ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » ចាប់ខ្លួន លោក ហ៊ិ​ន សាម៉ុន អ្នកយក​ពត៌មាន​ទូរទស្សន៍ប៉ុស្តិ៍​លេខ​៩ ខេត្តពោធិសាត់ ព្រោះ​បំផ្លាញ​ឆ្នាំងបាយ​សមត្ថកិច្ច

ចាប់ខ្លួន លោក ហ៊ិ​ន សាម៉ុន អ្នកយក​ពត៌មាន​ទូរទស្សន៍ប៉ុស្តិ៍​លេខ​៩ ខេត្តពោធិសាត់ ព្រោះ​បំផ្លាញ​ឆ្នាំងបាយ​សមត្ថកិច្ច

​ពោធិសាត់​៖ តាម​សេចក្តីរាយការណ៍​ពី​សមត្ថកិច្ច​បានអោយដឹង​ថា លោក ហ៊ិ​ន សាម៉ុន  ភ្នាក់ងារ​យក​ពត៌មាន​ទូរទស្សន៍ប៉ុស្តិ៍​លេខ​៩ បាន​ទូរស័ព្ទ​គំរាម​ទារប្រាក់​ពី​ឈ្មួញ​ឈើ​ក្នុង​តំលៃ​១​ពាន់​ដុល្លា ប៉ុន្តែ​ចរចារ​គ្នា​ដោយ​អោយ​៥​រយ​ដុល្លា តាមរយៈ​ប្រពន្ធ​របស់​ឈ្មួញ​ឈើ ប៉ុន្តែ​នៅតែ​ទទូច​ទារលុយ​២​រយ​ដុល្លា​ទៀត​ទើប​មានការ​ចាប់ខ្លួន​នៅ​ហ្នឹង​កន្លែង​តែម្តង ។  ប៉ុន្តែ​សមត្ថកិច្ច​ផ្សេងទៀត​បាន​អះអាងថា ការចាប់ខ្លួន​បុគ្គល ហ៊ិ​ន សាម៉ុន គឺ​ដោយសារតែ​បុគ្គល​រូបនេះ​បាន​ជម្រិត និង​កំហែង​ទារប្រាក់ ពី​ប្រជាពលរដ្ឋនៅក្នុង​ឃុំ​ឈើ​តុំ ជាពិសេស យោធិន​ចូលនិវត្តន៍​ទើ​ប្រជាពលរដ្ឋ​៨០​គ្រួសារ​បានដាក់​ពាក្យបណ្តឹង​ទៅកាន់​សាលាដំបូង​ខេត្តពោធិសាត់ ធ្វើការ​ចាប់ខ្លួន​តែម្តង ។ ដោយឡែក សេចក្តីរាយការណ៍​មួយ​ផ្សេងទៀត​បាន​អះអាងថា ការចាប់ខ្លួន លោក ហ៊ិ​ន សាម៉ុន នេះ ដោយសារតែ លោក ហ៊ិ​ន សាម៉ុន បានធ្វើ​ការថត​រូបភាព​រថយន្ត​ដឹកឈើ​របស់​ឈ្មួញ ឈ្មោះ ឧ​ត្ត​ម (​ហៅ​ក្តំ​) ហើយ​ប៉ះពាល់​ឆ្នាំងបាយ​របស់​សមត្ថកិច្ច​ពាក់ព័ន្ធ ដែលមាន ទំនាក់ទំនង​រកស៊ី​ជាមួយគ្នា​ជា​យូរណាស់​មកហើយ ប្រភព​បានបញ្ជាក់​អោយដឹងទៀតថា ក្រុម​ឈ្មួញ​រកស៊ី​ប្រណិត​នៅ​ខេត្តពោធិសាត់ ភាគច្រើន​ជា​ឈ្មួញ​ដែលមាន​ទំនាក់ទំនង​ជាមួយ​សម​ត្ថ​កិច្ច ចំណែក សមត្ថកិច្ច​មួយចំនួន​ក៍ជាប់​ពាក់​ព​ន្ធ័​ក្នុង​ការរកស៊ី​ប្រណិត​ផងដែរ ។​ម្យ៉ាងវិញទៀត កា​រកស៊ី​ឈើប្រណិត​ក្នុង​ទឹកដី​ខេត្តពោធិសាត់ ប្រជាពលរដ្ឋ​ធម្មតា​មិនអាច​រកស៊ី​បានទេ លុះត្រាតែ​អ្នកមាន​ខ្នងបង្អែក​ជា​សមត្ថកិច្ច ។
​ក្រោយពី​មានការ​ចាប់ខ្លួន​ប្រជាពលរដ្ឋ​ភូមិ​បឹង​ស្មុក ១២៦​នាក់  ភូមិ​ត្រពាំង​ឈ្នួល ១៣២​នាក់ និង​ភូមិ​កំ​រែង​១០០​នាក់​សរុប​៣៥៨​នាក់ ក្នុង​ឃុំ​ស្វាយស ស្រុក​ក្រគរ ខេត្តពោធិសាត់ បាននាំគ្នា​ផ្តិតមេដៃ​ផ្ញើ​ទៅកាន់​អាជ្ញាធរខេត្ត និង​សមត្ថកិច្ច​សាលាដំបូង​ខេត្តពោធិសាត់​ផងដែរ ដោយ​ពួកគេ​គាំទ្រ​ការចាប់ខ្លួន​បុគ្គល​ឈ្មោះ ហ៊ិ​ន សាម៉ុន ជា​អ្នកយក​ពត៌មាន​ទូរទស្សន៍ប៉ុស្តិ៍​លេខ​៩​ប្រចាំខេត្ត​ពោធិសាត់ ការគាំទ្រ​នេះ​បាន​ធ្វើឡើង​ក្រោយ​សមត្ថកិច្ច​កងរាជអាវុធហត្ថ ឃាត់ខ្លួន​លោក ហ៊ិ​ន សាម៉ុន ភ្នាក់ងារ​យក​ពត៌មាន​ទូរទស្សន៍ប៉ុស្តិ៍​លេខ​៩ ពីបទ​កំហែង​យក រួច​កសាង​សំណុំរឿង​បញ្ជូនទៅ​សាលាដំបូង​ខេត្តពោធិសាត់​ភ្លាមៗ កាលពី​ថ្ងៃទី​១១ ខែមេសា ឆ្នាំ​២០១៤ នៅ​ភូមិ​អូរ​ស្តៅ សង្កាត់​ស្វាយ​អាត់ ក្រុង​ពោធិសាត់ ។ បើតាម​ការអះអាង​ពី​ប្រជាពលរដ្ឋ នៅក្នុង​ឃុំ​ឈើ​តុំ ស្រុក​ក្រគរ ខេត្តពោធិសាត់ បានអោយដឹងថា បុគ្គល ហ៊ិ​ន សាម៉ុន អ្នកយក​ពត៌មាន​ទូរទស្សន៍ប៉ុស្តិ៍​លេខ​៩ តែងតែ​បើករថយន្តរ​បស់​ខ្លួន​ដេញ​ប្រមាញ់​ចាប់​សូម្បីតែ​គោយន្ត ឬ​រទេះដឹក​អុស​របស់​ប្រជាពលរដ្ឋ ក៍​ចេះ​ទារ​យកលុយ​ក្នុង​១​រទេះ​២​ម៉ឺន​រៀល​ផងដែរ ហើយ​រូបគេ​តាំងខ្លួន​ជា​អ្នក​សារពត៌មាន​ផង និង ជា​សមត្ថកិច្ច​ផង ដោយ​យកឈ្មោះ​ឧ​ត្ត​ម​សេនីយ៍ ផ្កាយ​២ ហ៊ុន សារ៉េត មក​អះអាង​ដើម្បី​លាភសក្ការៈ​ផងដែរ ។ ដោយឡែក​ប្រជា​ពល​ល​រដ្ឋ ជាង​៣០០​គ្រួសារ​មកពី​ឃុំ​ស្វាយស ស្រុក​ក្រគរ ខេត្តពោធិសាត់ ក៍បាន​អះអាង​ដូចគ្នានេះ​ផងដែរ​ថា​រាល់​ពួកគាត់​ដឹកជញ្ជូន​ឈើ​បន្តិចបន្តួច​តាម​រទេះ​ដើម្បី​យកទៅ​ជួសជុល និង សាងសង់​លំនៅដ្ឋាន ប៉ុន្តែ​ត្រូវ​បុគ្គល ហ៊ិ​ន សាម៉ុន ចាប់​ជម្រិត​ទារប្រាក់ ស្ទើរតែ​គ្រប់ពេល ដែល​ពួកគាត់​បាន​ដឹកឈើ ក៍​ដូចជា​ដឹកអុស​ចេញពី​ក្នុងព្រៃ  ទង្វើ​បែបនេះ​គឺ​បានធ្វើអោយ​ប៉ះពាល់​ដល់​អ្ន​ក​សារពត៌មាន​ផ្សេងទៀត ដែល​គេ​ស្អាតស្អំ​ប្រកបដោយ​វិជ្ជាជីវៈ​ខ្ពស់​ដូច្នេះ​ទើប​ពួកគាត់​នាំគ្នា​ផ្តិតមេដៃ​គាំទ្រ​ចំពោះ​ចំណាត់ការ​របស់​អាជ្ញាធ​រ ក៍​ដូចជា​សមត្ថកិច្ច​រួមទាំង​ព្រះរាជអាជ្ញា​ខេត្តពោធិសាត់ ។ ដើម្បី​ជាការ​ព្រមាន​កុំអោយ​មាន​បុគ្គល​ផ្សេងទៀត​ធ្វើ​ព្យុះភ្លៀង​នៅក្នុង​ភូមិ​ឃុំ​របស់​ពួកគាត់​ដែលជា​គំរូ​អាក្រក់​ធ្វើអោយប៉ះពាល់​ដល់​ស្ថាប័ន​ពត៌មាន​ផ្សេងៗ​ទៀត​ក្នុងស្រុក​ផងដែរ ។
​ទោះជា​យ៉ាងណា​ក៍ដោយ មជ្ឈដ្ឋាន​ទូទៅ​ក្នុង​ខេត្តពោធិសាត់ បាន​រិះគន់ថា ទាំង​សមត្ថកិច្ច ទាំង​បុគ្គល លោក ហ៊ុន សាម៉ុន គឺ​ដូច​តែ​គ្នា តែងតែ​អង្គុយ​សំ​គុក​ចាំ​ទទួលផល​ប្រយោជន៍​ពី​ឈ្មួញ​រកស៊ី​ឈើប្រណិត ហើយ​មាន​ល្បិចកល​គ្រប់បែបយ៉ាង​ដើម្បី​ទាញ​ផលប្រយោជន៍​រៀងៗ​ខ្លួន ដល់ ពេល​ប៉ះពាល់​ផលប្រយោជន៍​គ្នា​ទើប​មានរឿង​បែបនេះ​កើតឡើង​តែម្តង ប្រជាពលរដ្ឋ​បាន​និយាយថា អា​ក្រៀល និង​អា​ក្រួច​វា​ដូច​តែ​គ្នា​៕  ដោយ គិរី​ពេជ្រ​

Copyright © 2010-2021 · អរិយធម៌ · All Rights Reserved.
Develop by Sek Sathya