ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ព្រៃឈើ​រាប់ម៉ឺន​ហិកតា ត្រូវ​ឈ្មួញ​កាប់បំផ្លាញ​អស់​ ​

ព្រៃឈើ​រាប់ម៉ឺន​ហិកតា ត្រូវ​ឈ្មួញ​កាប់បំផ្លាញ​អស់​ ​

មណ្ឌលគិរី​៖​ព្រៃឈើ​នៅក្នុង​ដែន​ជំរក​សត្វ​ព្រៃភ្នំ​ព្រេច​ខេត្តមណ្ឌលគិរី លាត​ស​ន្ឋឹ​ង​រាប់ម៉ឺន​សែន​ហិកតា​សំរាប់ ជំរំ​ជំរក​ពពូកសត្វ​ជី​វះ​ចំរុះ​រស់នៅ​បច្ចុប្បន្នកំពុង​ប្រឈម​ក្លាយជា​វិនាសកម្ម​ព្រៃឈើ​ទៅហើយ​។​សកម្មភាព​កើតមាន​បទល្មើស​ទាំងនេះ​កំពុង​ត្រូវបាន​ប្រជាពលរដ្ឋ​ព្រមទាំង​សហគមន៍​ការពារ​ព្រៃឈើ​ធ្វើកា​ដាក់បន្ទុក​ទៅលើ​លោកនាយក​ដែន​ជំរក​ជា​អ្នកគ្រប់គ្រង និង​ប្រធាន​មន្ទី​បរិស្ថាន​ខេត្ត​ជា​អ្នក​បើកដៃ​អោយ​ជនល្មើស​ចូល កាប់ អារ និង​ដឹកជញ្ជូន​ទៅ​លក់​អោយ​មេ​ឈ្មួញ​ធំៗ​បន្តទៀត​។​ប្រភពព័ត៌មាន​ចេញពី​សហគមន៍​ការពារ​ព្រៃឈើ​ជាច្រើន​បាននាំគ្នា​សំដែង​នូវ​ការព្រួយបារម្ភ​យ៉ាងខ្លាំង​ចំពោះ​ការ​រលាយ​ហិនហោច​ព្រៃឈើ​ដោយសារ​លោក​ឈិ​ត សុផល ជា​ប្រធាន​មន្ទី​បរិស្ថាន និង បក្សពួក​ព្រមទាំង លោក​សំ​រ៉ង​ឌី​វិចិត្រ នាយក​ដែន​ជំរក​សត្វ​ព្រៃភ្នំ​ព្រេច​មានការ​ធូរ​លុង​ឃុបឃិត​ជាមួយ​ជនខិលខូច​និង​មេ​ឈ្មួញ​ធំៗ​បណ្តែតបណ្តោយ​អោយ​ជនល្មើស​ចូលមក​កាប់ អារ ឈើ​ប្រណីត​និង​ឈើ​លេខ​មួយ​នៅក្នុង​តំបន់​ស្នូល​ដែន​ជំរក​សត្វព្រៃ​ខាងលើ​រាប់ម៉ឺន​ម៉ែត្រគូប​ដឹក​ចេញពី ឃុំ​ចុង​ផ្លាស់ ឃុំ​មេ​ម៉​ង់ និង​ស្រុក​កោះ​ញែក ហើយ​ប្រភេទ​ឈើ​ប្រណីត​ដែល​ក្រុម​ជនល្មើស​ប្រព្រឹត្ត​ត្រូវបាន​មេ​ឈ្មួញ​ដឹកជញ្ជូន​ឆ្លង​ចូលទៅ​លក់​នៅក្នុង​ខេត្តក្រចេះ​តាម​ច្រក​ភ្នំ​ព្រេច ក្នុង​ឃុំ​ស្វាយ​ជ្រះ ស្រុក​ស្នួល នឹង​ឃុំ​ក​ន្តួ​ត ស្រុក​ចិត្រ​បូរី ពី​ស្រុក​កោះ​ញែក​ដឹក​ឆ្លងកាត់​តាម​ច្រក ឃុំ​រលួស ស្រុក​សំបូរ​ខេត្តក្រចេះ​រីឯ​ឈើ​ប្រណីត​មួយចំនួនទៀត​ត្រូវបាន​គេ​ដឹកជញ្ជូន​ឆ្លងកាត់​យកទៅលក់​នៅ ព្រុំប្រទល់​ប្រទេស