ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» ព័ត៌មានជាតិ » ក្នុង​មួយ​ជីវិតត្រូវ​ចោរ​ប្លន់​៥ដងចុង​ក្រោយ​ជួប​ចោរ​ប្លន់​ជំរាប​សួរនិង​ជំរាបលា

ក្នុង​មួយ​ជីវិតត្រូវ​ចោរ​ប្លន់​៥ដងចុង​ក្រោយ​ជួប​ចោរ​ប្លន់​ជំរាប​សួរនិង​ជំរាបលា

កំពង់ធំ ៖  មាន​ហេតុការណ៍ មួយបានធ្វើឲ្យប្រជាពលរដ្ឋ មានការភ្ញាក់ផ្អើល​​កាលពី វេលាម៉ោង ២២.០០ នាទី យប់ ថ្ងៃទី ១៦ ខែ កក្តដា ឆ្នាំ ២០១៣ មានករណីចោរប្លន់ ប្រដាប់អាវុធ មួយក្រុមបានធ្វើសកម្មភាព ប្លន់នៅ​ក្នុងភូមិ សំពៅលូន ឃុំ ចើងដើង ស្រុកបារាយណ៍ ខេត្តកំពង់ធំ ។

ជនរងគ្រោះបានឲ្យដឹងថា លោកឈ្មោះ  តូច ញីត អាយុ ៦៤ឆ្នាំ មានមុខរបរ ធ្វើស្រែចំការ រស់នៅក្នុងភូមិ សំពៅលូន មានឋានៈជាមេភូមិ ក្នុងមួយជីវិតរបស់លោក បានជួប ប្រទះនិងករណី ចោរប្លន់ចំនួន ៥លើកទាំង លើកនេះ រហូតដល់មានជំនឿថា ខ្លួនឯង មានទំនាយចោរប្លន់ ខណៈពេលដែលចោរប្លន់ម្តងៗ មិនប្រកែក និងលោកចោរទេ បើលោកចោរចង់បានអីក៏ប្រគល់ជូន សុំកុំតែធ្វើបាបគាត់ និងក្រុមគ្រួសាររបស់គាត់ លោក បានបន្តថា លុះកាលពីយប់ថ្ងៃទី ១៦ វេលាម៉ោង ២២.យប់ ប្រពន្ឋនិងកូន៤នាក់ បានចូលមុងដេក  ចំណែក​រូបគាត់ កំពុងតែស្តាប់វិទ្យុ ក៏ស្រាប់តែលោក ចោរបីនាក់ រួមជាមួយនិងអាវុធអាកា មួយដើម  ចូលមកដំបូង ជំរាបសួរគាត់ តាមសម្រួល ហើយហៅគាត់ថា លោកអុំនៅឲ្យស្ងៀម កុំមាត់ កុំស្រែក មានមាស មានប្រាក់ និងរបស់មានតំលៃ ប្រគល់ជូនក្មួយ​យកទៅ​រក្សា​ទុកវិញម្តងចំណែកជនរង​គ្រោះក៏បានយក​របស់របរជូនក្មួយ​ចោររួមមានខ្សែករមាស​ទំវម្ងន់១តំឡឹង​ ,ជញ្ជៀន​ផ្លាកទីន២វង់២ជី,​កងដៃផ្លាកទីន២ជី,​ខ្សែកផ្លាកទី២ខ្សែ​ទំម្ងន់​៧ជី៥ហ៊ុន​,ប្រាក់រៀល ៧០ម៉ឺន​រៀល ,ប្រាក់ដុល្លា ១០០០ដុល្លា ,ទូរស័ព្ទដៃ ៣គ្រឿង,កាំបិទផ្គាក់ ២ ក្រោយពី​លោកក្មួយ​ចោរប្រមូល​បាន​ហើយ ក៏នាំគ្នា​ជំរាប​លា ដោយសម្រួល  ហើយគេចខ្លួនដោយសុវត្តិភាព។

លោក ឃុន ប៊ុនហួរ មេបញ្ជាការកងរាជ​អាវុធហត្ថស្រុកបារាយណ៍ បានដឹកនាំកម្លាំង ចុះទៅកន្លែងកើតហេតុ ក្រោយពីទទួលបានពត៌មាន ដោយរួមសហការជាមួយ កម្លាំងអធិការស្រុកបារាយណ៍ ក្រោមការបញ្ជាផ្ទាល់ ពីលោក ហាក់ ម៉ុងហួត អភិបាលស្រុកបារាយណ៍ និងជាប្រធានគណៈបញ្ជាការឯកភាពស្រុក ឲ្យដឹងនាំ​កម្លាំងតាមស៊ើបអង្កេតស្រាវជ្រាវ មុខសញ្ញាដែលធ្វើសកម្មភាពប្លន់ប្រដាប់អាវុធ មកលើមេភូមិ សំពៅលូន ខណៈនេះសមត្ថកិច្ចរួមសហការ តាមដានមុខសញ្ញា យ៉ាងដុតដៃដុតជើង ក៏ដូចជាការទប់ស្កាត់ ការពារ​សុវត្តិភាពក្នុងអំឡុង បោះឆ្នោតខាងមុខនេះ។

យោងតាមប្រភាពពីប្រជាពលរដ្ឋ បានឲ្យដឹងថា ស្រុកបារាយណ៍ បញ្ហារចាប់រំលោភ បញ្ហារចោរលូច ចោរ​ប្លន់​​ប្រដាប់អាវុធនៅក្នុងស្រុកបារាយណ៍ ក៏ដោយសារតែ ស្រុកបារាយណ៍ ប្រៀបបានទៅនឹងហ្គាសស៊ីណូ ប្រគួត បក្សីរបស់លោក ផល្លា ដែលតែងតែធ្វើសកម្មភាព លេងល្បែងស៊ីសង បៀ អាប៉ោង ជល់មាន់ចល័ត  មិនតែប៉ុណ្ណោះលោក ផល្លាដែលជា មេល្បែង បានដាក់កាលវិភាគ ជល់មាន់ចល័ត ដើម្បីប្រមូលទ្រព្យធន ពីប្រជាពលរដ្ឋ ឲ្យធ្លាក់ទៅក្នុងជ្រោះរណ្តៅញៀនល្បែង ករណីដែលស្រុកបារាយណ៍ មានករណីចោរលួច ចោរប្លន់ឥតឈប់ឈរនេះ ក៏ដោយសារអ្នកញៀនល្បែងស៊ីសង ពុំនោះសោត ប្រជាពលរដ្ឋ មានការព្រួយ បារម្មណ៍យ៉ាងខ្លាំង ចំពោះសុវត្តិភាពក្នុងអំឡុងបោះឆ្នោតខាងមុខនេះ បើសិនជាសមត្ថកិច្ចមិនអាចទប់ស្កាត់ លុបបំបាត់នូវល្បែងស៊ីសងបាន ៕

ដោយ  សុផាត

 

 

Copyright © 2010-2021 · អរិយធម៌ · All Rights Reserved.
Develop by Sek Sathya