ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » ប្រជាពលរដ្ឋ​ថា CPP​បាត់បង់​សម្លេងឆ្នោត ដោយ​ក្រុមហ៊ុន​សុវណ្ណនី ​អភិវឌ្ឍន៍​អគ្គិសនី​លីមីត​ធី​តរបស់​ឧកញ៉ា ឱ សុវណ្ណ​រក្ស​ ​

ប្រជាពលរដ្ឋ​ថា CPP​បាត់បង់​សម្លេងឆ្នោត ដោយ​ក្រុមហ៊ុន​សុវណ្ណនី ​អភិវឌ្ឍន៍​អគ្គិសនី​លីមីត​ធី​តរបស់​ឧកញ៉ា ឱ សុវណ្ណ​រក្ស​ ​

កំពង់ឆ្នាំង​៖​ថ្មីៗ​នេះ បន្ទាប់ពី​បានតែងតាំង​តំណែង​ជា អភិបាល ខេត្តកំពង់ឆ្នាំង លោក ឈួ​រ ច័ន្ទ​ឌឿ​ន បាន បញ្ជា​អោយ​ក្រុមហ៊ុន​អគ្គិសនី​ធ្វើការ​ដោះដូរ​កុង​ទ័​រ ប្រៀ​ប្រាស់​ចរន្តអគ្គិសនី​រប​ស់​ប្រជាពលរដ្ឋ​តាម​ផ្ទះ ដោយ​ដក​កុង​ទ័​រ​ចាស់​ចេញ ដូរ​ដាក់កុង​ទ័​រ​ថ្មី​ចូល​វិញ ។ បន្ទាប់ពី​មានការ​ផ្លាស់ប្តូរ​កុង​ទ័​រ​ភ្លើង​មក​នោះ ប្រជាពលរដ្ឋ​នៅ​ខេត្តកំពង់ឆ្នាំង​បាននាំគ្នា​និយាយប្រាប់​គ្នា​ថា​ការប្រើប្រាស់​ភ្លើង​ប្រចាំខែ​របស់គាត់​ឃើញ​មានការ​ប្រែប្រួល​ថយចុះ​គួរអោយកត់សំគាល់ ព្រមទាំង​មានការ​កោតសរសើរ​ដ​ល់​ចំណាត់ការ​របស់ លោក​ឈួ​រ ច័ន្ទ​ឌឿ​ន ជា​អភិបាលខេត្ត​កំពង់ឆ្នាំង ។
​    ​ប៉ុន្តែ​ការរៀបចំ​បែបនេះ គឺ​បាន​តែមួយ​ពព្រិច​ភ្នែក​ប៉ុណ្ណោះ សម្រាប់​មួយខែ​ដំបូង​រហូតដល់​ខែ​បន្តបន្ទាប់ ក្រុម​ប្រជាពលរដ្ឋ​បាននាំគ្នា​រអ៊ូរទាំ​ថា ភ្លើង​បាន​កើនឡើង​ខុសធម្មតា​វិល​ទៅរក​សភាព​ដើម​វិញ​ដដែល ដែល​បញ្ហា​នេះ​ធ្វើអោយ ប្រជាពលរដ្ឋ​ព្រមទាំង​មន្ត្រីរាជការ​ទូទាំង​ខេត្តកំពង់ឆ្នាំង​មានការ​រិះគន់​យ៉ាងខ្លាំង​ថា ក្រុមហ៊ុន​អគ្គិសនី​កំពង់ឆ្នាំង​អាចមាន​ខ្នងបង្អែក​យ៉ាងរឹងមាំ​នៅ​ខាង​ក្រោយខ្នង ដែល​ធ្វើអោយ​ក្រុម​អ្នក​ចូលចិត្ត​វិភាគ​នយោបាយ​បាន​និយាយ​ដោយ​ទស្ស​ទាយ​ថា បក្ស​ប្រជាជន កម្ពុជា​នៅ​អណ​ត្តិ​ទី ៦ ឆ្នាំ​២០១៨ នឹង​បាត់បង់​សម្លេងគាំទ្រ​ធំធេង ជាង​អាណត្តិ​ទី ៥ នេះ​ទៀត បើ​មិនបាន​ដោះស្រាយ នូវ​ទុក្ខ​កង្វល់ របស់​ប្រជាពលរដ្ឋ ជាពិសេស​លើ​បញ្ហា​ការ ប្រើប្រាស់ បណ្តាញ​អគ្គិសនី ក្រុមហ៊ុន​សុវណ្ណនី​អភិវឌ្ឍន៍​អគ្គិសនី លីមីត​ធី​ត​ខេត្តកំពង់ឆ្នាំង​ទេនោះ ។ មន្ត្រីរាជការ និង​ប្រជាពលរដ្ឋ​ជាច្រើន​នៅក្នុង​ខេត្តកំពង់ឆ្នាំង បាន​បន្ត​បញ្ចេញ​ទស្សនៈ​ផ្សេងៗ​គ្នា ក្នុង​ការបាត់​បង់អស​នៈ​រដ្ឋសភា គណបក្ស​ប្រជាជន​កម្ពុជា​អណ​ត្តិ​ទី ៥ មួយ​កៅអី​ក្នុង​ខេត្ត កំពង់ឆ្នាំង​បាន​ទៅលើ​បក្ស​សង្គ្រោះ​ជាតិ  ការលើកឡើង​របស់​ម​ន្ត្រី​រាជការ នៅតាម​បណ្តា​មន្ទីរ​អង្គភាព​ជុំវិញ​ខេត្ត​លក្ខ​ខ័​ណ្ឌ​សូម​មិន​បញ្ចេញ ឈ្មោះ បានអោយដឹងថា ការបាត់បង់​សម្លេងគាំទ្រ​គណបក្ស​ប្រជាជន​កម្ពុជា នៅក្នុង​ខេត្តកំពង់ឆ្នាំង​នា​ការបោះឆ្នោត​កាលពី​ថ្ងៃទី​២៨ ខែ កក្កដា ឆ្នាំ​២០១៣ កន្លងទៅ​ថ្មីៗ​គឺជា​ការបាត់បង់​សម្លេង​ដ៏​ធំធេង បើ​ទោះ​គណបក្ស​ប្រជាជន​កម្ពុជា​ទូទាំងប្រទេស ឈ្នះ​សម្លេង​ភាគច្រើន រហូតដល់​៦៨​អាសនៈ​ទល់នឹង​គណបក្ស​សង្គ្រោះ​ជាតិ​ត្រឹមតែ​៥៥​អាសនៈ​តែប៉ុណ្ណោះ​។​ដោយឡែក នៅក្នុង​ខេត្តកំពង់ឆ្នាំង ការបាត់បង់​សម្លេងគាំទ្រ​ពី​ប្រជាពលរដ្ឋ គឺ​បញ្ហា ដែល​សំខាន់​ដោយសា​តែមាន​រឿងរ៉ាវ​ជាច្រើន ដែល ទាក់ទង​និង​ប្រជាពលរដ្ឋ  ជាពិសេស​ភាពមិនប្រក្រតី​របស់​ក្រុម ហ៊ុន​អភិវឌ្ឍន៍​អគ្គិសនី​សុវណ្ណនី​លី​មី​ធី​ត ដែល​អាជ្ញាធរខេត្ត និង​អាជ្ញាធរ​អគ្គិសនី​ថ្នាក់ជាតិ មិនបាន​ដោះស្រាយ​ចំពោះ​កង្វល់​ប្រជាពលរដ្ឋ បញ្ហា​លើ​ការប្រើប្រាស់​បណ្តាញអគ្គីសនី​ក្រុមហ៊ុន កន្លងមក​នៅមុន​ការបោះឆ្នោត ប្រជាពលរដ្ឋ​ទូទាំង​ក្រុង​កំពង់ឆ្នាំង បាន​ប្តឹង​ក្រុមហ៊ុន អគ្គិសនី​មួយ​នេះ ទៅកាន់​ខុទ្ទកាល័យ​នាយករដ្ឋមន្ត្រី​តេ​ជោ​ហ៊ុនសែន ព្រម​និង​ដាក់​បណ្តឹង​ទៅ​អាជ្ញាធរខេត្ត​ផងដែរ ។​ប៉ុន្តែ​ការដោះស្រាយ ហាក់បីដូចជា​មិនមាន​ប្រសិទ្ធិភាព ធ្វើអោយ​ប្រជាពលរដ្ឋ​ក្តៅក្រហាយ អស់សង្ឃឹម មិនតែប៉ុណ្ណោះ ប្រធាន​ក្រុមហ៊ុន មួយ​នេះ​ត្រូវបាន​តែង តាំង​ឋានៈ​ជា​ឧកញ៉ា​ទៀតផង ធ្វើអោយ​ប្រជាពលរដ្ឋ​មើលឃើញថា ថ្នាក់ដឹកនាំ​គណបក្ស​ប្រជាជន​កម្ពុជា ជា​អ្នក​នៅ​ពីក្រោយ​ខ្នង ប្រធាន ក្រុមហ៊ុនអគ្គីសនី​មួយ​នេះ​ក្នុងការ​កេង​ប្រ​វញ្ច​និង​លួច​គីឡូ​ភ្លើង​តាមរយៈ​កុង​ទ័​រ​អគ្គិសនី ទើប​មាន​សម្លេង​ទាមទារ​អោយមាន​ការផ្លាស់ប្តូរ ។ ភាព​រអ៊ូរទាំ​របស់​ប្រជាពលរដ្ឋ​ច្រើនលើកច្រើនសា រួម​និង​ពាក្យបណ្តឹង​ផងដែរ ។​ប៉ុន្តែ​ភាពមិនប្រក្រតី​របស់​ក្រុមហ៊ុន​អគ្គិសនី​មួយ​នេះ នៅ តែ​បន្ត​និរន្តរភាព​រហូតដល់​សព្វ​ថ្ងៃ  ដោយសារតែ បញ្ហា​ខាងលើ និង​សំណូមពរ​របស់​ប្រជាពលរដ្ឋ រួម​និង​មន្ត្រីរាជការ​សុំអោយ​អ្នក​សារ ពត៌មាន​ជួយ​ចុះផ្សាយ​ដើម្បី​ផ្តល់​ពត៌មាន​ជូន​ប្រមុខ​រាជរដ្ឋាភិបាល​កម្ពុជា សម្តេច​តេ​ជោ ហ៊ុន សែន ក្នុងន័យ​ស្ថាបនា និង​កែទម្រង់ ដើម្បី ទាមទារ​ការគាំទ្រ​ពី​សំណាក់​ប្រជាពលរដ្ឋ​ចំពោះ​គណបក្ស​ប្រជាជន​កម្ពុជា ។​
​ប្រជាពលរដ្ឋ​ជាច្រើន​នាក់ ដោយសារតែ​អស់សង្ឃឹម​ក្នុងការ​ដោះស្រាយ​របស់ អាជ្ញាធរ​ក៏ដូចជា​រដ្ឋាភិបាល​ផងដែរ ដោយ​ពួកគាត់​បាន​ស្រែកជេរ​បញ្ចេញ​កំហឹង លើ លោក សរ នាថ ជា​មេការ​អគ្គិសនី​ខាងលើ​ថា​ជា​ចោរ ពូកែ​លួច​គីឡូ​ភ្លើង ដើម្បី​បំពេញ​គាប់ចិត្ត​ចៅហ្វាយនាយ លោក ឱ សុវណ្ណ​រក្ស ធ្វើជា​អ្នកមាន រហូត​ក្លាយទៅជា ឧកញ៉ា  សល់​លុយ​រាប់ម៉ឺន​ដុល្លារ រ​យកទៅ​ចិញ្ចឹម​ស្រីក្មេង