ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក ស៊ីន គង់ អភិបាលស្រុកស្រីសន្ធរ និងលោក សុខ យ៉េន អធិការនគរបាលស្រុក រងការចោទប្រកាន់ពីប្រជាពលរដ្ឋឃុំព្រែកដំបូកថា ជាអ្នកនៅពីក្រោយខ្នងនៃការឈូសឆាយដីព្រៃលិចទឹក របស់រដ្ឋរាប់សិបហិកតាធ្វើកម្មសិទ្ធិ?​  ||     ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||   

» Breaking News, ព័ត៌មានជាតិ » តុលា​ការចេញ​សាលក្រម​បង្គាប់​ឲ្យ​សង​សំណង​ទូទាត់​ដល់​តារាចម្រៀង ខេមរៈ សិរីមន្ត និង​អ្នកពាក់ព័ន្ធ​ជាង​១៣​ម៉ឺន​ដុល្លារ

តុលា​ការចេញ​សាលក្រម​បង្គាប់​ឲ្យ​សង​សំណង​ទូទាត់​ដល់​តារាចម្រៀង ខេមរៈ សិរីមន្ត និង​អ្នកពាក់ព័ន្ធ​ជាង​១៣​ម៉ឺន​ដុល្លារ

ព្រះសីហនុ៖ នៅ​រសៀល​ថ្ងៃសុក្រ ទី ១៩ កក្កដា ម្សិលមិញ​នេះ សាលាដំបូង​ខេត្ត​ព្រះសីហនុ បានប្រកាស​ចេញ​សាលក្រម​ក្នុង​សវនាការ​លើ​ករណី​ពាក់ព័ន្ធ​នឹង​សំណុំ​គ្រោះ​ថ្នាក់​ចរាចរណ៍​យ៉ាងធ្ងន់ធ្ងរ​របស់​ក្រុម​តារាចម្រៀង ផលិតកម្ម​សាន់​ដេ លោក ខេមរៈ សេរី​មន្ត ដោយ​តុលាការខេត្ត​ព្រះសីហនុ​បាន​បង្គាប់​ឲ្យ​ក្រុមហ៊ុន SK (​សុខ កន​)​ដែលជា​អ្នកបង្ករ​ហេតុ និង​ក្រុមហ៊ុន​ធានារ៉ាប់រង កាំ​មីន​កូ រួមគ្នា​សង​សំណង​ទូទាត់​ដល់​ជនរង​គ្រោះ​​សរុប​ជាង ១៣ ម៉ឺន​ដុល្លារ​សហរដ្ឋអាមេរិក និង​ត្រូវ​សម្រេច​ផ្តន្ទាទោស​អ្នកបើកបរ​រថយន្ត​កុងតឺន័រ​ដាក់ពន្ធនាគា​រ​ចំនួន៣ ឆ្នាំ​។

មេធាវី​ការពារ​ក្តី​ឲ្យ​ជនរងគ្រោះ​លោក ឡេង លី​ហ៊ួ បាន​ប្រាប់​អ្នកសារព័ត៌មាន​អរិយធម៌​ថា ការបង្គាប់​ឲ្យ​ក្រុមហ៊ុន SK សង​សំណង​លើ​តារាចម្រៀង​ខេមរៈ សិរីមន្ត​ចំនួន ៨៥ ០០០​ដុល្លារ​ដែល​ក្រុមហ៊ុន​ធានារ៉ាបរង​កាំ​មីន​កូ​ជួយ​ចេញសង ៥០០០ ដុល្លារ​, សង​សំណង​ដល់​​តារា​កំប្លែង​យាយ ណា​ង ២៥ ០០០ ដុល្លារ ដោយ​ក្រុម​ធានារ៉ាប់រង​កាំ​មីន​កូ​ជួយ​សង ៥០០០ ដុល្លារ និង​សង​សំណង​ដល់​តារា​កំប្លែង​នាយ​កុយ និង​ជនរងគ្រោះ​ផ្សេងទៀត​ចំនួន ២៣ ០០០ ដុល្លារ​អាមេរិក​ដោយសា​លា​ដំបូង​ខេត្ត​ព្រះសីហនុ​។ លោក​បាន​បន្តថា «​កាត់ក្តី​ដោយ​តុលាការ​បង្គាប់​សង​សំណង​ចំនួន​ទឹកប្រាក់​ប៉ុន​នេះ គឺ​កូនក្តី​របស់លោក​អាច​ទទួលយកបាន​»​។

​បញ្ជាក់ថា សវនាការ​ប្រកាស​សាលក្រម​កាលពី​ម្សិលមិញ​នេះ គឺ​មិនមាន​ចូលរួម​ស្តាប់​អង្គ​សវនាការ​តារាចម្រៀង​ខេមរៈ សិរីមន្ត តារា​កំប្លែង​យាយ​ណា​ង និង​នាយ​កុយ​ឡើយ​។ ហើយ​​ចំណែកឯ ភាគី​ក្រុមហ៊ុន និង​តំណាង​មេធាវី​មិន​ពុំ​អាចទាក់ទង​ដើម្បី​សុំ​ការបំភ្លឺ​បានទេ​។

​គួរ​រំឭក​ផងដែរ​ថា កាលពី​វេលា​ម៉ោង ៨ និង ៣០ នាទី​យប់​ថ្ងៃទី​៧ ខែមីនា ឆ្នាំ ២០១៣ កន្លងទៅ តារាចម្រៀង ខេមរៈ សេរី​មន្ត រួម​ជាមួយនឹង​ក្រុមការងារ ៨ នាក់​(​រួមមាន​ក្មេង​ម្នាក់​) បានធ្វើ​ដំណើរ តាម​រថយន្ត Tundra ពណ៌​ស​ពី​ភ្នំពេញ​ទៅ​ខេត្ត​ព្រះសីហនុ ដើម្បី​ច្រៀង​នៅក្នុង​ការប្រគំ​តន្ត្រី​មួយ​ហើយក៏​ជួប​គ្រោះថ្នាក់ ចរាចរណ៍​ដ៏​រន្ធត់​មួយ​នៅលើ​ផ្លូវជាតិ​លេខ​៤ ត្រង់ចំណុច​គីឡូម៉ែត្រ ២១១-២១២ ស្ថិតក្នុង​ភូមិ​ពូ​ធឿ​ង ឃុំ​បិត​ត្រាំ​ង ព្រៃនប់ ព្រះសីហនុ​។​

​គ្រោះថ្នាក់​ដ៏​រន្ធត់​នេះ​បង្កឡើង​ដោយ​រថយន្ត​កុងតឺន័រ​ក្រុមហ៊ុន SK បុក​ពេញទំហឹង​ទៅលើ​រថយន្ត​Tundra របស់​ខេមរៈ សេរី​មន្ត បណ្តាល​ឲ្យ​ក្រុមការងារ​របស់​ពួកគេ​ស្លាប់ ៤ នាក់​ភ្លាមៗ ក្នុងនោះ​មានកូន​ប្រុស​តារា​កំប្លែង​ល្បីឈ្មោះ​នាយ កុយ ម្នាក់ និង​កូនប្រុស​តារា​ចម្រៀង​​អា​យ៉ៃ​យាយ ណា​ង ម្នាក់​ផងដែរ​៕ ដោយៈ មករា​តូច

Copyright © 2010-2021 · អរិយធម៌ · All Rights Reserved.
Develop by Sek Sathya