ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||     ល្បី! អ្នកមានលុយ អ្នកមានអំណាច ទន្រ្ទានកាន់កាប់ដីចំណីព្រែក ក្នុងស្រុកកំពង់សិលា យ៉ាងរលូន?​  ||   

» ព័ត៌មានជាតិ » ចាប់​ខ្លួន​មនុស្ស​​៣​នាក់​និង​​គ្រឿង​ញៀន​​ប្រភេទ​​ម្សៅ​​ពណ៌​ស​១៨​កញ្ចប់ ​​​​នៅ​សណ្ឋាគារ​សន្តិ​ភាព​

ចាប់​ខ្លួន​មនុស្ស​​៣​នាក់​និង​​គ្រឿង​ញៀន​​ប្រភេទ​​ម្សៅ​​ពណ៌​ស​១៨​កញ្ចប់ ​​​​នៅ​សណ្ឋាគារ​សន្តិ​ភាព​

​​បន្ទាយមានជ័យ៖ ​ក្រុម​អ្នក​ជួញដូរគ្រឿងញៀន៣នាក់ ត្រូវបានសមត្ថកិច្ច​​ការិយាល័យ​ប្រឆាំង​​គ្រឿង​ញៀន​​​របស់​ស្នងការ​​នគរ​បាល​ខេត្ត​បន្ទាយ​មាន​ជ័យ​ ចុះបង្ក្រាប​រួម​ជាមួយ​ថ្នាំញៀន​ម្សៅពណ៌​ស​ចំនួន​១៨​កញ្ចប់​កាល​ពីយប់​​ថ្ងៃទី​១៧ កក្កដា​ ២០១៣ នៅ​សណ្ឋា​គារ​សន្តិភាព​ក្នុងភូមិ​សែន​សិន សង្កាត់​អូរ​អំបិល ក្រុង​សិរី​សោភ័ណ ខេត្ត​បន្ទាយ​មាន​ជ័យ     ។

លោក​ ធិន ស៊ិនដេត នាយ​ការិយាល័យ​ប្រឆាំង​គ្រឿងញៀន​​ខេត្ត​បន្ទាយ​មាន​ជ័យ​បាន ប្រាប់​ឲ្យ​ដឹងថា ដោយ​អនុវត្តន៍​តាម​បទ​បញ្ជា​រ​បស់​លោក​ឧត្តម​សេនីយ៍​ត្រី ខេង ស៊ុម ស្ន​ង​ការ​នគរ​បាលខេត្ត​កម្លាំង​ជំនាញ​របស់លោក​បាន​ធ្វើ​ការ​ស្រាវជ្រាវ​មុខ​សញ្ញា​ជួញ​ដូរ​ប្រើប្រាស់និង​ចែក​ចាយ​គ្រឿងញៀ​ន​រហូ​ត​ដល់ឈាន​ទៅ​ដល់ការ​បង្ក្រាបជាក់ស្ដែង​​ ។ ដំបូង​ឡើយ​បាន​ជន​សង្ស័យ​២​នាក់ជាបុគ្គលិក​បំរើការ​នៅសណ្ឋាគារសន្តិភាព​រួម​មាន ១-ឈ្មោះ ញៀន​ គឹមសៀន ភេទ​ប្រុស អាយុ​២១​ឆ្នាំមាន​មុខ​របរ​អ្នក​រត់​តុ​នៅសណ្ឋាគារ សន្តិភាព មាន​ស្រុកកំណើត​នៅ​ខេត្ត​កំពង់ធំ ២-ឈ្មោះ គឹម ឆេង ភេទ​ប្រុស​អាយុ​២៩​ឆ្នាំ មាន​ស្រុកកំណើត​នៅ​ខេត្ត​ព្រៃវែង​ ក្នុង​ការ​ឃាត់ខ្លួន​ជន​ទាំង​២​នេះ​សមត្ថកិច្ច​បានធ្វើការ​ឆែកឆេរ​បន្ទប់ដេក​របស់​​បុគ្គលិក​នៃ​សណ្ឋាគារ សន្តិភាព​រក​ឃើញ​ថ្នាំញៀន​​ប្រភេទ​ម្សៅ​ពណ៌ ស ចំនួន​១៧​កញ្ចប់​​តូចៗ ហើយ​បន្ត​ឃាត់ខ្លួន​យុវជន​ម្នាក់ទៀត​ឈ្មោះ ស៊ិន ឡង់ឌី ភេទ​ប្រុសអាយុ​១៨​ឆ្នាំ​រៀន​នៅវិទ្យាល័យ​ខ្លាកូន​ថ្នាក់ទី​១២ មាន​ទីលំនៅភូមិ​២ សង្កាត់ កំពង់​ស្វាយ​ ក្រុង​សិរីសោភ័ណ ដែល​ជា​អ្នក​ទទួល​កាន់​​ថ្នាំញៀន​​​យក​ឲ្យ​គេ​និង​ជា​អ្នក​ប្រើប្រាស់​បា​ន​ថ្នាំ​ញៀន​១​កញ្ចប់ទៀត​។ ថ្នាំញៀនទាំង​អស់​សរុប​១៨កញ្ចប់ មាន​ទម្ងន់​៥,១ក្រាម​ជា​ប្រភេទ​មេតំហ្វេតាមីន​ ICE។

តាមការរៀបរាប់របស់ជនទាំង​៣​បាន​ឲ្យ​ដឹងថា ក្នុងនោះ​២​នាក់ជាបុគ្គលិក​សណ្ឋាគារ​សន្តិភាព​បាន​និយាយថា ពួក​គេ​ទទួលទិញ​ថ្នាំនេះ​ពីបុរស​ម្នាក់​ក្នុងតំលៃ​១កញ្ចប់ ៤​ម៉ឺនរៀល​ហើយ​លក់ទៅវិញ​ក្នុង​តំលៃ​៦​ម៉ឺន​រៀល​ ហើយ​នេះក៏​ជា​លើក​ទី​១​នៃការលក់ដូរ​នេះផងដែរ។ ចំណែកយុវសិស្ស​ម្នាក់ទៀត​ក៏​ត្រូវ​ចាប់ខ្លួន​បាន​និយាយ ឲ្យដឹងថា ខ្លួន​គេ​ជាអ្នក​ប្រើ​ប្រាស់គ្រឿងញៀន​ហើយ​ត្រូវ​បានគេ​ប្រើ​ឲ្យ​យកគ្រឿងញៀន​ទៅ​ប្រគល់​ឲ្យ​អ្នកផ្សេង​​ លុះ​ពេល​ដែល​ទៅដល់ចំណុច​សណ្ឋាគារសន្តិភាព​​ក៏ត្រូវ​បាន​សមត្ថកិច្ច​ឃាត់ខ្លួន​តែម្ដង​​។

ជ​ន​សង្ស័យទាំង​៣​នាក់ ត្រូវ​បាន​សមត្ថកិច្ច​​​កំពុងតែ​សួរ​នាំ​​និង​កសាងសំណុំ​រឿង​បញ្ជូន​ទៅ​តុលាការ​​ដើម្បី​វិនិច្ឆ័យ​​ទោស​ទៅតាមច្បាប់​៕

ដោយ៖ សម្បត្តិ សីហា

 

Copyright © 2010-2021 · អរិយធម៌ · All Rights Reserved.
Develop by Sek Sathya