ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||   

» Breaking News, ព័ត៌មានជាតិ » មេ​គយ​ដុះ​ស្លែ ច្រក​ត្រពាំង​ផ្លុ​ង​មិន​ខ្វល់​ពី​ការបាត់បង់​ចំណូល​ពន្ធ​ ​

មេ​គយ​ដុះ​ស្លែ ច្រក​ត្រពាំង​ផ្លុ​ង​មិន​ខ្វល់​ពី​ការបាត់បង់​ចំណូល​ពន្ធ​ ​

ភ្នំពេញ​៖ បន្ទាប់ពី​មានការ​ផ្លាស់ប្តូរ​មន្ត្រី​គយ ឬ​មេ​គយ​តាម​បណ្តា​ខេត្ត​មួយចំនួន និង ការផ្លាស់ប្តូរ​តំណែង មេ​គយ​ចល័ត​ដាក់​លោក កើត សុធា​រ៉ា ជា​មេ គយ​ចល័ត​ជំនួស​លោក កែវ សុខ​ឃាង មក​គេ​នៅតែ​ឃើញ​វត្តមាន​មេ គយ​ប្រចាំ​ច្រក​ត្រពាំង​ផ្លុ​ង ដែល​គេ និយាយថា ជា​មេ​គយ​ដុះ​ស្លែ​ឈ្មោះ វ៉ូ វណ្ណា ជា​ដដែល គឺ​ពុំមាន​ការផ្លាស់ប្តូរ​ទេ​។​
​ប្រភពពី​ក្រុម​ឈ្មួញ​រកស៊ី​ដឹកទំនិញ តាម ច្រក​ត្រពាំង​ផ្លុ​ង ភាគច្រើន​សុទ្ធតែ​បាន​ស្គាល់​ថា លោក វ៉ូ វណ្ណា ជា​ប្រធាន ការិយាល័យ​គយ និង​រដ្ឋាករ​ប្រចាំ​ច្រក​អន្តរជាតិ​ត្រពាំង​ផ្លុ​ង ស្រុក​ពញា ក្រែក ខេត្តកំពង់ចាម ស្ទើរ​គ្រប់ៗ​គ្នា​។ លោក​នេះ បាន​កាន់តំណែង​ឡើង​ដុះ​ស្លែ បើទោះបីជា​ធ្លាប់ មានរឿង​អាស្រូវ បើក​ឱ្យ​ឈ្មួញ​នាំ​កាកសំណល់​អេឡិចត្រូនិក ពី​ប្រទេស​វៀតណាម​ដោយ​ខុសច្បាប់​ក៏ដោយ ។​
​អគ្គនាយក គយ​និង​រដ្ឋាករ ធ្លាប់បាន​ដាក់ចេញ​នូវ គោលការណ៍​ប្តូរ​វេន​សម្រាប់​មន្ត្រី​គយ ប្រចាំការ​តាម​ប៉ុស្តិ៍ និង​ច្រក​អន្តរជាតិ នានា  ដែល​មិនឱ្យ​លើសពី​២​អាណត្តិ នោះទេ ត្រូវ​ចាប់ឆ្នោត​ផ្លាស់​វេន ប៉ុន្តែ សម្រាប់​លោក​វ៉ូ វណ្ណា នៅតែមាន ឱកាស​កាន់តំណែង​ជា​មេ​គយ ប្រចាំ ច្រក​ត្រពាំង​ផ្លុ​ង​ទី​ដែលមាន​ការដឹក ជញ្ជូន​ទំនិញគេចពន្ធ មកពី​វៀតណាម​យ៉ាង​អនាធិបតេយ្យ​និង​ការនាំចេញ ឈើ​ខុសច្បាប់​យ៉ាង​គគ្រឹកគគ្រេង រាប់ ទសវត្សរ៍​មកហើយ ដែល​ភាសា​សាមញ្ញ​គេ​អាច​និយាយថា បាន​លោក​វ៉ូ វណ្ណា បានធ្វើ​ប្លង់រឹង​កាន់កាប់​តំណែង ជា​មេ​គយ​ច្រក​ត្រពាំង​ផ្លុ​ង គ្មាន​នរណា​អាចមក ដណ្តើម​បានឡើយ ។ លោក វ៉ូ វណ្ណា​បាន​ជួយ​សម្របសម្រួល ឱ្យ​ក្រុម​ឈ្មួញ ទាំង​តូច​ទាំង​ធំ នាំចូល​ទំនិញ​គ្រប់​ប្រ ភេទ​មកពី​ប្រទេស​វៀតណាម​តាមតែ​អំពើ​ចិត្ត មិនដែល​ខ្វល់ខ្វាយ ពី​ការខាតបង់​ចំណូល​ថវិកាជាតិ​នោះទេ ។​
