ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » ម៉ូតូ​សេ១២៥​បុក​ម៉ូតូ​សង​កូរ៉េ​ស្លាប់​ម្នាក់របួសធ្ងន់​៣នាក់

ម៉ូតូ​សេ១២៥​បុក​ម៉ូតូ​សង​កូរ៉េ​ស្លាប់​ម្នាក់របួសធ្ងន់​៣នាក់

ភ្នំពេញ ៖ បុរសម្នាក់ស្លាប់បាត់បង់ជីវិតយ៉ាងអាណោចអាធ័ម នៅនឹងកន្លែងកើតហេតុនឹង ៣ នាក់ផ្សេងទៀត​ ត្រូវរងរបួសធ្ងន់ធ្ងរ​បានរថយន្តសាមុយមកដឹកយកទៅសង្គ្រោះនៅ មន្ទីរពេទ្យភ្លាមៗ។ ហេតុការណ៍នេះបានភ្ញាក់ ផ្អើលឡើងកាលពីវេលាម៉ោង ២១ នឹង ០០ នាទីយប់ថ្ងៃទី ១៧ ខែកក្កដា ឆ្នាំ ២០១៣ ចំណុចខាងត្បូងស្តុបណត ប្រ៊ិត ជាង ២០០ ម៉ែត្រ ភូមិស្លែងរលើង សង្កាត់ទឹកថ្លា ខណ្ឌសែនសុខ ។យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា​ នៅមុនពេលកើតហេតុ គេបានឃើញ បុរសពីរនាក់ជិះម៉ូតូមួយគ្រឿងម៉ាកសង់កូរ៉េ ពណ៌ក្រហម ពាក់ស្លាកលេខ ភ្នំពេញ ១AU 6064 ជិះ ធ្វើដំណើរ តាមបណ្តោយផ្លូវណតប្រ៊ិត ក្នុងទិសដៅពីជើងទៅ ត្បូង ដោយបានជិះក្នុងល្បឿនយ៉ាងលឿនខណៈមកដល់ ចំណុចប៉ុស្តិ៍យាម ២៤ ម៉ោង បុរសពីរនាក់ខាងលើនេះបានទាញចង្កូតម៉ូតូបត់ឆ្វេងដៃចូលផ្លូវបេតុង តែត្រូវ យុវជន ពីរនាក់ផ្សេងទៀត ដែលកំពុងជិះម៉ូតូម៉ាកសេ ១២៥ ពណ៌ខ្មៅ ពាក់ស្លាកលេខ ភ្នំពេញ 1BV 5198  ធ្វើដំណើរតាមបណ្តោយផ្លូវណតប្រ៊ិត ក្នុងទិសដៅពីត្បូងទៅជើងដោយ បានជិះលឿនខ្លាំងណាស់ បានជ្រុល ល្បឿនទៅបុកចំម៉ូតូសង់កូរ៉េ​យ៉ាងពេញទំហឹង តែម្តង បណ្តាលឲ្យម្ចាស់ម៉ូតូសងកូរ៉េម្នាក់ត្រូវបោកក្បាលនឹងថ្នល់ ដាច់ខ្យល់ស្លាប់ យ៉ាងអាណោចអាធ័ម នៅនឹងកន្លែងកើតហេតុក្នុងថ្លុកឈាម នឹងម្នាក់ទៀតដែល រួមដំណើរជាមួយ បុរសស្លាប់នេះក៏ត្រូវរងរបួសធ្ងន់ធ្ងរផងដែរ ។ ចំណែកយុវជនជាម្ចាស់ ម៉ូតូសេ១២៥ ក៏ត្រូវដួលបោកខ្លួន នឹង បោកក្បាលរបួសធ្ងន់ធ្ងរ ហូរឈាមរហាមផងដែរ ។

សមត្ថកិច្ចដែលចុះទៅដល់កន្លែងកើតហេតុបានឲ្យដឹងថា​ម៉ូតូទាំងពីរគ្រឿងត្រូវរងការ ខូចខាត​ទាំងស្រុង ចំណែកអ្នករងរបួសត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ នឹង សាកសពត្រូវប្រគល់ឲ្យក្រុមគ្រួសារទទួល យកទៅធ្វើបុណ្យតាមប្រពៃណី ។ ចំណែក ម៉ូតូរបស់ពួកគេត្រូវបានសមត្ថកិច្ចជំនាញចុះមកវាស់វែងអូសយកទៅ រក្សាទុកនៅ ការិយាល័យចរាចរណ៍ជើងគោករាជធានីភ្នំពេញ ។

គួរបញ្ជាក់ថាបុរសដែលស្លាប់ក្នុងហេតុការណ៍ដ៏រន្ធត់ខាងលើនេះមានឈ្មោះ សុង សុធា ៕

ដោយ៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya