហ្វេ ចូលរួម​នឹង​គណបក្ស​សង្គ្រោះ​ជាតិ​ឡើយ​។​
​លោក​សំ វណ្ណា​រ៉ា បាន​និយាយថា លោក​មិន​រវល់​ជាមួយនឹង​ប្រពន្ធ​របស់លោក​ទេ ទុកអោយ​សមត្ថកិច្ច​ធ្វើការ​តាមច្បាប់​ចុះ ។​
​    ​
​ ឯ​សមត្ថកិច្ច និង​អាជ្ញាធរ​វិញ បាន​អះអាងថា​ ស្ត្រី​ដៃដល់ ប្រើ​អំពើ​ហឹ​ង្សា​ឈ្មោះ ស៊ឹង ស្រី​ពុំ ត្រូវបាន​ចាប់ខ្លួន​បញ្ជូន​ដល់​ស្នងការដ្ឋាន​នគរបាល​ខេត្តហើយៗ​កំពុង​អង្កេត និង​កសាង​សំនុំរឿង​បញ្ជូន​បន្តទៅ​តុលាការ ៕

 

Copyright © 2010-2021 · អរិយធម៌ · All Rights Reserved.
Develop by Sek Sathya