ដោយ​ធ្វើ​ផ្ទះ​អោយ​ម្នាក់​មួយ​ល្វែង​ស្ទើរតែ​រាប់មិនអស់​ក្នុង​ខេត្តកំពង់ឆ្នាំង ។ ទោះ​មានការ​រិះគន់​ដូចខាងលើ នេះ​។​ប៉ុន្តែ​សម្រាប់​ប្រធាន​ក្រុមហ៊ុន​អគ្គិសនី​ខាងលើ​ដែល​គេ​បាន​អះអាងថា​ក្លាយជា​ឧកញ៉ា ឱ សុវណ្ណ​រក្ស បាន​ធ្លាប់​ជេរប្រមាថ ប្រជា​ពល រដ្ឋ​តាមរយៈ​អ្នកកាសែត​ថា «​មី​ពួក​លក់​សាច់ជ្រូក និង​អាជីវករ​ក្នុង​ផ្សារលើ​មុខ​ដដែលៗ បញ្ហា​វា​មិនចេះចប់ » ។​
​ខេត្តកំពង់ឆ្នាំង​ទាំងមូល​បាន​ថយ​សន្លឹកឆ្នោត​កន្លងមក​នេះ​កាលពី​បោះឆ្នោត​នីតិកាល​ទី​៥​គឺ​ដោយសារ​ឧកញ៉ា​ឳ សុវណ្ណ​រក្ស ប្រធាន​ក្រុម ហ៊ុន​អភិវឌ្ឍន៍​អគ្គិសនី​សុវណ្ណនី​លី​មី​ធី​ត​។​លោក​ឳ​សុវណ្ណ​រក្ស​ធើ្វ​អាជីវកម្ម​អគ្គិសនី​នៅ​ខេត្តកំពង់ឆ្នាំង​ចាប់តាំងពី​ឆ្នាំ​១៩៨៩​កន្លង​មកជា​មន្ត្រី​ឧស្សាហកម្ម​ធម្មតា​ខេត្ត​។​បច្ចុប្បន្ន​បាន​ងារ​ជា​ឧកញ៉ា​ទាំង​ប្តី​និង​ប្រព​ន្ឋ​មកពី​ការរកស៊ី​លក់​ភ្លើង​របស់​រដ្ឋ​កេង​ប្រ​វ័​ញ​ពី​ញើស​ឈាម​ប្រជាជន​ដែល​ប្រើ​
​ប្រាស់​របស់គាត់​ដោយ​កុង​ទ័​រ​ភ្លើង​របស់គាត់​គ្មាន​ថ្លឹង​ឲ្យ​បាន​ត្រឹមត្រូវ​។​ឥឡូវនេះ​លោក​អភិបាលខេត្ត​ថ្មី​លោក​ឈូ​ច័ន្ទ​ឌឿ​ន​បាន​បញ្ជា​ឲ្យ​ក្រុមហ៊ុន​អភិវឌ្ឍន៍​អគ្គិសនី​សុវណ្ណនី​លី​មី​ធី​ត​ឲ្យ​យក​កុង​ទ័​រ​ភ្លើង​ត្រឹមត្រូវ​ទៅ​ដាក់​ឲ្យ​ប្រើប្រាស់​កុំ​ឲ្យ​កេង​ប្រ​វ័​ញ​លើ​ខ្នង​រាស្ត្រ​តែ​ឧកញ៉ា​ឳ​សុវណ្ណ​រក្ស​មិន​ស្តាប់​អាជ្ញាធរ​ដែនដី​ឡើយ​តើ​សព្វ​ថៃ្ង​លោក​រស់នៅ​ជាមួយ​អ្នកណា​ព្រោះ​ប​ច្ច​ប្បន្ន​រដ្ឋាភិបាល​អាណត្តិ​ទី​៥​ដែលមាន​សម្តេច​ហ៊ុនសែន​ជា​នាយករដ្ឋមន្ត្រី​បើ​ឧកញ៉ា​ឳ​សុវណ្ណ​រក្ស​អនុវត្ត​ន៏​យ៉ាង​ដូ​ចេះ្ន​ទៀត​ប្រយ័ត្ន​ចាញ់ឆ្នោត​មែនទែន​សង្គ្រោះ​ជាតិ​អត់​ត្រា​ប្រណី​ទេ​។​
