ភ្នំពេញ ៖ នៅថ្ងៃទី២៤ មេសា ២០១៤ថា លោក សម រង្ស៊ី និង លោក កឹម សុខា នឹងវិលមកប្រទេសកម្ពុជាវិញនៅថ្ងៃទី២៨ ឬ ២៩ មេសា សបា្តហ៍ក្រោយនេះ ។
លោក យ៉ែម បុញ្ញប្ញទ្ឋិ បង្ហើបឲ្យដឹងបែបនេះ ធ្វើឡើងទន្ទឹមគ្នានឹងមន្ត្រីជាន់ខ្ពស់គណបក្សប្រជាជនកម្ពុជា លោក ជាម យៀប បានប្រាប់កោះសន្តិភាពតាមទូរសព្ទ័នៅរសៀលថ្ងៃព្រហស្បតិ៍នេះដែរថា នៅចុងខែមេសាខាងមុខនេះ អាចនឹងមានជំនួបកំពូលរវាងមេដឹកនាំគណបក្សទាំងពីរ ដើម្បីដោះស្រាយបញ្ហានានាដែលមិនទាន់បានឯកភាពគ្នា ។
បើតាមនាយករដ្ឋមន្ត្រីស្តីទី លោក ស ខេង បានប្រាប់ក្រុមអ្នកកាសែតនៅក្រោយបញ្ចប់ពិធីប្រកាសតែងតាំង និង ចូលកាន់មុខតំណែងអគ្គនាយកនៃអគ្គនាយកដ្ឋានអន្តោប្រវេសន៏ អគ្គនាយកនៃអគ្គនាយកដ្ឋានអត្តសញ្ញាណកម្ម ប្រធានបណ្ឌិតសភានគរបាលកម្ពុជា និង តែងតាំងលោក ម៉ា ឈឿន ជាអនុរដ្ឋលេខធិការក្រសួងមហាផ្ទៃ នៅទីស្តីការក្រសួងមហាផ្ទៃ ថ្ងៃទី២៤ មេសា ២០១៤ថា បើមានជំនួបកំពូល តើនិយាយរឿងអី ចាប់ផ្តើមពីត្រង់ណា ពីព្រោះយើងបានធ្វើអស់ហើយ តាំងពីក្រោមដល់កំពូល ដល់ទីបំផុតនាំគ្នាទាត់ចោល ៕