វៀតណាម​។​អ្វី​ដែលជា​បញ្ហា​ប្រឈម​ឈានទៅរក​ការ​រលាយ​បាត់បង់​ព្រៃឈើ និង ពពួក​សត្វព្រៃ​នាពេលខាងមុខ​នោះ​ប្រជា​សហគមន៍​ការពារ​ព្រៃឈើ​ខេត្តមណ្ឌលគិរី​បាន​សំណូមពរ​ដល់​លោក ឈិ​ត សុផល ប្រធាន​មន្ទី​បរិស្ថាន​ខេត្ត និង​លោក សំ​រ៉ង ឌី​វិចិត្រ នាយក​ដែន​ជំរក​សត្វ​ព្រៃភ្នំ​ព្រេច​មេត្តាជួយ​ស្រាវជ្រាវ​ពិ​និ​ត​មើល​ទំហំ​និង​វិសាលភាព​នៃ​ការបាត់បង់​ព្រៃឈើ​នៅ​ដំបន់​ដែល​ខ្លួន​គ្រប់គ្រង​ផង​ទាន​។ ប្រយ័ត្ន​ឮ​ដល់​រដ្ឋមន្ត្រី​និង​ក្រសួងបរិស្ថាន​អំពី​បញ្ហា​បាត់បង់​ព្រៃឈើ​យ៉ាងច្រើន​ស​ន្ឋឹ​កស​ន្ឋា​ប់​បែបនេះ​ក្រែង​មាន​បញ្ហា​ដល់​ខ្លួន​ណា  ម្យ៉ាងវិញទៀត​ប្រជា​សហគមន៍​ការពារ​ព្រៃឈើ​ក៏បាន​សំណូមពរ​ដល់​ក្រសួងបរិស្ថាន​ផងដែរ សូមជួយ​ចាត់ចែង​ដល់​មន្ត្រី​ជំនាញ​របស់​ក្រសួង​អោយមក​តាមដាន​មើល​បទល្មើស​ខាងលើនេះ​ផង​។ ប្រជា​សហគមន៍​ការពារ​ព្រៃឈើ​នាំគ្នា​និយាយថា ល្មម​ដល់ពេល​លោក ឈិ​ត សុផល ប្រធាន​មន្ទី​បរិស្ថាន​ខេត្ត និង លោក សំ​រ៉ង ឌី​វិចិត្រ នាយក​ដែន​ជំរក​សត្វ​ព្រៃភ្នំ​ព្រេច ដល់ពេល ដល់​ម៉ោង ជួយ​រិត​បណ្តឹង​ប្រព​ន្ឋ័​នៃ​ការគ្រប់គ្រង​ដំបន់ហាមឃាត់​នេះ​អោយបាន​ល្អប្រសើរ​គង់វង្ស​ផង​បើ​ពុំ​ដូច្នេះ​ទេវា​អាច​រលំរលាយ​ព្រៃឈើ​អស់ហើយ​។​ម្យ៉ាងទៀត​ប្រជាជន​រួមទាំង​សហគមន៍​ការពារ​ព្រៃ​ឈៃ​និយាយ​ថាបើ​អស់លោក​អសមត្ថភាព​ក្នុងការ​គ្រប់គ្រង​ធនធាន ធម្មជាតិ​នេះ​
​សូម​លោក ឈិ​ត សុផល និង​លោក សំ​រ៉ង ឌី​វិចិត្រ នាំគ្នា​លាឈប់​ពី​តំណែង​ទទួលខុសត្រូវ​តំបន់​ខាងលើនេះ​ទៅ​ឲ​អ្នក​ក្រោយ​គេ​មាន​សមត្ថភាព និង ចំណេះដឹង​ច្រើនជាង​លោក​ចូលកាន់​តំណែង​នេះ​ជំនួសវិញ៕                                                                                                                                                                         ឌឹ​ម សឿន​

Copyright © 2010-2021 · អរិយធម៌ · All Rights Reserved.
Develop by Sek Sathya