​អង្គភាព​ប្រឆាំង​អំពើពុករលួយ​សូមមេត្តា​ជួយ​រក​យុត្តិធម៌​ឲ្យ​ចៅហ្វាយខេត្ត​និង​ប្រជាពលរដ្ឋ​ខេត្ត​កំពង់​ឆាំ្ន​ង​ផង​។ ក្រុមហ៊ុន​អភិវឌ្ឍន៍​អគ្គីសនី​សុវណ្ណនី​លី​មី​ធី​ត​ជា​ញឹកញយ​តែងតែ​គំរាម​ប្រជាជន​កាត់ផ្តាច់​ភ្លើង​បើ​ហ៊ាន​តវ៉ា​ប្រឆាំង​និង​ក្រុមហ៊ុន​នេះ​សុខចិត្ត​ទ្រាំ​លំបាក​ទាំង​វេទនា​ចំណែក​សន្លឹកឆ្នោត​CPP​ចេះតែ​ថយចុះ​។​បើ​ចង់​ស្តារ​សន្លឹកឆ្នោត​បក្ស​ប្រជាជន​ឡើងវិញ​សូម​លោក​រដ្ឋមន្ត្រីក្រសួង​រ៉ែ​និង​ថាមពល​ជួយ​ពិនិត្យ​អាជ្ញាធរ​អគ្គិសនី​កម្ពុជា​ឃុបឃិត​ជាមួយ​ក្រុមហ៊ុន​អគ្គិសនី​ឳ​សុវណ្ណ​រក្ស​នេះ​ផង​។​ព្រោះ​បើ​ធ្វើបាន​បែបនេះ​ប្រជាជន​រស់នៅ​ខេត្ត​កំពង់​ឆាំ្ន​ង​នឹង​សប្បាយចិត្ត​យ៉ាងខ្លាំង​ចំពោះ​លោក​រដ្ឋមន្ត្រីក្រសួង​រ៉ែ​និង​ថាមពល​និង​លោក​ឱម​យ៉ិនទៀង​ជាក់​ជាពុំខាន​។​លោក​ឳ​សុវណ្ណ​រក្ស​ជា​ឫសគល់​របស់​រដ្ឋាភិបាល​គួរតែ​អាណិត​ដល់​សម្តេចនាយក​រដ្ឋមន្ត្រី​ហ៊ុនសែន​ដែល​លោក​ខិតខំ​ទាក់ទាញ​វិនិយោគ​មក​សាងសង់​ទំនប់​វា​រី​អគ្គិសនី​ដើម្បី​ឲ្យ​ប្រជាជន​បាន​ប្រើប្រាស់​គ្រប់ៗ​គ្នា​មិនគួរណា​ក្រុមហ៊ុន​អគ្គិសនី​ឪ​សុវណ្ណ​រក្ស​ធើ្វ​ស្រែ​លើ​ខ្នង​រាស្ត្រ​និង​លើ​ខ្នង​បក្ស​ប្រជាជន​កម្ពុជា​ឡើយ​។
​    ​សូមបញ្ជាក់​ផងដែរ​ថា ការឡើង​គីឡូ​ភ្លើង​វិល​ទៅ​សភាព​ដើម​វិញ​របស់​ប្រជាពលរដ្ឋ​ប្រើប្រាស់​ភ្លើងអគ្គិសនី​តាម​ផ្ទះ​តាម​ផ្ទះ​នេះ មិនមែន​កើតមាន​តែ​ក្នុង​ក្រុង​កំពង់ឆ្នាំង​តែមួយ​នោះទេ ដោយឡែក​អគ្គិសនី​ព្រៃ​ខ្មែរ របស់ លោក បូរី ក៏មាន​សភាព និង បែបបទ​ឡើង​គីឡូ​ហួសកំណត់​តាម​ផ្ទះ​ប្រជាពលរដ្ឋ​ដូចគ្នានេះ​ផងដែរ ៕

Copyright © 2010-2021 · អរិយធម៌ · All Rights Reserved.
Develop by Sek Sathya