ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » អគារ​មន្ទីរ​ពេទ្យ​ស្រុក​ពញាឮ​ត្រូវ​បានសម្ពោធ​ដាក់​ឱ្យ​ប្រើប្រាស់

អគារ​មន្ទីរ​ពេទ្យ​ស្រុក​ពញាឮ​ត្រូវ​បានសម្ពោធ​ដាក់​ឱ្យ​ប្រើប្រាស់

កណ្ដាល៖បន្ទាប់ពីធ្វើការជួសជុលអគារ រួចរាល់មន្ទីរពេទ្យស្រុកពញាឮ​ នៅព្រឹកថ្ងៃទី១៩ ខែកក្កដាឆ្នាំ២០១៣ បានធ្វើពិធីសម្ពោធ​ដាក់ឲ្យប្រើប្រាស់​ជាផ្លូវការ ដំណើរការពិនិត្យនិង ព្យាបាលអ្នកជំងឺក្រោមវត្តមាន លោកលឹមគានហោ រដ្ឋមន្ដ្រីក្រសួងធនធានទឹក និង ឧតុនិយម  និងលោកស្រីព្រមទាំងមន្ដ្រីពាក់ព័ន្ធជាច្រើននាក់ផ្សេងទៀត។

លោក ចាន់ យុត្ថា នាយកខុទ្ទកាល័យក្រសួងធនធានទឹកបានឱ្យដឹងថាក្រោយ​ពីមើល ឃើញថា នៅទូទាំងស្រុកពញាឭមានត្រឹមតែកម្រិតមណ្ឌលសុខភាព ទើបលោក រដ្ឋមន្ដ្រីលឹមគានហោ បានបង្កើតមូលនិធិដែលមានឈ្មោះថាមូលនិធិតាហោតាម រយៈការចូលរួមឧបត្ថម្ភពីរូបលោកក្រុមគ្រួសារ និងប្រជាពលរដ្ឋមួយចំនួនទាំង នៅក្នុង ប្រទេសនិងនៅបរទេសបានមូលមតិគ្នាជួសជុលអគារមន្ទីរពេទ្យ ដែលចាស់ទ្រុឌទ្រោម ចំនួន៤អគារមាន៤០បន្ទប់។

លោកចាន់ យុត្ថា បានបន្ដថាជាមួយគ្នានេះអគារថ្មីមួយរបស់មន្ទីរពេទ្យដែលមានពីរជាន់ ស្មើនឹង២០បន្ទប់គឺជាអំណោយដ៏ថ្លៃថ្លារបស់សម្ដេចតេជោហ៊ុនសែន និងសម្ដេចកិត្ដិ ព្រឹទ្ធបណ្ឌិតក៏បានផ្ដល់ជូនមន្ទីរពេទ្យនេះផងដែរ។លោកបន្តថាប្រជាពលរដ្ឋអាចទៅ ពិនិត្យនិងព្យាបាលជំងឺចាប់ពីថ្ងៃនេះតទៅនៅមន្ទីរពេទ្យស្រុកពញាឮ ដោយឥតគិត ថ្លៃ ហើយក្នុងនោះ មានការព្យាបាលលើជំងឺ៤ប្រភេទរួមមានផ្នែកកុមារផ្នែកទូទៅផ្នែក សម្ពពនិងរោគស្ដ្រី ដែលមានវេជ្ជបណ្ឌិតចំនួន៧រូបពេទ្យមធ្យម២រូបនិងពេទ្យឆ្មប មួយចំនួនទៀត។

លោកចាន់យុត្ថា បានបន្ដទៀតថាមានវេជ្ជបណ្ឌិតឯកទេសផ្សេងៗនឹងចូលរួមមក ព្យាបាលជំងឺជូន ប្រជាពលរដ្ឋនៅមន្ទីរពេទ្យនេះ។ នៅ​ចំ​ពោះ​មុខក្រុមគ្រូពេទ្យនិងមន្ដ្រី ដែលបានចូលរួមលោកលឹមគានហោ បានមានប្រសាសន៍ថាការដាក់ឱ្យដំណើរការ នៃការពិនិត្យនិងព្យាបាលជំងឺរបស់ប្រជាពលរដ្ឋខាងលើនេះ គឺដើម្បីចូលរួមចំណែក លើកកម្ពស់សេវាសុខភាពជូនប្រជាពលរដ្ឋ និងបងប្អូនទាំងអស់នៅទូទាំងស្រុកពញាឮ និងតំបន់ផ្សេងទៀតដែលមកសម្រាកនិងព្យាបាលនៅទីនេះ។

លោកលឹមគានហោ ក៏បានប្រគល់រថយន្ដសង្គ្រោះបន្ទាន់ចំនួន២គ្រឿងជូនដល់ មន្ទីរ ពេទ្យ ដើម្បីជួយដឹកជញ្ជូនប្រជាពលរដ្ឋណាដែលមានស្ថានភាពធ្ងន់ធ្ងរទៅកាន់មន្ទីរ ពេទ្យក្នុងរាជធានីភ្នំពេញ។

ក្នុងឱកាសនោះដែរ លោករដ្ឋមន្រ្តីក៏បានចុះត្រួតពិនិត្យការដ្ឋានសាងសង់អគារថ្មីនៅមន្ទីរ ពេទ្យដែលជាអំណោយដ៏ថ្លៃថ្លា របស់សម្ដេចតេជោហ៊ុនសែននិងសម្ដេច កិត្ដិព្រឹទ្ធបណ្ឌិត ជូនដល់ប្រជាពលរដ្ឋនៅស្រុកពញាឮ ដែលបានបង្ហាញពីការយកចិត្ដទុកដាក់របស់ មន្រ្តីគណបក្សប្រជាជនកម្ពុជា និងក្រុមការងារជួយប្រជាពលរដ្ឋតាមរយៈការបម្រើ ជូននូវសេវាសុខភាពដោយឥតគិតថ្លៃ៕

ដោយ៖ វិជ្ជា

 

Copyright © 2010-2021 · អរិយធម៌ · All Rights Reserved.
Develop by Sek Sathya