ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ប៉ូលិស​បង្ក្រាប​ឡាន​ដឹកឈើ​ប្រណីត​ ​

ប៉ូលិស​បង្ក្រាប​ឡាន​ដឹកឈើ​ប្រណីត​ ​

មណ្ឌលគិរីៈ​អាជ្ញាធរ​ក្រុង​សែន​មនោ​រម្យ​សហការ​ណ៍​ជាមួយ​ជំនាញ​រដ្ឋា​បាល​ព្រៃឈើ​ខេត្តមណ្ឌលគិរី​បង្ក្រាបបាន​ឈើ​ប្រណីត​ជិត​២០០​កំណាត់​នៅ​ភូមិ​ពូ​ត្រុំ​ថ្មី ក្រុង​សែន​មនោ​រម្យ កាលពី​វេលា​ម៉ោង​៥​ល្ងាច​ថ្ងៃទី​១០​ខែមេសា​ឆ្នាំ​២០១៤​។​
​ប្រភព​បានអោយដឹងថា កន្លែង​ស្តុក​ឈើ​ប្រណីត​ខុសច្បាប់​ដែល​ត្រូវ​បង្ក្រាប​ខាងលើនេះ​ជា​របស់​ឈ្មួញ​រកស៊ី​ឈើ​ដ៏​មានអំណាច​ខ្នងបង្អែក​ធំ​ម្នាក់  តែង​ធ្វើ​សកម្មភាព​ដឹកជញ្ជូន​ឈើ​ខុសច្បាប់​ឆ្លងដែន​ទៅ​ប្រទេស​វៀតណាម តាម​ច្រកទ្វា​ទ្វេភាគី​ណាំ​លៀ​(​ហៅ​ប៉ុ​ស្គិ៍​៧)​ដែល មាន​លោក​អៀ​ណា​ម៉ូ ជា​ប្រធាន​ច្រក​ប្រចាំការ​នៅ​ទីនោះ​និង លោក​អ៊ុក​ណា​ខៃ ជា​មន្ត្រី​យោធា មាន​តួនាទី​ជា ប្រធាន គ នៃ​កងអនុសេនាធំ​លេខ​១​ប្រចាំ​ច្រកទ្វា​ទ្វេភាគី​ណាំ​លៀ ល្បីឈ្មោះ​ខាង​រត់ការ​ផ្លូវ​នាំ​ឈើ​ចេញ​ក្រៅ​ស្រុក​។​ប្រភព​បាន​បន្តថា​ទោះបី​មាន​ការចាប់​បង្ក្រាប​ជាច្រើន​ករណី​នាពេល​កន្លងមក​គ្រប់​ទីកន្លែង​ស្ទើរ​ជុំវិញ​ខេត្ត​ម​ន្ឌ​ល​គិរី  ប៉ុន្តែ​ក្រុម​អ្នករកស៊ី​បទល្មើស​ដ៏​មាន​ឥទ្ធិពល  ជាច្រើន​គ្រឿង​ធ្វើការ​ដឹកជញ្ជូន​ឈើ​ប្រណីត​រាល់ថ្ងៃ​គ្មាន​ខ្លាចញញើត​សមត្ថកិច្ច​ឡើយ​គឺ​ទៅដោយ​រលូត​ឆ្លងកាត់​ស្រុក​ពេជ្រ​ដា ទៅ​ស្រុក​យួន​។​
​មន្ត្រី​ជំនាញ​មេព្រៃ​បានអោយដឹងថា​ឈើ​ប្រណីត​ដែល​សមត្ថកិច្ច​ចាប់​បង្ក្រាបបាន​មាន​ចំនួន​២៩០​កំណាត់​បច្ចុប្បន្ន​ត្រូវ​ដឹកជញ្ជូន​មក​រក្សាទុក​នៅ​រដ្ឋា​បាល​ព្រៃឈើ​ខេត្តមណ្ឌលគិរី​។​
​ចំពោះ​បញ្ហា​បទល្មើស​ព្រៃឈើ​ដែល​ឆ្លងដែន​ទៅ​ប្រទេស​វៀតណាម លោក អៀ ណា​ម៉ូ ប្រធាន​ច្រកទ្វា​ទ្វេភាគី​ណាំ​លៀ ឆ្លើយ​ក្នុងន័យ​ទទួល​ថា ពិត​ជាមាន​បទល្មើស​ឆ្លងដែន​មែន តែ​លោក​និយាយថា​រូបលោក​មិន​បានទទួល​ប្រយោជន៍​នោះទេ មាន​គេ​រត់ការ​អស់ហើយ​។​
​មន្ត្រី​យោធា លោក អ៊ុក ណា​ខៃ មិនអាច​ទំនាក់ទំនង​សុំ​ការបំភ្លឺ​បានទេ​នៅថ្ងៃនេះ​៕
ឌឹ​ម​សឿន​

Copyright © 2010-2021 · អរិយធម៌ · All Rights Reserved.
Develop by Sek Sathya