​ជាក់ស្តែង គឺ​ការឃុបឃិត នាំចូល​ទំនិញ​កាក​សំ ណ​ល់​នាពេល​កន្លងមក ។​ក្រុម​ឈ្មួញ​បាន​អនុវត្តន៍ តាម​សេចក្តីណែនាំ ឬ នីតិវិធី នៃ​ការ​បង់លុយ តាម​ការតម្រូវ​របស់​លោក វ៉ូ វណ្ណា ហើយ​ជាធម្មតា ច្រកព្រំដែន​អន្តរជាតិ​ត្រពាំង​ផ្លុ​ង មាន​សភាព​ស្ងប់ស្ងាត់ នៅពេល​ថ្ងៃ គឺមាន តែ​ប្រជាពលរដ្ឋ ធ្វើដំណើរ​ឆ្លងកាត់ ព្រំដែន​ហើយក៏​មានការ​នាំ​ទំនិញ​តាម ម៉ូតូ ឬ​ដឹក​តាម​រទេះ​បន្តិចបន្តួច​ប៉ុណ្ណោះ​ប៉ុន្តែ​នៅពេល​ព្រះអាទិត្យ ចាប់ផ្តើម លិច​ផុត​ម៉ោង​រដ្ឋបាល គេ​សង្កេតឃើញ​រថយន្ត​យី​ឌុប​ទាំង​ខ្សែៗ របស់​ឈ្មួញ ទាំង​តូច​ទាំង​ធំ ធ្វើដំណើរ​ឆ្លងកាត់​ព្រំដែន​ត្រពាំង​ផ្លុ​ង យ៉ាង​សុខ​ស្រួល គ្មាន ការត្រួតពិនិត្យ​នោះទេ ។​
​គេ​និយាយថា លោក​វ៉ូ វណ្ណា បាន​ចាត់តាំង​មនុស្ស​ជំនិតៗ របស់ខ្លួន ឱ្យកាន់ការ​ងារ​ផ្នែក​ត្រួតពិនិត្យ​ទំនិញ និង​ការបំពេញ​ឯកសារ សម្រាប់​បង់ពន្ធ ដែល​មុនពេល​មានការ​រឹតបន្តឹង​គ្រឿង សំណង់​គ្រឿង​អេឡិចត្រូនិក ថ្នាំពេទ្យ គ្រឿង​ចាប់ហួយ​និង​ប្រភេទ​ទំនិញ វិនិយោគ ដែល​ពន្ធអាករ​ជា​បន្ទុក​របស់  រដ្ឋ​ត្រូវបាន​នាំចូល​យ៉ាង​អនាធិបតេយ្យ ដែល​ប្រភេទ​ទំនិញ​ខ្លះ បង់ពន្ធ​មិន​ដល់​១៥​ភាគរយ​ផង​ទេ ។ ដើម្បី​ងាយស្រួល គ្រប់គ្រង​ចំណូល​លោក វ៉ូ វណ្ណា ក៏បាន​ចាត់តាំង​មន្ត្រី ឱ្យ​ចុះទៅ​កាន់​បា​រ៉ា​ស់ ឈរជើង ជាមួយ​មន្ត្រីនគរបាល​អន្តោប្រវេសន៍​របស់លោក កើត ដា​រ៉ាស៊ី ចាំ​កោសរូស បង្ខំ​ឱ្យ​ប្រជាពលរដ្ឋ​បង់ លុយ​សម្រាប់​ការឆ្លង​ដែន​ទៅកាន់​ប្រទេស​វៀតណាម ឬ​ការទិញ​ទំនិញ​បន្តិចបន្តួច​ដាក់​តាម​ខ្លួន​ចូលមកក្នុង​ប្រទេស​កម្ពុ​ជា​វិញ ដោយ​គ្មាន​ការយោគយល់​អ្វី​ឡើយ ។​
​ប្រភពពី​ក្រុម​ឈ្មួញ បាន​បន្តថា​ដោយ ឡែក​ការនាំចេញ​ឈើ​ខុសច្បាប់ តាម​ច្រករបៀង​ក្បែរ​នោះ ក៏​ស្ថិតក្នុង​ភូមិសាស្ត្រ​គ្រប់គ្រង​របស់លោក វ៉ូ វណ្ណា​កំពុងដំណើរការ​ដោយ​សុខ​ស្រួល ក៏ ព្រោះតែ​លោក វ៉ូ វណ្ណា គឺជា​អ្នក​បោះ​មេ​ប្រចាំ​ច្រកព្រំដែន​ត្រពាំង​ផ្លុ​ង ។​
​មន្ត្រី​គយ​ផ្សេងទៀត ចង់ឃើញ​អគ្គនាយក គយ​និង​រដ្ឋាករ​លោក ប៉ែន ស៊ីម៉ន ពិសេស​លោក អូន ព័ន្ធមុន្នីរ័ត្ន រដ្ឋមន្ត្រី​ថ្មី នៃ​ក្រសួង​សេដ្ឋកិច្ច​និង​ហិរញ្ញវត្ថុ ធ្វើការ ផ្លាស់ប្តូរ​តំណែង​លោក វ៉ូ វណ្ណា ចេញពី​ច្រកព្រំដែន​ត្រពាំង​ផ្លុ​ង ហើយ​ដាក់ ជំនួស ដោយ​មន្ត្រី​គយ ដែល​ស្អាតស្អំ​ទើប​គេ​សង្ឃឹមទុក​ចិត្ត​ថា អាច​នឹង​ជួយ ឱ្យមាន​កំណើន​ចំណូល​ដល់​ថវិកាជាតិ ទៅតាម​ការ​រឹតបន្តឹង​របស់​រដ្ឋាភិបាល​បាន​៕

Copyright © 2010-2021 · អរិយធម៌ · All Rights Reserved.
Develop by Sek Sathya