ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » លោក អ៊ឹង សុង​យូ កំពុង​ល្បី​រឿង​កើប​លុយ​នៅ​ច្រក​បាវិត​ ​

លោក អ៊ឹង សុង​យូ កំពុង​ល្បី​រឿង​កើប​លុយ​នៅ​ច្រក​បាវិត​ ​

ស្វាយរៀង ៖​ប្រភពព័ត៌មាន​ពី​តំបន់​ព្រំដែន​កម្ពុជា វៀតណាម ច្រក​អន្តរជាតិ​បាវិត​បាន​ឲ្យ​ដឹងថា មន្ត្រីនគរបាល​អន្តោប្រវេសន៍ ដែល​គ្រប់គ្រង​ដោយ​លោក​វរសេនីយ៍ឯក​អ៊ឹង សុង​យូ បានចេញ​លិខិតឆ្លងដែន VIP ឲ្យ​ជនជាតិ​វៀតណាម​ដើម្បី​មាន​អាទិភាព​ចេញចូល​ឆ្លង ដែន ចូលមកក្នុង ទឹកដី​ខ្មែរ ដោយ​សេរី​តែម្តង ទង្វើ​នេះ គឺជា​អំពើពុករលួយ បាន​កើតមាន​យូរយារ ណាស់​មកហើយ​មិនទាន់មាន​ការកែទម្រង់ នៅឡើយ​ទេ ។​
​ប្រភពព័ត៌មាន ធ្លាយ​ចេញពី​មន្ត្រីប៉ូលិស អន្តោប្រវេសន៍​មួយរូប​សុំ​មិន​បញ្ចេញ​ឈ្មោះ បាន​បង្ហើប​ឲ្យ​ដឹងថា ចំពោះ​ជនជាតិ​វៀតណាម​ដែល​មក​បម្រើ​ការងារ តាម​កាស៊ីណូ​នៅ​ក្រុង​បាវិត រាប់រយ រាប់ពាន់នាក់​ចូលមក​ធ្វើការ ពេលព្រឹក ត្រឡប់​ទៅក្នុង​ទឹកដី​វៀតណាម វិញ​ល្ងាច ឬ​យប់​ពួកគេ​មាន​អាទិភាព​ចេញចូល​ឆ្លង ដែន ដោយ​សេរី​តែម្តង ដោយសារតែ​ជនជាតិ​វៀតណាម​ទាំងនោះ ត្រូវបាន​លោក​វរសេនីយ៍ឯក​អ៊ឹង សុង​យូ មេ​ប៉ុស្តិ៍​បានចេញ​លិខិតឆ្លងដែន VIP មាន​សុពលភាព​ពី​៦​ខែ​ទៅ​១​ឆ្នាំ​ឯណោះ ។​
​ច្រកទ្វារ​អន្តរជាតិ​បាវិត គឺជា​ច្រក​សេដ្ឋកិច្ច​ដែលមាន​ប្រភព​ចំណូល​មិនចេះ​រីងស្ងួត មាន​ចំណាត់ថ្នាក់​លេខ​២​បន្ទាប់ពី​ច្រកទ្វារ​អន្តរជាតិ​ប៉ោយប៉ែត ។ ច្រកទ្វារ​អន្តរជាតិ ខាងលើនេះ​ក៏​ជា​ច្រក​សេដ្ឋកិច្ច និង​ទេសចរណ៍ ដែល​គេ​ស​ង្កេ​ឃើញ​មាន ការដឹកជញ្ជូន​ទំនិញ​ជាច្រើន​ប្រភេទ ទាំង​ស្របច្បាប់ និង​ខុសច្បាប់ ក៏ដូចជា លំហូរ​ចូល​ភ្ញៀវ​ទេសចរណ៍ បរទេស​ដ៏​ច្រើនសន្ធឹក​សន្ធាប់​ក្នុង​មួយថ្ងៃៗ​ផងដែរ​។​ប្រភព​ដដែល បាន​ឲ្យ​ដឹង​ទៀតថា លោក​អ៊ឹង សុង​យូ​មេ​ប៉ុស្តិ៍​រូបនេះ មិនសូវ​ចូល​ប៊ុ​យ​រ៉ូ​ធ្វើការ ជាប់លាប់ ដូច​មេ​កើយ​មុនៗ​នោះទេ គឺ​ភាគច្រើន លោកនាយ ធ្វើ​ការងារ​ជាមួយនិង​មន្ត្រី ក្រោម​ឱវាទ​តាមរយៈ​ទូរស័ព្ទ​តែប៉ុណ្ណោះ ។​
​ករណី​ដូច​បាន​រៀបរាប់​ខាងលើនេះ គឺ​កើតមាន​ជា​យូរ​មកហើយ ដែល​លោក អ៊ឹង​សុង​យូ មិន​ត្រឹមតែ​ពាក់ព័ន្ធ អំពើពុករលួយ​ចេញ​លិខិតឆ្លងដែន​ឱ្យ​ជនជាតិ​វៀតណាម​ប៉ុណ្ណោះ​ទេ គាត់​រង​នូវ​ការ​រិះ គន់​យ៉ាងធ្ងន់ធ្ងរ​ពី​សមត្ថកិច្ច​ស្ថាប័ន​ផ្សេងៗ ខណៈដែល​គាត់​លូកដៃ​ចូល​កិច្ចការ​ផ្ទៃក្នុង​របស់​ស្ថាប័ន​ផ្សេង តាមតែ​ទំនើងចិត្ត ។​
​ក្នុង​អនុក្រឹត្យ​លេខ ៦៤ អនក្រ​.​បក ចុះ​ថ្ងៃទី​៩ ខែកក្កដា ឆ្នាំ​២០០១​នគរបាល អន្ដោប្រវេសន៍ មាន​តួនាទី​ត្រួតពិនិត្យ​អ្នកធ្វើដំណើរ​ចេញ​-​ចូល​ប្រទេស​(​មនុស្ស និង​ឯកសារ​ធ្វើដំណើរ​) និង​សហការ​ជាមួយ​ស្ថាប័ន​ពាក់ព័ន្ធ ប៉ុន្ដែ​លោក អ៊ឹង សុង​យូ​បាន​ជ្រៀត​ជ្រែកចូល​ការងារ ស្ថាប័ន​កាំកុងត្រូល​, ក្រសួងទេសចរណ៍​, នរគ​បាល​ទេសចរ​, ប្រធាន​ស្នាក់ការ​ច្រក​, នគរបាល​ទំនាក់ទំនង​ព្រំដែន​, គយ​និង​រដ្ឋាករ​, ពេទ្យសត្វ និង​ពេទ្យ​មនុស្ស ជាដើម ។​
​លោក អ៊ឹង សុង​យូ ក្នុងតួនាទី​ជា​នាយប៉ុស្ដិ៍​មាន​សិទ្ធិ​គ្រប់គ្រង​បា​រ៉ា​ស់​ផង​នោះ គាត់​អាច​ប្រមូល​ផលប្រយោជន៍​តាម​គ្រ​ប់ម​ធ្យោ​បាយ​ដូចជា អ្នកធ្វើដំណើរ​ចេញ​-​ចូល ទំនិញ​គ្រប់​ប្រភេទ​ទាំង​រថយន្ដ​តូច ធំ ត្រូវតែ​បង់ប្រាក់​ក្បាល​ឡាន ទើប​អាច​ឆ្លងកាត់​បាន ។​គេ​ល្បី​ជា​យូរ​មកហើយ​ថា លោក អ៊ឹង សុង​យូ បាន​ឃុបឃិត​ឲ្យ​មាន​ការហូរចូល​ទំនិញគេចពន្ធ និង​បិទ​ភ្នែក​ឲ្យ​រថយន្ដក្រុង​ដឹក​អ្នកដំណើរ​បង្កប់​ទំនិញ​គេចពន្ធ ចូល​ស្រុក​ខ្មែរ​យ៉ាង​អនាធិបតេយ្យ​។​ចំណូល​យ៉ាងច្រើន​សន្ធឹកសន្ធាប់​ក្នុង​មួយខែៗ បាននិងកំពុង​ធ្វើ​ឲ្យ​លោក អ៊ឹង សុង​យូ សោយសុខ យ៉ាង​ត្រជាក់​ល្ហឹម ដែល​ករណីនេះ​គួរតែ​ស៊ើបអង្កេត និង​ចាត់វិធានការ​តាមផ្លូវ​ច្បាប់ ៕

Copyright © 2010-2021 · អរិយធម៌ · All Rights Reserved.
Develop by Sek Sathya